12 C
Осиповичи
Понедельник, 14 июня, 2021
Еще

    Погляд праз аб’ектыў. Ясень

    Популярное

    Аграгарадок ЯСЕНЬ

    Вядомы з ХVІ стагоддзя як шляхецкае сяло, але наяўнасць старажытных курганоў вакол паселішча гаворыць пра больш даўнюю яго гісторыю. На думку вучоных, магільнік належаў дрыгавічам, адносіцца да ХІ-ХІІІ стагоддзяў. У 1570 годзе была царква. У 1581 г. сяло ў складзе прыватнага маёнтка Глуск Рэчыцкага павета Мінскага ваяводства ВКЛ. У 1829 г. прыхаджанамі была пабудавана Уздзвіжанская драўляная праваслаўная царква. У сярэдзіне ХІХ ст. вёскай валодаў памешчык Лойка. У 1897 г. працавалі царква, хлебазапасны магазін, вінная лаўка, млын. Калектывізацыя пачалася з 1929 года. У сярэдзіне 30-х гадоў адчыніла свае дзверы бальніца. У маі 1942 г. нямецка-фашысцкія захопнікі знішчылі больш за 200 жыхароў, спалілі дамы, хату-чытальню і бальніцу.

    З 1954 года — цэнтр сельсавета. Тут знаходзяцца вучэбна-педагагічны комплекс дзіцячы сад-сярэдняя школа, дзіцячы сацыяльны прытулак, 2 магазіны — Глускага райста і ПГУП “Гелинген-торг”, аддзяленне сувязі, амбулаторыя ўрача агульнай практыкі, аб’екты ААТ “Ясень-АГРА”, Дом культуры, бібліятэка, кацельня УКП ЖКГ, праваслаўная царква ў імя Пятра і Паўла.

    Утрымліваецца 161 прыватная гаспадарка, пражывае 413 чалавек, з іх 67 непаўналетніх,  244 працаздольных, 101 пажылы, 56 адзінока пражываючых, 3 інваліды, 12 шматдзетных сямей,  1 воін-афганец. Працуюць 2 індывідуальныя прадпрымальнікі і фермерская гаспадарка “Садовае”.

    Будынак мясцовага Дома культуры размешчаны ў цэнтры аграгарадка і амаль паўстагоддзя запрашае да сябе ясенцаў для змястоўнага баўлення вольнага часу. Утульны, прасторны. Ёсць сучасная глядзельная зала, танцпляцоўка. Акрамя гэтага, тут знаходзяцца сельвыканкам і аддзяленне сувязі.

    Мясцовая амбулаторыя была ўведзена ў строй 60 гадоў таму. Палову з іх працуе ў ёй Раіса Альховік. Наогул жа медыцынскі стаж жанчыны — 43 гады. Зараз шчыруе  медсястрой агульнай практыкі і абслугоўвае не толькі аграгарадок, але і навакольныя вёскі, што ўваходзяць у Ясенскі сельсавет. А яшчэ на яе ўскладзены абавязкі па продажы лякарстваў. Дарэчы, некалькі разоў на тыдзень выязджае ў Карытнае, жыхары якога таксама зацікаўлены ў аптэчнай прадукцыі.

    Газаразмеркавальная станцыя стаіць непадалёк ад трасы Гомель-Мінск. Была ўведзена ў строй у сярэдзіне 90-х гадоў. Да прыроднага блакітнага паліва падключаны жылыя дамы па вуліцах Маладзёжнай, Школьнай, часткова — Шасейнай і Садовай. Вузлы і сістэмы ГРС абслугоўваюць мясцовыя жыхары.

    Сяргей Мартыненкаў і Віктар Калеснікаў — суседзі. Прычым жывуць у адным доме, разлічаным на 2 кватэры. Першы працуе рабочым кацельні УКП ЖКГ, другі — загадчыкам склада “Ясень-АГРА”. Пры сустрэчы ім ёсць што абмеркаваць.

    Паштовае аддзяленне ў невялікіх аграгарадках, дзе няма ашчадных кас, аказвае насельніцтву некаторыя банкаўскія паслугі. Утрымальнікі плацёжных картак могуць зняць наяўныя грошы, аплаціць розныя тавары, паглядзець рэштку грашовых сродкаў. А тыя, у каго на руках карткі Белгазпрамбанка, “Приорбанка”, МТБанка, — папоўніць рахункі.

    82-гадовы Веніямін Гусанін прыехаў на пастаяннае месца жыхарства ў Ясень больш за 30 гадоў таму з далёкай Сібіры. Працаваў у калгасе імя Леніна. Некалькі гадоў назад яго абралі старастам. Вольны час бавіць актыўна — нядаўна набыў новенькі веласіпед, ды які! Трохколавы! “Кіраваць ім патрэбна яшчэ ўмець, — гаворыць гаспадар транспартнага сродку. — Прыйшлося прыкласці шмат намаганняў, і ў выніку асвоіў ваджэнне на выдатна. Калі што — звяртайцеся, навучу”.

    Дзіцячы сацыяльны прытулак існуе амаль 20 гадоў. Разлічаны на 14 выхаванцаў. Зараз тут 5 дзяцей. Трое з іх наведваюць школу, двое — садок. Увесь гэты час кіруе прытулкам Алена Хроп (на здымку).

    Гандлёвыя кропкі Глускага райста і ПГУП “Гелинген-торг” размясціліся побач, што, безумоўна, стварае канкурэнцыю. Але мясцовым жыхарам гэта толькі на карысць. Калі ў адным магазіне не стае якога-небудзь тавару, то яго можна набыць у суседнім. I, магчыма, больш танна.

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.