12 C
Осиповичи
Воскресенье, 13 июня, 2021
Еще

    У філіяле “Белшына-агра” ААТ “Белшына” ў пятніцу правялі жніўны абрад

    Популярное

    Ой, накосім, нажнём копачак, як на небе зорачак!

    “Зажынкі” прыйшліся не на першыя абмалочаныя гектары, аднак створаны адпаведны настрой павінен толькі паспрыяць ходу ўборкі. На полі каля былой вёскі Заграддзе было ўрачыста: выстраіліся ў рад камбайны і МАЗы, побач — іх гаспадары, на сустрэчу з аграрыямі прыехалі ўдзельнікі народнага ансамбля народнай песні “Чыстыя крыніцы” Вязаўніцкага сельскага Дома культуры.

    Распачалося свята з малітвы, асвяшчэння тэхнікі і блаславення людзей на палявую працу, якія правёў настаяцель Ліпенскай царквы ў гонар Жыровіцкай іконы Божай Маці айцец Уладзімір. У такім асаблівым храме, дзе замест купала само неба, словы малітвы гучалі асабліва пранікнёна. Потым прайшоў ужо народны абрад з адпаведнымі песнямі, заклікамі, падпярэзваннем жытам ды качаннем па ніўцы, каб дала сілы. А просьба да ўсявышняга “даць жыцейка зжаць, высушыць, прывезці” была ў сённяшніх умовах надвор’я надзвычай актуальнай.

    Галоўны сноп-“гаспадарок” быў уручаны кіраўніку філіяла Леаніду Гардзецкаму. Ён, вітаючы хлебаробаў, выказаў спадзяванне, што асноўная задача — якасна ўбраць вырашчанае — рэалізуецца на выдатна. Збожжа — гэта не толькі цяжкая людская праца, але і ўкладзеныя матэрыяльныя рэсурсы. Ад сельгаспрадпрыемства лепшыя камбайнеры і вадзіцелі па выніках мінулага сезона — больш за два дзясяткі чалавек — атрымалі ў якасці заахвочвання тэрмасы: добра ў перапынку і кавы папіць. Выдатным падарункам сталі і задорныя песні “Чыстых крыніц”.

    Палявая сустрэча ў чарговы раз пацвердзіла: жніво — справа агульная. І, што “белшынаўцы” зноў будуць лідзіраваць у раённым спаборніцтве за дасягненне найлепшых вынікаў, здзіўляцца, думаецца, не давядзецца.

    Уборачныя работы ў раёне ўвайшлі ў актыўную фазу: на ўчарашнюю раніцу абмалочана 30% асіповіцкіх ніў. Здабыткі наступныя: 6740 тон збожжа пры сярэдняй ураджайнасці  25,3 ц/га.

    Па важкасці коласа сярод гаспадарак лідзіруе філіял “Белшына-агра” ААТ “Белшына”, дзе з кожнага гектара атрымалі па 37,4 цэнтнера, а ў агульным намалочана больш за паўтары тысячы тон. Нядрэнны ўраджай у лапіцкіх аграрыяў (33,4 ц/га), а на трэцім месцы ААТ “Каменічы” (29,2). Найменш урадлівыя сёлета нівы акцыянерных таварыстваў “Асіповічыаграпрамтэхзабеспячэнне” і “Бярэзіна-Агра-Люкс”, дзе сярэдняя ўраджайнасць 13,4 і 14,8 ц/га адпаведна.

    Валянціна КОРБАЛЬ.

    v.korbal@gzt-akray.by

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.