13.3 C
Осиповичи
Воскресенье, 13 июня, 2021
Еще

    ОАО «Каменичи» одним из первых в районе включилось в уборочную кампанию

    Популярное

    З вялікіх хваляванняў распачалося сёлетняе жніво: засушлівыя май і чэрвень спрыялі ранняму выспяванню збожжа, а ліпеньскія дажджы не давалі хлебаробам набраць нармальныя тэмпы работ. Тым не менш штодня на нівы выходзіць усё больш тэхнікі, а зерневы паток становіцца ўсё больш шчыльным.

    Адным з першых ва ўборачную кампанію ўключылася ААТ “Каменічы”. Тут належыць абмалаціць 475 гектараў яравых і 539 азімых збожжавых і зернебабовых культур. Запланавана работа чатырох экіпажаў. Галоўны аграном гаспадаркі Генадзь Кашлач дакладных прагнозаў пакуль не дае, але лічыць, што ўраджай будзе не горшы, чым летась. Асаблівыя спадзяванні на азімыя жыта, трыцікале.

    У напружаным рэжыме сёлета працуюць зернетакі: збожжа пакуль ідзе празмерна вільготнае і патрабуе добрай дапрацоўкі. Брыгадзір паляводчай брыгады Жанна Бароўская, якая ў гарачую пару загадвае і зернятокам, расказала, што збожжа сушыцца з дапамогай падлогавых сушылак, якіх тут 8, а працуюць яны на дровах. У кожную сушылку адразу можна загрузіць прыкладна 4,5 тоны дароў ніў. Зразумела, тут не абыходзіцца без працоўных рук: зерне трэба рэгулярна пераварочваць, каб яно раўнамерна высыхала. Больш тэхналагічная італьянская сушылка МECMAR, чыя ёмістасць 16 тон, і дадаткова лапаціць збожжа ў ёй не патрабуецца. Праўда, працуе агрэгат на дызельным паліве. Кожную гадзіну спецыяльным прыборам вымяраецца вільготнасць сыравіны, і, пакуль не здымаецца яе лішні працэнт, работа працягваецца. У агульным жа за суткі каменіцкі зерняток можа высушыць каля 60 тон зерня.

    Тут задзейнічана дзесяць працаўнікоў, сярод якіх паляводы Марына Белабародава, Людміла Зорына, навучэнец Асіповіцкага дзяржаўнага прафесійна-тэхнічнага каледжа № 8 Эдуард Хораў (на здымку). Увогуле, юнакі і дзяўчаты з гэтай установы заўсёды аказваюць дапамогу гаспадарцы, а сёлета склаўся асабліва старанны атрад — так трымаць! Менавіта вопытным паляводам Марыне Віктараўне і Людміле Віктараўне была даручана такая адказная справа, як ачыстка на машыне “PETKUS” азімых для пасеву. Час ляціць хутка, не за гарамі ўжо і верасень, а з ім і чарговая пасяўная…

    Які настрой у нашых аграрыяў? Працоўны запал узрастае прапарцыянальна колькасці сонечных гадзін. Хочацца як мага хутчэй убраць хлеб, каб сэрца было спакойным, а засекі — поўнымі.

    Валянціна КОРБАЛЬ. Фота Дзмітрыя САЎРЫЦКАГА.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.