13.3 C
Осиповичи
Воскресенье, 13 июня, 2021
Еще

    У райвыканкаме. Днямі зацверджаны арыенціры бліжэйшай будучыні рэгіёна

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Ужо тое, што на парадак дня нядаўняга пасяджэння райвыканкама, якое прайшло пад началам першага намесніка старшыні Сяргея Ананіча з актыўным удзелам намесніка старшыні Магілёўскага аблвыканкама Руслана Страхара, кіраўніка камітэта па архітэктуры і будаўніцтве Ігара Клішэ і іншых адказных работнікаў абласнога ўзроўню, было ўнесена адзінае пытанне, кажа аб яго важнасці. І гэта нядзіўна: зацвярджаўся Комплексны план развіцця Асіповіцкага раёна на 2019-2020 гады.

    Прапанаваны дакумент, як адзначыла начальнік ад-дзела эканомікі райвыканкама Алена Грунтова, распрацаваны пры ўдзеле ўпраўленняў, аддзелаў выканаўчага камітэта і арганізацый рэальнага сектара эканомікі і ўзгоднены са структурнымі падраздзяленнямі аблвыканкама. Мэта — рост выручкі ад рэалізацыі прадукцыі на аднаго сярэдняспісачнага работніка, што дазволіць у канцы будучага года забяспечыць па раёне намінальна налічаную зарплату не ніжэй тысячы рублёў.

    Эканамічны патэнцыял у нас фарміруюць буйны прамысловы комплекс, чыгуначны вузел, развітая сетка арганізацый сацыяльнай сферы, сельскагаспадарчыя і будаўнічыя, суб’екты малога прадпрымальніцтва. Аснова нашай эканомікі — прамысловасць: яе ўдзельная вага ў агульным аб’ёме выручкі ад рэалізацыі прадукцыі, тавараў, работ, паслуг перавышае 70%. У галіне прадугле-джваецца, да прыкладу, апераджальны рост выручкі ад рэалізацыі на сярэдняспісачнага работніка да ўзроўню 2018 г. у памеры 142,5% у параўнанні з ростам зарплаты (120,6%), намінальнае налічэнне сярэднямесячнага заробку ў снежні 2020 г. — 1040,1 руб. Развіццё прамысловага комплексу — праз рэалізацыю мерапрыемстваў па пашырэнні наменклатуры і відаў выпускаемай прадукцыі, тэхпераўзбраенні і мадэрнізацыі вытворчасці, рэканструкцыі і стварэнні новых вытворчых магутнасцей, энергазберажэнні і паляпшэнні якасці прапаноўваемых паслуг.

    Што тычыцца мэтавых паказчыкаў у сельскай гаспадарцы, то яны прагназуюцца з ростам (2020 год да мінулага) у 205,2% у выручцы ад рэалізацыі на работніка і 155% — па намінальнай налічанай зарплаце, якая «на выхадзе» плануецца ў памеры 1010,7 рубля. Развіццё ў 2019-2020 гг. звязана з рэканструкцыяй і будаўніцтвам малочнатаварных ферм і набыццём сельгастэхнікі.

    Будучыня будаўнічай галіны — гэта нарошчванне аб’ёмаў работ, у тым ліку за кошт пашырэння сферы дзейнасці, абнаўлення машынна-трактарнага парка і прыцягнення высокакваліфікаваных спецыялістаў. У раёне на пачатак года на ўліку для паляпшэння жыллёвых умоў быў 2601 чалавек, з іх у горадзе — 2207. Забяспечанасць насельніцтва жыллём у разліку на 1 жыхара — 39 «квадратаў» пры абласным паказчыку 28. У бягучым і наступным гадах у планах увядзенне 36665 м2 жылля за кошт усіх крыніц фінансавання, у тым ліку з дзяржпадтрымкай — практычна палова.

    Рознічным гандлем у нас займаюцца 244 юрыдычныя асобы і 331 індывідуальны прадпрымальнік. Сёлета намечаны будаўніцтва гандлёвых аб’ектаў у р.п. Татарка і аграгарадку Свіслач, рэканструкцыя пад такі ж будынка склада ў Асіповічах.

    Доля малога і сярэдняга бізнесу ў даходнай частцы бюджэту рэгіёна перавышае 30%, штогод плануецца стварэнне 24 новых юрыдычных асоб. На 1 студзеня было зарэгістравана 317 мікра- і малых арганізацый. Прадпрымальнікі ўносяць значны ўклад у эканоміку: удзельная вага выручкі ад рэалізацыі прадукцыі, тавараў, работ, паслуг у агульным аб’ёме — 49,4%, доля арганізацый у прамысловай вытворчасці перавышае 30%, у аб’ёме экс-парту тавараў і паслуг — чатыры пятых, у аб’ёме рознічнага тавараабароту — 40%, бытпаслуг — каля паловы.

    Узровень зарэгістраванага беспрацоўя прагназуецца не вышэй за 1% да колькасці працоўнай сілы. Намечана працаўладкоўваць на зноў створаныя рабочыя месцы за кошт стварэння новых вытворчасцей і прадпрыемстваў штогод па 170 чалавек.

    Увогуле, рэалізацыя Комплекснага плана павінна прынесці рост прадукцыйнасці працы па выручцы ад рэалізацыі на сярэдняспісачнага работніка з 63,7 тыс. рублёў у 2018 годзе да 94,4 тысячы ў 2020 (148,2%); намінальная налічаная сярэднямесячная зарплата ўзрасці адпаведна з 819,9 да 988,8 рубля; забяспечыць штогадовы прырост колькасці занятага ў эканоміцы насельніцтва на 0,1% і г.д.

    У падрабязным дакладзе зроблены пільны аналіз практычна розных бакоў заўтрашняга дня рэгіёна, шэраг пазіцый удзельнікамі пасяджэння ўдакладнены, унесены дадатковыя прапановы па паляпшэнні эфектыўнасці работы эканомікі і павышэнні ўзроўню жыцця насельніцтва. Усё рацыянальнае ўвайшло ў Комплексны план, і зараз задача перад кожным з нас, каб намечанае стала рэальнасцю.

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.