17.3 C
Осиповичи
Пятница, 23 июля, 2021
Еще

    Асіпаўчане ў V рэспубліканскім конкурсе “Тут родныя трымаюць карані…”

    Популярное

    Да мерапрыемстваў, прысвечаных Году малой радзімы, далучыўся і часопіс “Роднае слова” — папулярнае сярод настаўнікаў беларускай мовы і літаратуры выданне. Па ініцыятыве рэдакцыі прайшоў V рэспубліканскі конкурс навукова-даследчых і творчых работ “Тут родныя трымаюць карані…”, і сёлета сярод пераможцаў ёсць прадстаўнікі Асіповіччыны.

    У намінацыі “Турыстычныя маршруты маёй малой радзімы” прадстаўнікі СШ № 1 імя Б.М.Дзмітрыева Уладзіслаў Багдановіч і Мікіта Аксёнаў сталі ўладальнікамі Дыпломаў III ступені. Хлопцы разам з настаўнікам беларускай мовы і літаратуры Таццянай Малыхінай распрацавалі 100-кіламетровы маршрут па месцах партызанскай славы раёна.

    — Часта наведваюся ў госці да бабулі, якая жыве ў Жорнаўцы і прайшла вайну, — тлумачыць Уладзіслаў. — З яе расказаў шмат даведаўся пра партызанскі рух. Тэма зацікавіла, і разам з сябрам Мікітам заняліся яе распрацоўкай. Разгарнулі карту і паводле гістарычных дадзеных склалі маршрут. На першы погляд, нічога складанага, але за гэтым стаяць дзясяткі прачытаных кніг, паездкі ў музеі, архівы і непасрэдна ў вёскі, дзе адбываліся знакавыя для партызанскага руху падзеі.

    Вучаніца 11 класа Лізавета Маслава з настаўнікам геаграфіі Людмілай Лістападавай з Ялізаўскага ВПК д/с-СШ прадставілі маршрут па помніках прыроды раёна.

    — Увогуле пра Асіповіччыну ў гэтым плане звестак аказалася мала, таму інфармацыю прыйшлося адшукваць у кнігах, сустракацца з мясцовымі жыхарамі і былымі працаўнікамі лясніцтваў, заказнікаў, — распавядае Людміла Мікалаеўна. — Але ўсё гэта не стала праблемай, а наадварот: мы папоўнілі свае скарбонкі новымі фактамі пра вядомыя аб’екты і цікавымі знаёмствамі.

    Уладальнікамі Дыплома I ступені ў намінацыі “Край мой родны, край прыгожы” сталі прадстаўніцы Лапіцкай СШ Анастасія Няверава і Ганна Марозава. Дзяўчаты працавалі над тэмай “Прасторава-часавыя і прадметныя вобразы-сімвалы ў паэзіі Алеся Пісьмянкова”.

    — Паўдзельнічаць у конкурсе прапанавала настаўнік беларускай мовы і літаратуры Таццяна Канстанцінаўна Пісьмянкова, — расказвае Анастасія. — Прапанаваная тэма работы падалася цікавай, таму адразу згадзіліся. Улічваючы, што сёння не існуе грунтоўных даследаванняў, прысвечаных творчасці паэта, прыемна было адчуваць сябе ў некай ступені наватарамі. Цікавасць падмацоўвала і тое, што Алесь Уладзіміравіч — старэйшы брат дырэктара нашай школы. I нельга было не выкарыс-таць шанц даведацца пра пахо-джанне некаторых вобразаў з першых вуснаў. Увесь працэс падрыхтоўкі раздзяліўся на 2 этапы: вывучэнне біяграфіі творцы і ўстанаўленне колькасных паказчыкаў прасторава-часавых і прадметных вобразаў-сімвалаў. Матэматычнай часткай — падлікам — займалася Ганна, а ўжо сабраць гэта ў адно цэлае і прааналізаваць стала маёй задачай. Падчас напісання работы вялікіх складанасцей не ўзнікла, а вось на абароне было інакш. У час правядзення раённага этапу Аня паехала ў лагер, таму прадстаўляць работу прыйшлося мне. Нягледзячы на хваляванне, усё атрымалася і праект заняў другое месца. У наступным, абласным этапе таксама ўсё атрымалася на вышэйшым узроўні.

    Реклама

    Последнее

    Осиповичские медики делятся своим мнением о вакцинации против коронавируса

    В районе идет вакцинация против коронавируса, однако многие земляки еще в раздумьях: делать прививку или нет. Своим мнением и личной историей делится заместитель главного врача по медицинской части УЗ "Осиповичская ЦРБ" Надежда Штельман:

    Осиповчане рассказывают куда охотнее всего ходят за покупками

    Што, дзе і па чым купіў — бадай, адна з самых абмяркоўваемых на аўтобусных прыпынках, у калідорах паліклінікі, на дваровых лаўках, нярэдка і рабочых месцах тэма. Людзі дзеляцца інфармацыяй пра акцыі і зніжкі, наракаюць на дарагавізну, аналізуюць работу асобных гандлёвых кропак. А якія з магазінаў карыстаюцца найбольшай павагай асіпаўчан? Аб гэтым пацікавіліся ў іх.

    Осиповчане Олеся и Андрей Кадаевы знают, как предотвратить ЧС

    Андрея Витальевича коллеги ценят за профессионализм, исполнительность, принципиальность и умение грамотно решать поставленные перед ним задачи. Многие обращаются к нему за советом, и он обязательно делится своим опытом с сослуживцами. Олесю Сергеевну описывают как человека коммуникабельного, креативного, открытого для всего нового, активного и создающего позитивный настрой.

    В Осиповичах прошла отчетно-выборная Конференция РО ОО «БРСМ»

    В среду, 21 июля, состоялась VII отчетно-выборная конференция райорганизации ОО "БРСМ", где молодежь подвела итоги за прошедшую пятилетку и поставила задачи на будущее.