21.7 C
Осиповичи
Пятница, 18 июня, 2021
Еще

    Суботнік прайшоў эфектыўна

    Популярное

    Больш утульным стаў райцэнтр і населеныя пункты Асіповіччыны за мінулыя выхадныя. I не толькі дзякуючы зеляніне, што набірае сілу і колер, але і маштабнаму добраўпарадкаванню. У рэспубліканскім суботніку прынялі ўдзел амаль 8,5 тысячы чалавек. Было прыбрана 122 гектары плошчаў у населеных пунктах, 124 — на аб’ектах сацыяльнай сферы, 95 — каля прадпрыемстваў і арганізацый; адрамантавана і пафарбавана 2427 метраў пагонных агароджы; пасаджана 1640 дрэў і кустоў.

     Работы вяліся не толькі 20 чысла, а і напярэдадні. Напрыклад, члены райарганізацыі ГА “Беларускі саюз ветэранаў органаў пагранічнай службы” пасадзілі ў пятніцу алею з 25 клёнаў — па сённяшняй колькасці членаў суполкі. А назаўтра яшчэ папрацавалі і разам з землякамі.

    Каб атрымаць разна-планавую карціну, карэспандэнты “раёнкі” пабывалі на шматлікіх аб’ектах. Было добра бачна, што да суботніка асіпаўчане аднесліся з адказнасцю: праца ішла паўсюдна. Варта адзначыць узорную тэрыторыю філіяла “Асіповіцкі” ААТ “Бабушкіна крынка”. Каля перапрацоўчага прадпрыемства заўсёды парадак, а ў час суботніка быў наведзены дадатковы глянец.

    Адным з эпіцэнтраў добраўпарадкавання стаў новы корпус райбальніцы. Ва ўзвядзенні агароджы прынялі ўдзел старшыні райвыканкама Павел Налівайка і райсавета дэпутатаў Сяргей Сувееў, дэпутат Палаты прадстаўнікоў Нацыянальнага сходу Рэспублікі Беларусь Аляксандр Багдановіч.

    — Для чалавека важна адчуваць далучанасць да агульнай стваральнай справы, — сказаў наш парламентарый. — Кожнаму прыемна ўсведамляць, што ў навакольнай прыгажосці ёсць таксама часцінка яго намаганняў. Дарэчы, і зараз памятаюцца юнацкія суботнікі, калі мы з аднакласнікамі працавалі на школьным двары, пачуццё гонару, якое ўзнікала пасля: гэта для ўсіх зрабілі мы! Вось у чым і заключаецца каштоўнасць.

    Асаблівы рух назіраўся на трэцім паверсе новага бальнічнага корпуса: мыліся вокны з унутранага боку, шпакляваліся сцены, вычышчалася плітка. З цягам часу жыхары раёна атрымаюць сапраўды шыкоўную ўстанову аховы здароўя, хоць работы тут яшчэ вельмі шмат.

    — Працую з асаблівым задавальненнем, — падзяліўся ўрач-хірург Давід Сцепанян. — Несумненна, новае хірургічнае аддзяленне дасць нашаму калектыву мноства магчымасцей для раскрыцця прафесійнага патэнцыялу. Ужо зараз з галоўным урачом раімся-абмяркоўваем, якое абсталяванне лепш набываць. Зразумела, больш зручна будзе не толькі медыкам, але і пацыентам.

    Пазітыўны настрой і агульнае жаданне зрабіць сваю малую радзіму чысцейшай і прыгажэйшай сталі адметнасцю гэтага красавіцкага дня.

    Валянціна КОРБАЛЬ.

    Больш фота — тут

    Реклама

    Последнее

    Интервью с главврачом осиповичской ЦРБ

    — Пік захворвання адзначаўся ў кастрычніку-лістападзе мінулага года, потым сітуацыя стабілізавалася. Так што чарговая хваля нас сур’ёзна не закранула. Сёння для стацыянарнага лячэння дастаткова трыццаць пяць ложкаў у “чырвонай зоне” і шэсць месцаў у рэанімацыйным аддзяленні райбальніцы.

    В ближайшие дни ожидается жаркая погода. РОЧС предупреждает

    Жара!!! В ближайшие дни ожидается жаркая погода. По прогнозам синоптиков воздух прогреется до +33°С, а на следующей неделе столбик термометра может достигнуть и 36° С! Жара...

    Сотрудники РОВД поздравили осиповичских медиков с праздником

    У рамках акцыі “Мы адзіныя” прадстаўнікі аддзела ўнутраных спраў райвыканкама наведалі Цэнтральную раённую бальніцу, каб павіншаваць яе работнікаў з прафесійным святам. Госці завіталі ў прыёмны пакой — месца, дзе, як і ў “дзяжурцы” міліцыі, работа даволі напружаная і непрадказальная — 24/7 і ў пастаянным тонусе.

    Обеспечение сохранности скота – одна из приоритетных задач аграрной отрасли

    На состоявшемся 29.04.2021 совещании Глава государства отметил неудовлетворительные результаты работы по предупреждению падежа скота в сельхозорганизациях республики и возможные в связи с этим потери производства продукции животноводства, потребовал не допустить роста падежа скота.

    Бойцы Витебской 103-й отдельной гвардейской воздушно-десантной бригады возложили цветы к месту захоронения Героя Советского Союза Сергея Каданчика

    Нямала слаўных людзей нарадзіла асіповіцкая зямля. Адзін з іх — Сяргей Каданчык. Ура-джэнец Маісеевіч з 1928 года знаходзіўся ў радах Чырвонай арміі. Удзельнічаў у вызваленчым паходзе савецкіх войск у Заходнюю Беларусію ў 1939 годзе, у савецка-фінляндскай вайне 1939-1940 гадоў. З першага дня Вялікай Айчыннай мужна змагаўся с фашыстамі. Удзельнічаў у Новарасійскай аперацыі.