8.2 C
Осиповичи
Пятница, 17 сентября, 2021
Еще

    О чём вспоминают осиповчане накануне вечера встречи выпускников

    Популярное

    Вокны знаёмыя ласкава свецяцца…

    У першую суботу лютага школьныя класы напаўняюцца не зусім звычайнымі вучнямі. У гэты дзень за парты садзяцца былыя школьнікі, каб узнавіць у памяці шчаслівыя імгненні, калі неба было больш блакітным, а дрэвы здаваліся надзвычай вялікімі.

    Сёлета вечары сустрэчы выпускнікоў пройдуць 1 лютага. Многія чакаюць першую лютаўскую суботу кожны год, іншыя наведваюць установу адукацыі толькі на юбілейныя даты, а хтосьці і наогул не быў у школе з моманту яе заканчэння. Напярэдадні дня сустрэчы школьных сяброў спыталі землякоў, ці памятаюць яны сваю альма-матар.

    Тамара Астаповіч:

    — Васьмігодку я заканчвала ў Дзераўцах, а ўжо сярэднюю адукацыю атрымоўвала ў Дараганаве. З моманту заканчэння школы мінула нямала часу, але часта ўспамінаю дзяцінства. Жыву ў райцэнтры і на малой радзіме бываю рэдка: толькі летам езджу туды ў ягады. Ужо і бацькоўскай хаты не засталося. Была на 100-гадовым юбілеі Дзераўцоўскай школы, сустрэла там многа блізкіх і дарагіх сэрцу людзей. Зараз ужо няма маёй школы, але заўсёды рада бачыць тых, з кім разам бегалі на ўрокі, атрымоўвалі адзнакі і марылі аб будучым.

     

    Сяргей Кажадуб:

    — Вучыўся ў СШ № 4, скончыў там 8 класаў. На вечары сустрэчы даўно не хадзіў. Аднойчы, памятаю, давялося пабываць, вельмі спадабалася. Але з аднакласнікамі падтрымліваем адносіны, сустракаемся ў кафэ і так, на вуліцы. Заўсёды прыемна ўбачыць сяброў дзяцінства.

     

    Ганна Цяняк:

    — Мая школа засталася далёка не толькі па часе, але і па адлегласці, бо вырасла я ў гора-дзе Вінаградава Закарпацкай вобласці. А з 1991 года жыву ў ваенным гарадку Лапічы. Канечне, вельмі хацелася б трапіць на радзіму, пахадзіць па сцяжынках дзяцінства, зайсці ў некалі родны клас, убачыць сваіх аднагодкаў, але не ўдаецца. А вось сацыяльныя сеткі дазваляюць гэта зрабіць. Дзякуючы ім знайшла многіх землякоў, наладзіла стасункі. Настаўнікаў маіх ужо няма ў жывых, але ў памяці яны засталіся, асабліва першая — Ганна Міхайлаўна. Яна, дарэчы, мая поўная цёзка.

     

    Аляксандр Пацкевіч:

    — На вечарах сустрэчы ў Вяззеўскай сярэдняй школе, якую калісьці скончыў, бываю часта. Не ведаю, ці атрымаецца і сёлета. Жыву ў райцэнтры. У маім класе налічвалася 27 вучняў — усе цудоўныя рабяты. І цяпер стараюся даведацца пра кожнага, як у каго склаўся лёс. Наш клас амаль цалкам «асеў» недалёка ад дома, у роднай краіне. Любім сваю вёску. Я ўжо на пенсіі. З задавальненнем баўлю час з унучкай Сашай.

     

    Наталля Малаковіч з дачкой Карынай:

    — 17 гадоў таму адзвінеў мой апошні званок у гімназіі. Але не парываю сувязі са сваім класам. З удзячнасцю ўспамінаю класнага кіраўніка Ларысу Мікалаеўну Чысцякову. Нелюбімых прадметаў не было, але чамусьці асабліва падабалася фізкультура. З некаторымі аднакласніцамі зараз дружым сем’ямі. Жыццё школы для мяне не далёкая і забытая справа. Цяпер у СШ № 1 вучыцца дачка. Падрастае сын Максімка, які таксама праз некалькі гадоў пойдзе ў школу.

    Заўтра многія змогуць пабываць у сваім юнацтве, убачыцца са школьнымі таварышамі і педагогамі. Няхай жа гэтыя сустрэчы прынясуць толькі станоўчыя эмоцыі!

    У які час адбудуцца ў школах мерапрыемствы — глядзіце на нашым сайце.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Рецепт счастливой семьи от многодетной мамы Светланы Криштапович

    Не раз приходилось слышать от молодых мам жалобы на послеродовую депрессию: дескать, ребенок плачет, постоянно приходится находиться дома, родные не всегда "на подхвате", прежние платья не налезают и с подружками встретиться нет возможности...

    Хорошо поработали-немало заработали

    Студотрядовское движение — одно из направлений деятельности БРСМ по оказанию помощи в трудоустройстве молодых людей в свободное от учебы время. Подводим итоги сезона с первым секретарем Максимом Ковальчуком.

    Круглая дата Осиповичского лесхоза

    Як атрымаць максімум магчымага ў спрыяльных умовах: майстар-клас ад ДДЛГУ "Асіповіцкі доследны лясгас"

    Прямая телефонная линия

    17 сентября 2021 года с 14.00 до 16.00 прямую телефонную линию проведет заместитель начальника Могилевской таможни Орловский Михаил Владмирович.

    Лукашенко: глобальная напряженность несет риски силового разрешения конфликтов

    Глобальная напряженность формирует риски силовых вариантов разрешения конфликтов. Об этом Президент Беларуси Александр Лукашенко заявил сегодня во время сессии Совета коллективной безопасности ОДКБ в Душанбе.