13.3 C
Осиповичи
Воскресенье, 13 июня, 2021
Еще

    Праздник «Зажинки-2018» провели в Осиповичском районе

    Популярное

    “Слаўлю сноп на сто коп”

    Традыцыя святкаваць зажынкі паходзіць са старажытнасці. Нашы продкі, якія шанавалі ўсе земляробчыя святы, звычайна ўрачыста зажыналі першы сноп 21 ліпеня, на Пракопа Жніўніка. Дзень тыдня таксама ўлічвалі — і, як правіла, выбіралі аўторак, чацвер або суботу. Напярэдадні свята абмалочвалі сноп мінулагодняга ўраджаю, які звычайна стаяў на покуце. Зерне неслі ў царкву ці касцёл, каб асвяціць. Ім пасля засявалі свежаўзаранае для азімага жыта поле, пры засяванні званілі манетамі з-пад гаспадара-снапка. Абрад насіў магічны характар, каб уміласцівіць сілы прыроды. Гаспадары палеткаў імкнуліся заахвоціць работнікаў на адказную працу. Тыя, у сваю чаргу, падкрэслівалі сваю значнасць. Але ва ўсіх была адна мэта — зжаць, абмалаціць, засыпаць збожжа ў засекі і забяспечыць агульны дабрабыт.

    Не губляюцца сувязі з мінулым і зараз, калі на змену сярпам прыйшлі магутныя камбайны. У нашым раёне штогод праводзіцца святочнае мерапрыемства, падчас якога і зажынаецца першы сноп як сімвал ўрадлівасці. І ўжо каторы раз зажынкі праводзяцца на палетках філіяла “Белшына-агра” ААТ “Белшына”. Гэта адна з гаспадарак, што паспяхова спраўляецца з пастаўленымі задачамі, на палях якой, нягледзячы на не надта спрыяльнае надвор’е, даспявае нядрэнны ўраджай збажыны.

    Сёлета для ўрачыстасцей выбралі палетак, што знаходзіцца паміж вёскамі Ліпень і Орча. У вызначаны час выстраілі сваю тэхніку камбайнеры, непадалёк чакалі аўтамабілі, гатовыя прыняць зерне. Каля іх шчыльнай шарэнгай — камбайнавыя экіпажы, што ў сваёй асобе прадстаўляюць усю армію хлебаробаў Асіповіччыны.

    Падтрымаць аграрыяў-белшынаўцаў прыехалі старшыня раённага выканаўчага камітэта Павел Налівайка, начальнік упраўлення па сельскай гаспадарцы і харчаванні Віктар Зуеў, прадстаўнікі сельгаспрадпрыемстваў.

    Напачатку для камбайнераў быў праведзены семінар-вучоба, падчас якога аграрыі атрымалі шэраг практычных парад па паляпшэнні тэхналагічнага працэсу, а таксама ім яшчэ і яшчэ раз напомнілі правілы тэхнікі бяспекі і аховы працы.

    Настаяцель храмаў Свята-Панцеляймонаўскага і іконы Божай Маці “Живоносный источник” іераманах Максім (Юндзіл) блаславіў удзельнікаў жніва, адслужыў малебен і акрапіў святой вадой хлебную ніву, тэхніку і тых, хто будзе працаваць на ёй у самую гарачую пару сельскагаспадарчага года. Каб Бог бярог, каб багаты ўраджай сабралі. Божая міласць, дарэчы, сёння патрэбна жніву як ніколі. Дажджы, што прайшлі напярэдадні ўборкі, зрабілі недаступнымі для тэхнікі палеткі з высокім узроўнем вільгаці, што не лепшым чынам адбілася і на паспяванні збажыны.

    Жніўнымі песнямі віталі ўсіх удзельнікі мастацкай самадзейнасці Каўгарскага сельскага клуба. Яны таксама прымаюць удзел у раённых зажынках не першы год. Старэйшыя жанчыны калектыву — носьбіты аўтэнтычнай беларускай культуры. Калісьці  разам з матулямі і бабулямі яны выходзілі ў поле з сярпамі, вязалі “першынца”або, як яшчэ называлі, “гаспадарочка”, упрыгожвалі яго разнакаляровымі стужкамі, павязвалі сноп ручніком, каб заўсёды быць з хлебам, затым падкідвалі яго ўгару, прыгаворчаючы: “Радзі, Божа, жыта, пшаніцу на наступнае лета, лепшае за гэта”. Гэтак жа сама зрабілі і сёлета. А затым, па добрай традыцыі, уручылі сноп “імянінны” старшыні райвыканкама Паўлу Налівайку, які, у сваю чаргу, павіншаваў хлебаробаў, ад майстэрства і адказнасці якіх залежыць лёс кожнага каласка і ўраджаю ў цэлым , з адной з самых важных працоўных падзеяй — жнівом, бо хлеб з’яўляецца крыніцай жыцця і дабрабыту людзей. І пажадаў сяльчанам важкіх намалотаў, плённай працы на карысць раёна, удачы, поспехаў і здароўя.

    Ну, і як жа без бохана хлеба ў такі святочны дзень? Як сімвал багацця каравай з ураджаю мінулага года прымаў таксама Павел Уладзіміравіч.

    А вось наступны сноп быў уручаны намесніку старшыні, начальніку ўпраўлення па сельскай гаспадарцы і харчаванні райвыканкама Віктару Зуеву, які, у сваю чаргу, пажадаў аграрыям плёну ў іх нялёгкай рабоце.

    Прыемна, калі праца хлебаробаў па-сапраўнаму ацэньваецца кіраўніцтвам. Усе экіпажы, якія будуць шчыраваць на палетках, з рук старшыні гаспадаркі Леаніда Гардзецкага атрымалі каштоўныя падарункі.

    Застракаталі камбайны, жняяркі сталі захопліваць спелае калоссе: звычайная для камбайнераў работа. Жніво-2018 працягваецца!

    Ніна ВІКТОРЧЫК. Фота Дзмітрыя САЎРЫЦКАГА.

    Предыдущая статьяЗнакомьтесь: Александр Шилец
    Следующая статьяЖніво ў лічбах

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.