16.8 C
Осиповичи
Среда, 12 мая, 2021
Еще

    Интервью с начальником Осиповичского РОВД

    Популярное

    Напярэдадні Дня міліцыі начальнік РАУС Віктар Архіпенка аналізуе праведзеную работу, распавядае пра дасягненні ў аператыўна-службовай дзейнасці, дзеліцца планамі

    2020 год для асіповіцкіх праваахоўнікаў адзначыўся чарговай перамогай: наш райаддзел унутраных спраў чацвёрты раз запар прызнаны лепшым у вобласці. Такая высокая ацэнка — выдатны падарунак да прафесійнага свята, упэўнены Віктар Леанідавіч, які пачаў гутарку з карэспандэнтам “АК” з агульнай ацэнкі крымінагеннай абстаноўкі, якая склалася ў раёне ў мінулым годзе:

    — Прасочваецца пазітыўная дынаміка: у параўнанні з 2018 годам злачыннасць па лініі ўсіх службаў знізілася больш чым на 3% пры абласным паказчыку ў 0,7%, у сельскай мясцовасці — на 7,3%. У прыватнасці, у напрамку дзейнасці крымінальнага вышуку зарэгістравана 370 злачынстваў — мінус 46 да паказчыка папярэдняга перыяду. Меней стала наўмысных цяжкіх цялесных пашкоджанняў (3/4), рабаванняў  (10/12), крадзяжоў (227/274), у тым ліку з жылля (101/140). У цэлым пра паляпшэнне крымінагеннай абстаноўкі сведчыць і тое, што з 421 да 302 зменшылася колькасць паступіўшых у АУС зваротаў грамадзян і юрыдычных асоб. Пры гэтым электронных зарэгістравана амаль на 41% больш: прыемна адзначыць, што землякі ўсё больш актыўна карыстаюцца магчымасцямі інтэрнэту.

    — На жаль, камп’ютарныя тэхналогіі даступны не толькі прыстойным грамадзянам, і гэта непазбежна вядзе да паўсюднага росту колькасці злачынстваў у IT-сферы. Як ідуць справы ў нас?

    — Нягледзячы на сістэмную прафілактычную работу, узровень інфармаванасці насельніцтва аб спосабах здзяйснення падобных злачынстваў застаецца нізкім, і падстаў для аптымізму пакуль няма. Зарэгістравана на 35 злачынстваў больш: 46 крадзяжоў шляхам выкарыстання камп’ютарнай тэхнікі, 25 выпадкаў несанкцыянаванага доступу да камп’ютарнай інфармацыі і факт яе мадыфікацыі. Ды і ў агульным выпадкаў махлярства — не толькі ў інтэрнэце — стала больш: 12 супраць 9; з 12 да 24 вырасла і колькасць хуліганства, якое крымінальна караецца.

    — Згадзіцеся, цяжка ўявіць, што хуліганства або сямейны дэбош здзяйсняе чалавек у цвярозым розуме…

    — Сапраўды, больш за палову злачынстваў па лініі КВ учынена грамадзянамі ў стане алкагольнага ап’янення. П’янства непазбежна прыводзіць і да трагедый: так, у выніку атручвання сурагатамі алкаголю наступіла смерць жыхара раёна; падазроны ў адным з трох забойстваў, якія адбыліся ў мінулым годзе, — усе яны, дарэчы, здарыліся на бытавой глебе — таксама знаходзіўся ў нецвярозым стане, стаяў на ўліку ў ААПП як сямейны скандаліст…

    За год з 9 асобамі праведзена работа па накіраванні ў лячэбна-працоўны прафілакторый, у суд накіравана 25 матэрыялаў для вырашэння пытання аб прымусовай ізаляцыі ва ўмовах ЛПП. Праведзена 48 адпрацовак і 117 санкцыянаваных аглядаў жылля, канфіскавана больш за 1 453 літры самагонкі і брагі, 757 — фальсіфікаванай алкагольнай прадукцыі, 143 — спіртаўтрымліваючай вадкасці. Да адміністрацыйнай адказнасці за незаконны выраб і захоўванне алкагольнай прадукцыі прыцягнута 93 чалавекі, за з’яўленне ў грамадскім месцы нецвярозымі — 1 409, выдадзена 201 ахоўнае прадпісанне ў дачыненні да сямейных дэбашыраў. Пакарана і 33 дарослыя, што спойвалі непаўналетніх.

    — На жаль, дзеці нярэдка становяцца як аб’ектам, так і суб’ектам супрацьпраўных дзеянняў. Як склалася «ювенальная» карціна мінулага года?

    — Гэтае пытанне днямі падрабязна абмяркоўвался на пасяджэнні райвыканкама (гл. стар. 2 — рэд.). Дадам толькі, што ў любым “дзіцячым” правапарушэнні або злачынстве ёсць віна дарослых, і тут асабліва важная прафілактычная работа.

    — Як ідзе барацьба з іншым небяспечным дурманам — наркотыкамі? І што адбываецца ў сферы нораваў?

    — Значны вынік года — не фіксавалася перадазіровак, якія прывялі да смяротнага зыходу, у тым ліку непаўналетніх. Задакументавана 42 злачынствы, звязаныя з незаконным абаротам наркатычных сродкаў, псіхатропных рэчываў і іх аналагаў, з іх 4 факты збыту, 1 — прадастаўлення памяшкання для ўжывання наркасродкаў. За незаконныя дзеянні ў дачыненні да некурыльных тытунёвых вырабаў адміністрацыйна пакараны 1 чалавек, за з’яўленне ў грамадскім месцы ў стане, выклiканым ужываннем наркасродкаў, — 3. У выніку маніторынгу інтэрнэт-рэсурсаў і прафілактычных адпрацовак выяўлена і прыцягнута да адказнасці 3 асобы, якія займаліся прастытуцыяй.

    — З пачатку 2020-га на дарогах раёна ўжо пацярпела двое дзяцей і столькі ж дарослых. Як ацэньваеце стан дарожнай бяспекі?

    — Становішча застаецца складаным: і ў мінулым годзе было зарэгістравана 4 аварыі з удзелам непаўналетніх. Усяго адбылося 27 (16) уліковых ДТЗ, 4 з якіх — па віне нецвярозых вадзіцеляў; загінула 5 (5) і траўміравана 24 (25) чалавекі. Адзначу, што 8 ДТЗ, спалучаных з наездам на вела-сіпедыста або пешахода, адбыліся ўвечары, іх следствам сталі 5 выпадкаў атрымання цялесных пашкоджанняў і 3 гібелі людзей — трагедыі адбыліся на аўтадарозе Мінск-Гомель.

    — Адно з асноўных патрабаванняў, што прад’яўляюцца да органаў унутраных спраў, — выяўленне правапарушэнняў і злачынстваў у галінах эканомікі, у тым ліку фактаў карупцыі. Якія вынікі дасягнуты ў гэтым кірунку?

    — Выяўлена 41 злачынства, 18 — карупцыйнай накіраванасці, з іх 17 катэгорыі цяжкіх і асабліва цяжкіх. Калі казаць пра структуру, то большая частка — гэта крадзяжы шляхам выкарыстання службовага становішча (14/7) і прысваенне або растрата (5/8). Значна знізілася колькасць фактаў хабарніцтва (30/1) і злачынстваў супраць інтарэсаў службы (48/13). Незаконнага абароту валюты не выяўлена, хоць у 2018 годзе фіксавалася 3 падобныя выпадкі.

    — Якія напрамкі работы прыярытэтныя цяпер?

    — Зыходзячы з сітуацыі, якая склалася, асноўныя намаганні супрацоўнікаў райаддзела накіраваны ў першую чаргу на захаванне наяўных станоўчых тэндэнцый у стане крымінагеннага становішча, забеспячэнне асабістай і маёмаснай бяспекі грамадзян, выяўленне і ліквідацыю прычын і ўмоў, што садзейнічаюць учыненню злачынстваў, у тым ліку непаўналетнімі. Актывізавана агітацыйна-прапагандысцкая работа па папярэджанні дарожна-транспартнага траўматызму, недапушчэнні п’янства і наркаманіі сярод насельніцтва. З надыходам летняга сезона асаблівую ўвагу нададзім забеспячэнню грамадскага спакою ў месцах масавага адпачынку. Пагадзіцеся: падтрыманне правапарадку — справа сумесная, так што спадзяюся, што ўсялякае садзейнічанне міліцыі па-ранейшаму будуць аказваць не толькі суб’екты прафілактыкі, але і нашы землякі, неабыякавыя да таго, што адбываецца побач.

    Алена ЛЕПЛЯНІНА-КУБАР

    e.leplyanina.kubar@gzt-akray.by

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Лукашенко: пока наше поколение живо, Беларусь всегда будет стоять намертво

    Белорусы никогда не позволят смотреть на свою землю с презрением. Об этом Президент Беларуси Александр Лукашенко заявил сегодня на церемонии возложения венков к монументу Победы по случаю 76-й годовщины Великой Победы.

    Праздник, соединивший скорбь и радость

    Каждый год вместе с нежной листвой и цветением садов на белорусскую землю приходит один из самых важных и масштабных праздников — День Великой Победы. В этом году наша страна встречает 76 мирную весну.

    Гуляюць хлопчыкі ў вайну

    Усё далей ад нас вогненныя саракавыя гады. Ужо не адно пакаленне стаіць паміж тагачаснымі абаронцамі краіны і сённяшнімі школьнікамі. Не расказваюць рабятам дзядулі і бабулі пра вайну, бо самі ведаюць пра яе толькі ад уласных бабуль. А таму не так блізка і востра адчуваюць ужо цяперашнія дзеці боль і горыч страт, цяжар жыцця ў акупацыі, складаныя ўмовы франтавых будняў.

    Моя встреча с Великой Отечественной

    Мне не суждено было пережить годы военного лихолетья: я родился, когда страна занималась мирным строительством, осваивала целину, разведывала недра земли, рвалась в космос. О войне напоминали лишь детские игры да звон боевых наград во время многочисленного шествия воинов-фронтовиков в День Победы.

    К сведению пассажиров

    РАСПИСАНИЕ движения автобусов