12.5 C
Осиповичи
Суббота, 15 мая, 2021
Еще

    Выязны абласны семінар начальнікаў аддзелаў арганізацыйна-кадравай работы прайшоў у Асіповічах

    Популярное

    Як разгледзець у супрацоўніку задаткі кіраўніка, якім чынам забяспечваць прафесійны рост кадраў, заахвочванне чалавека ў паспяховасці працы? Гэтыя і іншыя аспекты кадравай работы абмяркоўваліся на выязным абласным семінары начальнікаў аддзелаў арганізацыйна-кадравай работы гаррайвыканкамаў, які прайшоў у нас у аўторак з удзелам памочніка Прэзідэнта — інспектара па Магілёўскай вобласці Генадзя Лаўранкова і начальніка галоўнага ўпраўлення арганізацыйна-кадравай работы аблвыканкама Ігара Аўсеенкі.

    Аб рэалізацыі на Асіповіччыне Указа Кіраўніка дзяржавы ад 26.07.2004 г. № 354 “Аб рабоце з кіруючымі кадрамі ў сістэме дзяржаўных органаў і іншых дзяржарганізацый” расказаў старшыня райвыканкама Павел Налівайка. Раён наш, безумоўна, мае сваю спецыфіку. Аснову яго эканомікі складае прамысловасць: удзельная вага галіны ў агульным аб’ёме выручкі перавышае 75%. Розныя фактары, у тым ліку зручнае транспартнае злучэнне са сталіцай, уплываюць на колькасць занятага на мясцовых прадпрыемствах насельніцтва: многія землякі працаўладкаваныя ў Мінску. І ўвогуле колькасць жыхароў раёна за апошнія 5 гадоў скарацілася больш як на 3 тысячы чалавек, што адчувальна і выклікае вялікую заклапочанасць.

    Арганізацыі прамысловасці ў агульным забяспечаны кіруючымі кадрамі і кваліфікаванымі спецыялістамі. Сваю станоўчую ролю ў падрыхтоўцы рабочых спецыяльнасцей адыгрывае і мясцовы прафесійна-тэхнічны каледж. А вось паказчык па сельгасарганізацыях — усяго 81%. Ва ўстановах адукацыі, аховы здароўя, у сельгасгаліне працуе нямала пенсіянераў — да 17%. Штогод на работу ў раён прыбывае больш за дзве сотні маладых спецыялістаў. Метады для іх замацавання выкарыстоўваюцца розныя. Напрыклад, пачынаючым медыкам аказваецца матэрыяльная дапамога, прадастаўляецца інтэрнат або арэнднае жыллё і пакрываецца частка расходаў на яго аплату, устанаўліваюцца надбаўкі. Калектыўнымі дагаворамі сельгаспрадпрыемстваў прадугледжаны розныя віды гарантый і кампенсацый, выдзяляецца жыллё — гэта можа быць нават асобны добраўпарадкаваны дом, штомесяц выплачваецца даплата да зарплаты. Зараз па мэтавых дагаворах у вучэбных установах сельгаспрофілю вучыцца 41 чалавек. Але, нягледзячы на ўсе прымаемыя меры, вакансій у галіне нямала.

    Намеснік старшыні райвыканкама Ганна Землянухіна падрабязна спынілася на арганізацыі работы з кіруючымі кадрамі і іх рэзервам — 110 чалавек на 47 пасад. Сфарміраваны і штогод актуалізуецца банк дадзеных аб спецыялістах з вышэйшай адукацыяй да 45 гадоў, якія працуюць у арганізацыях раёна, і ён дэталёва вывучаецца. Пярвічны адбор кандыдатур у рэзерв праводзіцца і праз аб’яўленне адкрытага конкурсу, інфармацыя аб чым размяшчаецца на афіцыйным інтэрнэт-сайце райвыканкама, публікуецца ў раённай газеце, рассылаецца кіраўнікам прадпрыемстваў і ўстаноў. На пасяджэнні конкурснай камісіі разглядаюцца матэрыялы на кандыдатаў з іх непасрэдным удзелам.

    Начальнік аддзела адукацыі, спорту і турызму райвыканкама Наталля Шаўчэнка паведаміла, што ў сістэме адукацыі працуе 850 педагогаў, забяспечанасць педкадрамі — 97,6%. Аддзел цесна супрацоўнічае з педагагічнымі ВНУ: туды накіроўваюцца хадайніцтвы аб размеркаванні ўраджэнцаў раёна менавіта ў асіповіцкія школы і дзіцячыя сады. Добра, што з цягам часу цікавасць да педагагічнай прафесіі сярод нашай моладзі расце: калі, напрыклад, у 2012 годзе на педспецыяльнасці паступіла 22 выпускнікі, то летась ужо 36.

    Першы сакратар райкама ГА “БРСМ” Алена Надзеявец на канкрэтных прыкладах паказала, як актыўныя яшчэ са школьных гадоў юнакі і дзяўчаты рэалізоўваюцца ў прафесійнай дзейнасці. Якраз такія мэтанакіраваныя і ініцыятыўныя маладыя людзі і складаюць перспектыўны кадравы рэзерв. Сёлета, дарэчы, 8 чалавек з яго складу ўключаны ў рэзерв кіруючых кадраў.

    Цікава было паслухаць, як ажыццяўляецца кадравая работа на буйной вытворчасці. Тэму раскрыў дырэктар ЗТАА “Дахавы завод Тэхна-НІКОЛЬ” Раман Бардаш. Акцэнт наступны: кожны працаўнік павінен бачыць перспектывы свайго прадпрыемства і адчуваць сябе яго арганічнай часткай. Добры супрацоўнік атрымліваецца пры спалучэнні “ведаю, умею, магу і жадаю”, дзе апошняе якраз і з’яўляецца вызначальным. Сваю ролю ў зацікаўленасці работаць на заводзе мае і прывабны сацыяльны пакет.

    Намеснік старшыні райвыканкама — начальнік упраўлення сельскай гаспадаркі і харчавання Віктар Зуеў, дырэктар філіяла “Белшына-агра” ААТ “Белшына” Леанід Гардзецкі і яго намеснік Вольга Каўко яшчэ раз пад-крэслілі, што важны фактар развіцця любой гаспадаркі — менавіта кадры. Філіялам праводзіцца значная прафарыентацыйная работа з выпускнікамі школ. Калектыўным дагаворам прадугледжана падрыхтоўка спецыялістаў востра запатрабаваных прафесій са штомесячнай даплатай да стыпендыі і ў памеры 3 базавых велічынь тым, хто навучаецца ў ССНУ і 5 — у ВНУ. Калі па выніках сесіі сярэдні бал 7 і вышэй, выплачваецца яшчэ 3 БВ за семестр. З мэтай матывацыі замацавання на сяле маладым спецыялістам пры заключэнні кантракта прадугледжана павышэнне на 50% пасадавага аклада і такая ж надбаўка за складанасць і напружанасць працы. Адметна, што большасць “белшынаўскай” моладзі вырасла і працуе на роднай зямлі. Гэта якраз і дае асноўнае спадзяванне на замацаванне юнакоў і дзяўчат. Маладыя спецыялісты абавязкова забяспечваюцца жыллём. У “Белшыне-агра” пастаянна вядзецца работа па павышэнні кваліфікацыі работнікаў. Так, напрыклад, летась больш высокі разрад атрымалі 14 спецыялістаў, 8 трактарыстаў, 6 вадзіцеляў, 25 аператараў машыннага даення, 36 жывёлаводаў. Усё гэта матывуе людзей на плённую працу.

    Удзельнікі семінара мелі магчымасць азнаёміцца з інтэрактыўнай прэзентацыяй вопыту работы з кіруючымі кадрамі і іх рэзервам, выставай тэматычнай літаратуры; цэнтралізаванай бібліятэчнай сеткай таксама былі падрыхтаваны буклеты з рознапланавымі парадамі па ўзаемадзеянні з калектывам і асабістым развіцці.

    Вынікі сустрэчы падвёў Генадзь Лаўранкоў. Ён найперш адзначыў, наколькі важна ўмець глыбока бачыць чалавека. Кадравым жа службам вобласці трэба дзейнічаць больш эфектыўна і ў такім кірунку, каб родны горад, аграгарадок для кожнага заставаўся прыярытэтным месцам працаўладкавання. Сістэму, якая існуе ў рабоце кадравікоў, неабходна ўвесь час удасканальваць і развіваць. А ўвогуле гэта вялікая ўдача — знайсці правільнага чалавека і даць яму магчымасць рэалізавацца.

    Валянціна КОРБАЛЬ.

    Фота Ніны ЦАРЫК.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    22 мая в историко-краеведческом музее пройдет мероприятие «Осиповичи: ХХ век начинается»

    22 мая в историко-краеведческом музее пройдет мероприятие «Осиповичи: ХХ век начинается». В программе работа нескольких экспозиционных площадок на прилегающей территории и внутри здания музея: «станция Осиповичи», «имение Дараганов», «имение Завишей», «бакалейный магазин купца Рывкина», «амбулатория», «железнодорожная школа», «трактир», «ремесленная окраина», «выставка фотографий жителей города нач. ХХ в.».

    22 мая пройдет прямая телефонная линия

    22 мая, в субботу, начальник Могилевского областного управления Департамента охраны МВД Республики Беларусь полковник милиции Игорь Иванович Драчёв проведет прямую телефонную линию.

    В рамках республиканской акции «Не оставляйте детей одних!» спасатели предлагают всем желающим проверить свои знания

    Ответы на вопросы  каждого из трех опубликованных блоков необходимо прислать на электронную почту igra_rochs@list.ru. Участники, правильно ответившие на все вопросы, получат подарки от РОЧС.

    Около 60 осиповчан на днях сменят «гражданку» на военную форму и присягнут на верность Родине

    Вчера на базе районного историко-краеведческого музея состоялся день призывника. Старший научный сотрудник учреждения культуры Мария Саканцева познакомила будущих солдат с экспозицией, посвященной Великой Отечественной войне, а также с выставкой коллекции Валерия Дещени.