12.8 C
Осиповичи
Пятница, 16 апреля, 2021
Еще

    Александр Гончаров, заместитель председателя райисполкома: «Осиповичи должны стать удобными и красивыми!»

    Популярное

    На папярэдняй пасадзе — дырэктара КУДП “Капітальнае будаўніцтва” — Аляксандр Ганчароў працаваў усяго чатыры месяцы. Як сам прызнаецца, досыць нечакана атрымаў прапанову заняць “крэсла” намесніка старшыні райвыканкама, што адказвае за будаўніцтва, камунальную і дарожную гаспадарку, энергетыку, газазабеспячэнне. Аднак згадзіўся без ваганняў, і таму ёсць слушныя прычыны. Падрыхтоўка да абласных “Дажынак” адкрывае вялікія магчымасці менавіта для курыруемых сфер, і Аляксандр Іванавіч, як кіраўнік са здаровымі прафесійнымі амбіцыямі, жадаў бы гэтымі магчымасцямі скарыстацца па максімуму. І не толькі для ўмацавання ўласнага аўтарытэту: куды істотней шчырае жаданне зрабіць наш горад больш сучасным.

    Тры бліжэйшыя мэты

    — Пачну з фінансавага забеспячэння падрыхтоўкі да “Дажынак”, — кажа Аляксандр Іванавіч. — План падрыхтоўкі да абласнога фестывалю-кірмашу працаўнікоў вёскі складзены, аднак ён яшчэ не канчатковы: карэкцыя будзе рабіцца ў залежнасці ад аб’ёму даступных сродкаў. Зараз інтарэсы Асіповіч у гэтым кірунку адстойваюць і асобныя прадпрыемствы, і органы раённай улады. Разуменне з боку вышэйстаячых інстанцый ёсць, аднак патрэбы неабходна фармуляваць пераканаўча і прадумана да дробязей — каб атрымаць найлепшы вынік пры мінімальных расходах дзяржаўных грошай.

    Далей, каб паспяхова выканаць узятыя абавязацельствы, спатрэбіцца хутка “нарасціць мускулы” камунальнай і будаўнічай сферы. Да канца года плануецца завяршыць першы этап стварэння раённай будаўнічай арганізацыі, якой нам востра не хапае. Гэтая справа аказалася вельмі цяжкай і доўгай — у першую чаргу, з-за вялікай колькасці юрыдычных нюансаў.

    УКП ЖКГ давядзецца даволі адчувальна павялічваць штатную колькасць персаналу. Чакаюцца вялікія аб’ёмы работ, і наяўнымі сіламі камунальнікі з імі не справяцца. Вядомае “вузкае” месца — дэфіцыт кадраў — без увагі не застанецца. Пакуль рана агучваць канкрэтныя планы па яго пераадоленні, але людзі будуць патрэбны любой цаной: такі вось намёк на чакаемы ўзровень  аплаты працы.

    Ну і, нарэшце, не толькі святамі жыве рэгіён. Работа па іншых кірунках павінна весціся як мінімум з сёлетнімі тэмпамі. Што таксама будзе няпроста.

    Чатыры галоўныя задачы

    Надаць цэнтру горада адметнасць і выразнасць — гэта раз.

    Тэрыторыя паміж вуліцамі Рымы Кунько-Дзмітрыева і Юбілейнай-Інтэрнацыянальнай — гэта асіповіцкі цэнтр. План рэканструкцыі вуліцы Сумчанкі ў межах такога чатырохкутніка амаль гатовы, работы на астатняй тэрыторыі будуць весціся так, каб захаваць яе стылістычную і функцыянальную еднасць.

    Плошчу каля чыгуначнага вакзала з вуліцай Інтэрнацыянальнай і ўезд на вуліцу Сумчанкі з боку шашы Мінск-Гомель можна лічыць вітрынамі Асіповічаў. Так што другая задача — дамагчыся, каб яны стваралі яркі і пазітыўны імідж рэгіёна. Сярод ідэй, якія будуць рэалізоўвацца абавязкова, — будаўніцтва сучаснай аўтастанцыі.

    Вынікам намаганняў у гэтых кірунках павінна стаць стварэнне “гарадскога твару”, які захавае актуальнасць на працягу як мінімум двух дзесяцігоддзяў.

    Трэцяя неадкладная справа — будаўніцтва станцыі абезжалезьвання на паўночным водазаборы. Гэта справа ўнесена ў план развіцця горада на 2020 год, і трэба зрабіць усё, каб па-ставіць кропку ў надакучыўшай усім эпапеі з паляпшэннем якасці асіповіцкай вады. Дарэчы, акрамя яе, плануецца будаўніцтва яшчэ пяці станцый у раёне: у Лапічах і Ялізаве — па дзве, у Татарцы — адна.

    Транспартная інфраструктура мікрараёна вуліцы Чарняхоўскага — чацвёрты “галаўны боль”. Спрасціць жыццё мясцовых аўтамабілістаў павінна рэканструкцыя завулка Чарняхоўскага. Гэта вельмі дарагая справа, але ж таксама адна з прыярытэтных.

    Два матывуючыя дасягненні

    Тут нічога нечаканага: лёс новага корпуса райбальніцы і аўтамабільнага пуцеправода не пакідае абыякавым ніводнага земляка. Вырасла ўжо цэлае пакаленне, для якога ўзгаданыя “балючыя кропкі” гарадской інфраструктуры — звыклыя з маленства. Але паспяховае вырашэнне гэтых праблем — справа ўжо вельмі хуткая. Бальнічны корпус прыме першых пацыентаў да канца года: зараз на аб’екце вядзецца мантаж абсталявання і добраўпарадкаванне прылягаючай тэрыторыі. Справа прыярытэтная, так што калі надышоў час пакласці каля бальніцы асфальт, сюды была тэрмінова дастаўлена тэхніка, якая працавала на рамонце вуліцы Сташкевіча.

    Калі ўдалося справіцца нават з такімі застарэлымі праблемамі, то і ўсе іншыя пераадольныя.

    Адна каманда

    Вельмі хацелася б дамагчыся перамен у адносінах землякоў да свайго горада. Гэта ж наш агульны дом, і ён будзе такім, як да яго ставяцца жыхары — як бы ні напружваліся камунальныя службы ў выкананні сваіх абавязкаў.

    Не псаваць тое, што ўжо ёсць, — гэта ўвогуле не патрабуе намаганняў. Было б зусім выдатна, калі б яшчэ землякі — індывідуальна ці талакой — імкнуліся рэалізоўваць ініцыятывы для паляпшэння якасці свайго жыцця.

    Каб забяспечыць умовы для ўвасаблення цікавых ідэй, далёка не заўсёды трэба звяртацца ў кіруючыя інстанцыі. Часта дастаткова дамовіцца з уласнікамі пабудоў ці тэрыторый.

    Ды і раённая адміністрацыя да дыялогу з грамадскасцю заўсёды адкрыта. Кожная прапанова ў вырашэнні праблем развіцця горада і іншых паселішчаў будзе ўважліва вывучацца і, калі мае рацыю, — рэалізоўвацца. Зразумела, пры наяўнасці ў бюджэце сродкаў.

    Дзмітрый САЎРЫЦКI.

    d.savrickiy@gzt-akray.by

    Реклама

    Последнее

    Коротко о разном. Осиповичи

    Нацыянальны конкурс “Прадпрымальнік года” стартаваў 1 красавіка. Па выніках конкурсу ў кожнай вобласці і ў горадзе Мінску спецыяльна створаныя аргкамітэты (журы), у склад якіх увойдуць вядомыя прадпрымальнікі і прадстаўнікі органаў дзяржкіравання, вызначаць лепшых бізнесменаў у намінацыях “Паспяховы старт”, “Стабільны поспех” (дапускаецца ўдзел буйных прадпрыемстваў),

    РГОО «Белорусское общество охотников и рыболовов» с 16 по 24 апреля проводит акцию «Чистый водоем»

    Мероприятие проходит с 2014 года и направлено на экологическое воспитание всех слоев населения, привлечение внимания к проблеме загрязнения водоемов, а также на приведение в порядок прибрежной зоны водоемов и водотоков накануне открытия сезона массового активного отдыха на природе.

    Новая веха в жизни Осиповичского района

    На днях районный исполнительный комитет, районное объединение организаций профсоюзов и объединение промышленников и предпринимателей, руководствуясь интересами населения и в целях создания на основе принципов социального партнерства необходимых условий для достойного труда, гармоничного развития видов экономической деятельности, на основании Трудового кодекса Республики Беларусь, Указа Президента Республики Беларусь от 15 июля 1995 г. № 278 "О развитии социального партнерства в Республике Беларусь",

    Завтра — республиканский субботник

    Середина апреля на дворе, а значит, самое время повсеместно навести порядок. Приложить руки каждому есть к чему и где. А еще лучше — дружно и вместе, ведь в стране идет Год народного единства. В 2020-м, несмотря на все его сложности,  родной город значительно преобразился и похорошел. Хотелось бы, чтобы благоустройство активно продолжалось и в текущем году — у нас для этого есть немало причин. Ждут обновления и сельские населенные пункты.

    Рассказываем о работе осиповичского ЗЖБК

    Змена майстра ўчастка зборных бетонных вырабаў Андрэя Балоцькі і аператара пульта кіравання Ігара Дзямко вымяраецца не толькі гадзінамі, але і кіламетрамі