4 C
Осиповичи
Воскресенье, 11 апреля, 2021
Еще

    Инклюзивный фестиваль прошел в Осиповичах

    Популярное

    Осиповчанка Ева Карытка заняла 1 место в республиканском конкурсе творческих работ

    У апошні час грамадства стала актыўна вывучаць свае радаводы. Але для таго каб мець уяўленне пра сваіх продкаў, трэба добра ведаць гісторыю паходжання народа, традыцыйныя заняткі, лад жыцця і гісторыю сваёй малой радзімы.
    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Мастацтва выратуе свет

    Інваліднасць не ставіць крыж на жыцці, а ў некаторых выпадках нават дапамагае раскрыць творчы патэнцыял

    “Пульс жыцця” — такую назву атрымаў інклюзіўны творчы фестываль, які прайшоў у суботу ў МПЦ “Равеснік”. Яго арганізавалі цэнтралізаваная клубная сістэма і пярвічная арганізацыя грамадскага аб’яднання “Беларуская асацыяцыя дапамогі дзецям-інвалідам і маладым інвалідам” у рамках праекта міжнароднай тэхнічнай дапамогі “Мастацтва за інклюзію”, фінансуемага агенцтвам ЗША па міжнародным развіцці USAID.

    Удзел у мерапрыемстве прынялі намеснік старшыні райвыканкама Ганна Землянухіна, начальнік аддзела ідэалагічнай работы, культуры і па справах моладзі Ірына Раманчук, каардынатар праекта “Мастацтва за інклюзію” Ірына Куксік, старшыня пярвічкі ГА “Беларуская асацыяцыя дапамогі дзецям-інвалідам і маладым інвалідам” Наталля Атрашонак.

    Наведалі мерапрыемства дзеці і дарослыя, занятыя ў розных сферах дзейнасці, у тым ліку і з абмежаванымі магчымасцямі — усім было цікава пазнаёміцца з вырабамі народных майстроў Асіповіччыны і суседніх раёнаў, якія былі прадстаўлены на аформленай у фае ўстановы культуры выставе. Цікавую экспазіцыю падрыхтавала інклюзіўная студыя керамікі “Коловрат”, якая нядаўна пачала работу на базе раённага цэнтра народных рамёстваў і дэкаратыўна-прыкладнога мастацтва. Яе наведвальнікі, дарэчы, вырабілі і падарункі ўдзельнікам фестывалю.

    Прысутныя знаёміліся з фотавыставай, слухалі выступленні педагогаў і навучэнцаў дзіцячай школы мастацтваў № 1, якія выканалі інструментальныя творы, а таксама тэатральную пастаноўку. Юныя мастачкі названай установы далі майстар-клас па выяўленчай дзейнасці: 16-гадовая Паліна Золіна пісала партрэт, а 8-гадовая Эвеліна Тамкова — нацюрморт. Побач актыўнічалі іх аднагодкі, задавалі пытанні. Тым часам безупынку круцілася ганчарнае кола, і бясформенныя кавалкі гліны ў руках майстра Дзмітрыя Палешчука, нібы ў дзівоснай казцы, ператвараліся то ў гладыш, то ў вазу ці сподак. Як зачараваныя, сачылі за работай і юныя, і больш сталыя гледачы. А супрацоўнікі РАНС прапаноўвалі рабятам на некалькі хвілін адчуць сябе пажарнымі-ратавальнікамі, апрануўшыся ў іх форму.

    Паступова дзея перамясцілася ў глядзельную залу. Кіраўнік мясцовай ініцыятывы “Нам по пути” Эдуард Клуйша звярнуўся да людзей з рухомымі абмежаваннямі і параіў у цяжкіх жыццёвых сітуацыях не апускаць рукі, а браць у іх прылады працы і асвойваць якое-небудзь рамяство. Напрыклад, мастацтва рэтушы, онлайн-курс па якой ён адаптаваў для людзей з інваліднасцю і цяпер паспяхова вядзе.

    На жаль, не ўсім дадзена шчасце чуць гукі навакольнага жыцця. Такім людзям было адрасавана шчымлівае выступленне студэнтаў інклюзіўнай адукацыі БДПУ імя  М. Танка, якія займаюцца папулярызацыяй жэставай мовы.

    Прайшла і канцэртная праграма. У ёй прынялі ўдзел наведвальнікі раённага цэнтра сацабслугоўвання насельніцтва, спецшколы-інтэрната, юныя артысты дзіцячых школ мастацтва горада. Выканаў свае віртуозныя нумары і вядомы ў краіне баяніст Віталій Варанко. Шчырымі апладысментамі быў сустрэты сямейны інклюзіўны тэатр “І”, які прадставіў увазе гледачоў тэатральную мініяцюру “З жыцця насякомых”.

    Удзельнікі фестывалю атрымалі дыпломы, гледачы — новыя ўражанні, а таксама адрасы тых устаноў, дзе развіваюць здольнасці і абуджаюць надзеі. На тое, што мастацтва сапраўды выратуе. Ад адзіноты, тугі, расчаравання. І ўсе яшчэ раз пераканаліся: калі не дзейнічаюць у поўнай меры ногі ці рукі — могуць вырасці крылы, што будуць несці па жыцці, абмінаючы перашкоды.

    Реклама

    Последнее

    Гузаль Цыганкова приехала в Беларусь в детстве

    Отца-военного по долгу службы несколько раз переводили из гарнизона в гарнизон. Поэтому уроженка солнечного Узбекистана пошла в школу в Монголии, а окончила ее уже в Беларуси.

    ГАИ призывает граждан к содействию

    В целях своевременного реагирования на изменения дорожно-транспортной обстановки необходимо незамедлительно информировать органы внутренних дел по телефонной линии «102» о нахождении на дороге уязвимых участников дорожного движения, находящихся в состоянии алкогольного опьянения, либо создающих своим поведением предпосылки к совершению ДТП, для их своевременного изъятия с проезжей части, а также лиц управляющих транспортными средствами в состоянии алкогольного опьянения и не имея права управления транспортными средствами.