12.3 C
Осиповичи
Воскресенье, 13 июня, 2021
Еще

    Да дня бібліятэк. Да вытокаў душой дакрануцца

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Многім з нас уласціва глыбокая прыхільнасць да роднай зямлі, цікавасць да традыцыйнай культуры, самабытнасці. Актывізацыі краязнаўчай дзейнасці спрыяюць і бібліятэкі. Не стала выключэннем і Красненская сельская, адзін з напрамкаў работы якой — выхаванне ў аднавяскоўцаў павагі да гісторыі, культуры, побыту мясцовасці.

    Вёска Краснае багата народнымі традыцыямі і абрадамі, што беражліва захоўваюцца і перадаюцца з пакалення ў пакаленне. Як і кожнае паселішча, мае сваю адметнасць і гісторыю, якую трэба спазнаць і данесці да людзей. Менавіта такую мэту паставіла бібліятэкар Наталля Баразна. А пачалося ўсё з праекта “Не знікай, мая вёска” і краязнаўчай фотаэкспедыцыі “Адбіткі вечнасці”, у межах якіх былі сабраны матэрыялы аб зніклай вёсцы Кассё (размяшчалася непадалёк ад Краснага) і рэдкія фатаграфіі яе жыхароў. Па гэтых матэрыялах з’явілася кніга памяці сям’і — нарыс “Адбіткі вечнасці”. Наступным этапам стала правя-дзенне на працягу года акцыі “У музей з падарункам”: бібліятэкар прапанавала аднавяскоўцам падарыць рэчы і прадметы, што засталіся ў вясковых хатах ад іх дзядоў і прадзедаў. Як вынік на свет нарадзілася экспазіцыя “Культура і побыт продкаў” — інтэр’ер бібліятэкі аздобіўся змястоўнымі краязнаўчымі куткамі.

    Па крупінках збіраючы краязнаўчыя матэрыялы, запісваючы ўспаміны, афармляючы тэматычныя дасье, бібліятэкар прыйшла да высновы стварыць музейна-культурны цэнтр “Мой край. Мой дом. Мае вытокі”. Арганізаваны музейны пакой “Спадчына маёй вёскі”, падрыхтаваны цыкл вандровак па памятных мясцінах красненскай зямлі. З’явіліся матэрыялы аб вёсцы і людзях “Хто ёсць хто ў вёсцы Краснае”.

    У межах праекта “Сямейныя фатаграфіі як адлюстраванне гісторыі” праведзена акцыя “Адгукніся, фотаздымак!” па папаўненні фонду старых фатаграфій, створана імправізаваная студыя рэтраздымкаў. Самы актыўны ўдзел разам з бібліятэкарам прымаюць чытачы – дзеці, якія наведваюць пажылых жыхароў вёскі, збіраюць артэфакты.

    Зацікавіла землякоў і экспазіцыя “Культура і побыт продкаў”. Жыхары вёскі паказвалі Наталлі шмат рэчаў і адзення 60-80-х гадоў мінулага стагоддзя. І гэта падштурхнула да стварэння ў бібліятэцы рэтрабуціка “Будзем знаёміцца. Я мода…”. Каб наведвальнікі маглі не толькі ўбачыць экспазіцыю, але і даведацца аб развіцці моды, аформлены тэматычныя куткі “Пазнаюць нашу дачку ў андарачку”, “Шапачнае знаёмства”.

    Адраджэнне самабытнай беларускай культуры, традыцый, збіранне фальклору разам з чытачамі — яшчэ адзін важны кірунак дзейнасці. Яму прысвечаны этнаграфічны праект “Да вытокаў душой дакрануцца”. Аформлена экспазіцыя “Мазаіка вышыўкі — фантазіі палёт”, сабраны матэрыялы і выдадзены інфармацыйныя буклеты аб фальклоры, песенных традыцыях і гульнях продкаў — ураджэнцаў гэтых мясцін.

    Дзейнічае клуб для пажылых чытачоў “Завалинка”, наведвальнікі якога ўдзельнічаюць у сустрэчах з маладым пакаленнем, знаёмяць дзяцей і падлеткаў з побытам беларускай сям’і, жыццём роднай старонкі ў далёкія часы, традыцыямі краю.

    Краязнаўства — гэта захапляльная праца, якая патрабуе вялікай аддачы, часу і сіл. Але як прыемна, калі ў бібліятэку ідуць жыхары вёскі і госці — малыя і дарослыя, гледзячы на экспанаты, дзеляцца ўражаннямі, успамінаюць мінулае. А ў дапамогу — кнігі і буклеты, створаныя карпатлівай працай пад началам Наталлі Баразны, якая змагла зацікавіць аднавяскоўцаў гісторыяй роднай зямлі.

    Зоя ПЫШНАЯ,

    загадчык аддзела бібліятэчнага маркетынгу цэнтральнай бібліятэкі.

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.