13.3 C
Осиповичи
Воскресенье, 13 июня, 2021
Еще

    Галоўнае свята дзяржавы ў Асіповічах

    Популярное

    Аб’яднанне Дня Незалежнасці Рэспублікі Беларусь і Дня горада Асіповічы ў адзіны фэст выглядае сімвалічна ў кантэксце Года малой радзімы: уклад нашага краю ў барацьбу беларускага народа з нацызмам, у развіццё краіны падчас савецкага перыяду і пасля атрымання дзяржаўнага суверэнітэту цяжка пераацаніць. Землякі ведаюць, на што яны здатныя, і таму глядзяць у будучыню з пачуццём уласнай годнасці, верай ва ўласныя сілы.

    11.00. Праграма святочных мерапрыемстваў пачалася з мітынгу на Алеі Герояў. Урачысты рытуал добра вядомы кожнаму: ускладанне вянкоў, ружэйны салют, хвіліна маўчання, велічныя гукі Дзяржаўнага гімна, прамовы са словамі ўдзячнасці пакаленням, якія адстаялі права беларусаў на фізічнае існаванне падчас ваеннага ліхалецця, заклалі сацыяльна-эканамічны падмурак той краіны, у якой жывём сёння.

    Старшыня райвыканкама Павел Налівайка, дэпутат Палаты прадстаўнікоў Нацыянальнага сходу Рэспублікі Беларусь, Ганаровы грамадзянін Асіповіцкага раёна Аляксандр Багдановіч, малодшы сяржант 336 рэактыўнай артылерыйскай брыгады Уладзіслаў Iгнаценка — кожны з выступаючых знайшоў шчырыя словы, каб выказаць агульную думку: наша зямля дастойная таго, каб быць прыгожай, утульнай, заможнай, бяспечнай.

    Сярод гасцей, што прысутнічалі на ўрачыстасці, была і дэлегацыя з горада-пабраціма — саветнік кіраўніка адміністрацыі Кранштацкага раёна Максім Пятроў і старшыня Муніцыпальнага Савета дэпутатаў горада Кранштата Наталля Чашына. Ускладзеныя імі кветкі да манумента воінам-вызваліцелям сталі сімвалам дружбы паміж беларускім і расійскім народамі. Дружбы шчырай, праверанай часам.

    12.00-14.00. Абавязковы элемент святочнай праграмы — ушанаванне дастойных землякоў. Найбольш руплівым працаўнікам старшыня райвыканкама ўручыў 10 Ганаровых грамат і 2 Падзячныя лісты. Былі адзначаны пераможцы раённага конкурсу ландшафтнага дызайну “З любоўю да роднага горада”, абласнога этапу рэспубліканскага паэтычнага конкурсу “Шчасце жыць у мірнай краіне”, які праводзіцца Беларускім фондам міру, раённага фотаконкурсу “Зямля пад белымі крыламі”. Выстава прадстаўленых на яго работ пачнецца сёння ў РЦК.

    Для ўсіх прысутных самадзейныя артысты падрыхтавалі дыхтоўную канцэртную праграму “Мой любімы горад, мой любімы край”. Цікавым яе элементам стала прэзентацыя спартыўных талентаў: юных баскетбалістаў, футбалістаў, тай-баксёраў і прыхільнікаў варкаўту — вулічнай акрабатыкі.

    11.00-23.00. На працягу ўсяго дня ў гарадскім парку ладзілася забаўляльная праграма: працаваў горад майстроў, дзейнічала інтэрактыўная выстава баявых машын часцей Асіповіцкага гарнізона і спецтэхнікі райаддзела Міністэрства па надзвычайных сітуацыях, заклікалі жадаючых разнастайныя атракцыёны, іграў духавы аркестр.

    Скончыўся ж святочны дзень удзелам землякоў і гасцей горада ў рэспубліканскай акцыі “Спяём гімн разам” і прыгожым феерверкам.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.