7 C
Осиповичи
Понедельник, 25 октября, 2021
Еще

    Начальник Осиповичского гарнизона Алексей Ратушный признан «Человеком года» Могилевщины

    Популярное

    Мария ТАЛЕЙКО
    Мария ТАЛЕЙКОhttp://gzt-akray.by
    С 2009 по 2014 гг. училась на отделении журналистики МГУ им. Кулешова. В 2014 г. получила диплом о высшем образовании по специальности "Печатные СМИ". С 1 октября 2013 года - журналист районной газеты "Асіповіцкі край".

    Можам ганарыцца!

    У аблвыканкаме падвялі вынікі традыцыйнага конкурсу “Чалавек года Магілёўшчыны”. Каля трох дзясяткаў жыхароў рэгіёна выступілі ў якасці прэтэндэнтаў на атрыманне ганаровага звання па выніках 2019 года. Але толькі 15 прадстаўнікоў розных кірункаў дзейнасці — кіраўнікі прадпрыемстваў, арганізацый, работнікі сацыяльнай сферы, тыя, хто дасягнуў высокіх вынікаў у прафесійнай і грамадскай дзейнасці — урэшце названы лепшымі. Сярод іх — начальнік Асіповіцкага гарнізона, камандзір 51 гвардзей-скай артылерыйскай брыгады гвардыі палкоўнік Аляксей Ратушны, якога адзначылі ў намінацыі “Грамадска-палітычная дзейнасць”.

    На працягу амаль дзесяцігоддзя афіцэр служыць менавіта ў мясцовай артбрыгадзе, а ўзначальвае яе апошнія 3 гады. Ініцыятыўны, крэатыўны, патрабавальны да сябе і іншых — так пра камандзіра кажуць не толькі падначаленыя. Такім лічыць сябе і ён сам — і імкнецца трымаць марку. Галоўны паказчык таго, што кірунак абраны дакладна, — высокія паказчыкі 51 брыгады, у першую чаргу ў баявой падрыхтоўцы. Нездарма і падраздзяленні воінскай часці, і асобныя афіцэры, прапаршчыкі, сяржанты і салдаты рэгулярна адзначаюцца ў ліку лепшых па выніках армейскіх спаборніцтваў.

    Дарэчы, ніколі не пустуе і палігон “Асіповіцкі”, які таксама знаходзіцца на балансе брыгады. З цягам часу ён стаў ужо цалкам агульнавайсковым: патрэбныя ўмовы для баявых трэніровак знаходзяць там не толькі ракетчыкі і артылерысты, але і танкісты, разведчыкі, войскі спецыяльнага прызначэння і іншыя. Словам, ні дня без умоўна баявых падзей! Але ж, акрамя непасрэднага прызначэння, “Асіповіцкі” — з лёгкай рукі гвардыі палкоўніка Ратушнага — выконвае і патрыятычна-выхаваўчую і нават духоўна-асветніцкую функцыі. Так, тры гады таму прывялі да ладу даўно існуючую на палігоне крынічку: зрабілі калодзеж, навес, паклалі плітку. А ў гэтым студзені ўсе жадаючыя маглі падчас Вадохрышча акунуцца ўжо ў сапраўдную купель. Дарэчы, гэта месца на палігоне было названа ў гонар святога благачыннага князя Аляксандра Неўскага, які лічыцца заступнікам ваенных, і асвечана настаяцелем Крыжа-Уздзвіжанскага храма протаіерэем Аляксандрам Кісялёвым. Ініцыіраваў Аляксей Ратушны і ўстаноўку памятнага знака на месцы спаленай у вайну вёскі Рэпі-шча. Многія жыхары раёна і зараз называюць палігон менавіта так: памяць жыве.

    Кіпіць жыццё і непасрэдна ў ваенным гарадку “Паўднёвы”. Акрамя звычайных армейскіх задач, тут не забываюць і пра добраўпарадкаванне: работы на тых ці іншых аб’ектах вядуцца пастаянна. Напрыклад, у хуткім часе завяршыцца будаўніцтва спартыўнай залы і навучальнага корпуса. Рэгулярна надаецца ўвага і стану тэрыторыі “Паўднёвага”. А зусім нядаўна каля КПП на вул. Рабоча-Сялянскай з’явілася так званая “вітрына” з фотаздымкамі ўсіх асноўных момантаў жыцця асіповіцкіх артылерыстаў і ракетчыкаў. Нядзіўна, што ў ваенным гарадку рэгулярна праходзяць дні адчыненых дзвярэй для жыхароў і гасцей раёна і асабліва дзяцей і падлеткаў: тут ёсць што паказаць і аб чым расказаць — патрыятычнае выхаванне, да якога можна літаральна дакрануцца.

    Натуральна, ні ў якім разе не абстрагуецца начальнік гарнізона, а разам з ім і ўвесь асабісты састаў, ад жыцця горада і раёна. Праводзяцца мерапрыемствы, прысвечаныя Году малой радзімы, 75-годдзю Перамогі, актыўна рыхтуюцца армейцы і да 9 Мая, ды і цалкам рэгулярна задзейнічаны ва ўсіх масавых падзеях Асіповіччыны. На ўсю краіну гучыць ваенны аркестр 51 гвардзейскай брыгады: не толькі выступае на розных культурных фэстах, але і рэгулярна займае прызавыя месцы на конкурсах.

    — Лічу, што нельга сядзець на месцы, трэба заўсёды рухацца далей, праяўляць ініцыятыву, спрабаваць новае. Гэта даступна кожнаму — было б жаданне. Зразумела, прыемна атрымаць ганаровае званне “Чалавек года”, але гэта заслуга і ўсіх мясцовых артылерыстаў і ракетчыкаў: адзін жа ў полі не воін, — падсумоўвае Аляксей Юр’евіч. — Спадзяюся, мой прыклад стане для кагосьці матывуючым — будзем працаваць для лепшага будучага разам!

    Марыя ТАЛЕЙКА.

    m.taleiko@gzt-akray.by

    Реклама

    Последнее

    С 25 по 31 октября в Могилевской области объявлена Неделя детской безопасности

     Главная цель мероприятия – своевременное предупреждение дорожно-транспортных происшествий с участием несовершеннолетних.

    Осиповчане наводят порядок в городском парке

    В городском парке работа кипит. Трудятся представители разных организаций и учреждений. Здесь уже горы листвы, которую быстро загружают в специальные машины работники УКП ЖКХ...

    Работники Осиповичского райисполкома на областном субботнике

    Работники райисполкома во главе с председателем Константином Жигуцким тоже заняты посадкой деревьев. Через определенное время здесь будет березовая роща.

    В рамках областного субботника в Осиповичах высаживают сосны

    Несколько тысяч сосенок уже высадили работники лесхоза на пустыре возле Южного военного городка. Через пару лет это место не узнаем! Фото Нины Царик

    Областной субботник проходит в Осиповичах. Депутаты местного Совета активно трудятся

    "Аллею единства" закладывают на "Черняховке" депутаты районного Совета депутатов во главе с председателем Сергеем Сувеевым. Работы немало: предстоит посадить 130 клёников.