27.6 C
Осиповичи
Среда, 29 июня, 2022
Еще

    Город Осиповичи преображается

    Популярное

    Горад прыгажэе

    Вясна — пара аднаўлення. Як у прыродзе, так і ў населеных пунктах. Сёлета на вуліцах райцэнтра асабліва актыўна пачаліся рамонтныя работы, вядзе іх УКП ЖКГ.

    У цэнтры ўвагі — парк. Акрамя добраўпарадкавання вадаёма і краніравання дрэў — нагадваем, што гэта неабходная мера па барацьбе з раслінай-паразітам амелай, — тут выкладаюцца тратуарнай пліткай алеі і сцяжынкі. Наперадзе — рамонт сцэны і замена абеліскаў на Алеі Герояў, якія трэба завяршыць да Дня Перамогі.

    Тратуарную дарожку рабочыя прадпрыемства пракладуць і па вуліцы 60 гадоў Кастрычніка ў раёне царквы іконы Божай Маці “Усіх Смуткуючых Радасць”, а таксама абсталююць там стаянку для машын.

    Шмат робіцца і ў цэнтральнай частцы горада. Часткова замяняецца тратуар па вуліцах Дзмітрыева, Рымы Кунько, Інтэрнацыянальнай. А на ўчастку дарогі ад вакзала да вуліцы Крыловіча камунальнікі плануюць цалкам замяніць асфальтавае пакрыццё.

    Некаторыя будынкі цэнтральнай вуліцы горада часова апрануліся ў будаўнічыя рыштаванні. Ідзе абнаўленне фасадаў дамоў і па вуліцах Дзяржынскага, Каралёва. Тэрыторыя стадыёна “Лакаматыў”, які запланавана пераўтварыць у многафункцыянальны спартыўны комплекс, зараз абгароджваецца.

    Паўднёвы бок горада таксама прыгажэе. На вуліцы Гарбатава працягваецца распачатае летась асфальтаванне, рэканструююцца тратуары.

    Ідзе і рамонт раённай паліклінікі, хаця знешніх яго прыкмет яшчэ не бачна. Генеральны падрадчык будоўлі — філіял будаўніча-мантажнага поезда № 761 на станцыі Магілёў — ужо прыступіў да дэмантажу зношаных альбо болей непатрэбных элементаў будынка.

    Іна Заскевіч.

    i.zaskevich@gzt-akray.by

    Реклама

    Последнее