26.1 C
Осиповичи
Вторник, 4 августа, 2020
Еще

    Участников Международного слёта памяти ветеранов «Нормандии-Неман» приветствовали в Осиповичской СШ №3

    Популярное

    Раньше и сейчас. Осиповичи

    У 2011 годзе тэрыторыя мікрараёна вуліцы Чарняхоўскага знаходзілася ў стане, які дазваляў карыстацца ёй у інтарэсах умацавання нацыянальнай абароны. Гэты кавалак гарадской зямлі ляжыць побач з ангарамі 336 рэактыўнай артылерыйскай брыгады, і арганізаваць выезд пускавых установак "Смерч" для непрацяглых палявых заняткаў сюды значна прасцей, чым на палігон "Асіповіцкі".

    День ВДВ прошел в Осиповичах

    В знак боевых заслуг 345-го Гвардейского парашютно-десантного полка 2 августа у памятника воинам-афганцам была установлена демилитаризованная боевая машина пехоты.

    В Осиповичах в городском парке запущен фонтан

    1 августа в парке было многолюдно. Горожане пришли посмотреть на запуск фонтана. Для осиповчан было организовано настоящее музыкально-световое шоу. Фото Дмитрия Саврицкого

    В Осиповичах установили новый арт-объект

    Перасякаючы перакрыжаванне вуліц Сумчанкі і Юбілейнай, пешаходы зараз трапляюць пад арку, якая ўмоўна аддзяляе цэнтральную частку горада ад аўтазаводскага мікрараёна.

    Патрыятычнае выхаванне не тая справа, якой можна займацца дзеля птушачкі ў справаздачы. Сёння, калі расце чацвёртае пасляваеннае пакаленне, выніковасць гэтага працэсу магчыма толькі калі ёсць асобы, што ўспрымаюць любоў да Айчыны як асабісты абавязак і гатовыя дзейнічаць разам.

    “Генератар ідэй” у адной з такіх яднаючых спраў — расіянін Анатоль Фяцісаў. Былы ваенны лётчык, першы камандзір авіяпалка «Нармандыя-Неман», старшыня саветаў ветэранаў 303 авіядывізіі і 18 гвардзейскага знішчальнага авіяпалка (Ваенна-паветраныя сілы Расійскай Федэрацыі). У многім дзякуючы яго энергіі і арганізацыйным здольнасцям пашыраюцца і паглыбляюцца сувязі паміж людзьмі, якія жывуць у розных краінах, але жадаюць унесці свой уклад у захаванне гісторыі савецка-французскага баявога братэрства, легендарнай баявой часці «Normandie-Niеmen» і яе пасляваенных нашчадкаў — аднайменнага французскага і 18 авіяпалка ВПС РФ, які ў 1995 годзе атрымаў ганаровую назву «Нармандыя-Неман».

    Асіповіччына — малая радзіма Героя Савецкага Саюза Яўгенія Стэльмаха, лётчыка 18 знішчальнага авіяпалка, які загінуў падчас Карэйскай вайны. Ушанаванне памяці земляка лічаць справай гонару вучні і педагогі Вязаўніцкага вучэбна-педагагічнага комплексу, які носіць імя героя, СШ № 3, чыёй «пярвічцы» БРСМ таксама прысвоена імя Яўгенія Стэльмаха, воіны-інтэрнацыяналісты з Беларускага саюза ветэранаў вайны ў Афганістане, калектыў гісторыка-краязнаўчага музея, удзельнікі пошукавага клуба “Віккру”…

    11 мая менавіта СШ № 3 стала месцам правядзення 31 Міжнароднага злёту памяці ветэранаў авіяпалка “Нармандыя-Неман”, які быў прысвечаны 80-годдзю фарміравання 18 гвардзейскага знішчальнага авіяпалка і 95-й гадавіне з дня нараджэння Яўгенія Стэльмаха. Асноўнымі арганізатарамі мерапрыемства з прымаючага боку сталі старшыня Асіповіцкага райсавета ГА «БСВВА» Юрый Корбан, дырэктар СШ № 3 Анатоль Шчамялёў і намеснік дырэктара Вера Барысік. Зразумела, запрошаны да ўдзелу былі не толькі школьнікі, але і краязнаўцы, прадстаўнікі грамадскіх арганізацый, органаў улады раёна. Прыехалі расійскія пошукавікі з пасёлка Ламінцэва Тульскай вобласці — Ламінцэўская СШ № 22 носіць імя яшчэ аднаго героя-лётчыка палка Уладзіміра Сярогіна, французы Рэне Баркі і Жыль Ле Лу — адпаведна ганаровы прэзідэнт асацыяцыі «Нармандыя-Неман» і віцэ-прэзідэнт аднайменнага мемарыяла. І, што стала прыемнай нечаканасцю, блізкія байцоў партызанскага атрада «Радзіма».

    Звяртаючыся да прысутных, Анатоль Фяцісаў адзначыў, што савет ветэранаў 18 гвардзейскага авіяпалка з вялікай удзячнасцю ўспрымае намаганні асіпаўчан у захаванні памяці пра Яўгенія Стэльмаха, і перадаў мемарыяльную дошку, якую аднапалчане героя хацелі б размясціць на вуліцы, названай у яго гонар. Існуючая зараз мемарыяльная дошка была ўстаноўлена ў час, калі СССР афіцыйна не прызнаваў удзел сваіх вайскоўцаў у Карэйскай вайне, таму яна ўтрымлівае наўмысна скажоную інфармацыю пра подзвіг лётчыка. Сапраўдны ж патрыятызм можа грунтавацца толькі на веданні фактаў і, што вельмі важна, на іх правільным разуменні. З гэтай нагоды асаблівую каштоўнасць набываюць міжнародныя сувязі: вывучэнне агульнай гісторыі дазваляе прасцей знаходзіць узаемаразуменне ў сённяшніх няпростых геапалітычных рэаліях.

    Француз Рэне Баркі некалькі дзесяцігоддзяў працаваў у СССР, а пасля вяртання на радзіму робіць многае, каб захаваць памяць пра такія незвычайныя моманты супрацоўніцтва французскага і савецкага народаў у час Другой сусветнай вайны. Першы — гэта французскі полк «Normandie-Niеmen», які змагаўся на савецка-германскім фронце, другі — савецкі партызанскі атрад «Радзіма», што быў часткай французскага Супраціўлення. Яго стварылі жанчыны — вязні канцлагера Эрувіль, якія ўцяклі  з-пад варты, звязаліся з макі (французскімі партызанамі) і 5 месяцаў змагаліся з акупантамі. Па ініцыятыве Рэне Баркі ў 2015 годзе ў г. Тыль, каля якога знаходзіўся канцлагер Эрувіль, быў адкрыты помнік гераічным партызанкам. Дзякуючы дапамозе ветэранскай арганізацыі авіяпалка ён устанавіў кантакты з адной удзельніцай атрада «Радзіма», роднымі і блізкімі шэрагу іншых партызанак. У Асіповічы знайшлі магчымасць прыехаць нявестка камандзіра атрада Надзеі Ліскавец, дачка партызанкі Алены Дзік.

    Асаблівыя адносіны склаліся паміж ветэранамі палка «Нармандыя-Неман» і асіповіцкімі воінамі-інтэрнацыяналістамі. І гэта нядзіўна: інтэрнацыяналістамі па духу былі і французскія пілоты, і загінуўшы ў Карэі Яўгеній Стэльмах. Менавіта апошняму прысвечаны асобны стэнд у музеі раённай аргструктуры ГА «БСВВА», які створаны пры СШ № 3. Удзельнікі Міжнароднага злёту з вялікім інтарэсам азнаёміліся з  экспазіцыяй музея і папоўнілі яго фонды шэрагам цікавых прадметаў.

    Фота Дзмітрыя САЎРЫЦКАГА.

    Реклама

    Последнее

    В Осиповичах установили новый арт-объект

    Перасякаючы перакрыжаванне вуліц Сумчанкі і Юбілейнай, пешаходы зараз трапляюць пад арку, якая ўмоўна аддзяляе цэнтральную частку горада ад аўтазаводскага мікрараёна.

    Десантники на Аллее Героев в Осиповичах

    Напрыканцы мінулага года ветэраны 345 Гвардзейскага парашутна-дэсантнага палка сабраліся ў Лапічах, каб устанавіць памятны знак там, дзе 30 снежня 1944 года была сфарміравана іх вайсковая часць. Спачатку гэта быў стралковы полк, пазней — паветрана-дэсантны. І адзін з самых баявых сярод усіх савецкіх Паветрана-дэсантных войск. Сукупны час, праведзены палком у баявых дзеяннях падчас вайны ў Афганістане, узброеных канфліктах у Грузіі і Абхазіі, — амаль 15 гадоў. Нядзіўна, што трывалае баявое братэрства аб’ядноўвае ветэранаў-парашутыстаў і праз многія гады пасля расфарміравання 345 пдп.

    Послание Александра Лукашенко белорусскому народу и Национальному собранию

    Особенностью нынешнего года является то, что Послание звучало не в Овальном зале Дома правительства, а во Дворце Республики. На мероприятие приглашено более 2,5 тыс. человек со всей Беларуси.

    В Осиповичском районе началось досрочное голосование

    Досрочное голосование в Осиповичском районе стартовало. Проходит оно активно как на городских, так и на сельских избирательных участках. Например, первой на избирательный участок в агрогородке...