11.6 C
Осиповичи
Среда, 28 сентября, 2022
Еще

    Як асіпаўчане адзначылі Дзень моладзі

    Популярное

    Мария ТАЛЕЙКОhttp://gzt-akray.by
    С 2009 по 2014 гг. училась на отделении журналистики МГУ им. Кулешова. В 2014 г. получила диплом о высшем образовании по специальности "Печатные СМИ". С 1 октября 2013 года - журналист районной газеты "Асіповіцкі край".

    Самы маладзёжны дзень года землякам прапанавалі правесці актыўна, а святкаванне пачалося ў суботу а 11 гадзіне. Асіпаўчане ўсіх узростаў сабраліся на паркоўцы каля храма па вул. Юбілейнай, дзе стартавалі спаборніцтвы па картынгу і раённы забег, прысвечаны 75-годдзю вызвалення краіны ад нямецка-фашысцкіх захопнікаў. Пасля ўрачыстага адкрыцця і некалькіх творчых нумароў у выкананні артыстаў цэнтра творчасці дзяцей і моладзі фітнэс-трэнер Алена Савельева правяла агульную размінку і — на старт! Пакуль бегуны пераадольвалі дыстанцыю ў 1000 метраў, картынгісты змагаліся за званне лепшага. Ім стаў Аляксей Крыловіч. А вось у ўдзель-нікаў забегу пераможцаў не было: кожны атрымаў на фінішы памятны медаль ад райкама БРСМ, і ў гэтым выпадку галоўным быў выключна ўдзел.

    Працягнулася святочная праграма ўжо ў гарадскім парку. Усе, хто вырашыў далучыцца, маглі ацаніць паказальнае выступленне маленькіх выхаванак клуба эстэтычнай гімнастыкі “Прынцэса спорту”, а таксама творчасць мясцовых артыстаў падчас патрыятычнай акцыі “Пяю табе, Беларусь” і фестывалю “Суквецце маладосці”. Вызвала ажыятаж у асіпаўчан і ўжо традыцыйнае свята “Холі” — непафарбаваным не застаўся ніхто! Напрыканцы ж усіх жадаючых чакала дыскатэка.

    Дарэчы, маладзёжныя актывісты раёна адзначылі свой дзень яшчэ адной знакавай падзеяй. У нядзелю паўтара дзясятка маладых людзей накіраваліся ў сталіцу, дзе на свае вочы пабачылі цырымонію закрыцця II Еўрапейскіх гульняў і разам з усімі развіталіся з Лесікам.

    Реклама

    Последнее