У гонар Аляксандра Неўскага
У часы Расійскай імперыі армія і царква мелі цесныя ўзаемасувязі — падтрымлівае традыцыю і сучасная Беларусь. Вось і на мінулым тыдні мясцовыя артылерысты і настаяцель Крыжа-Уздзвіжанскага храма протаіерэй Аляксандр Кісялёў сумеснымі намаганнямі правялі чарговае мерапрыемства.
Напрыканцы года афіцэрскі сход 51 гвардзейскай артылерыйскай брыгады на чале з новым камандзірам Аляксеем Ратушным вырашылі добраўпарадкаваць знаёмую многім ваеннаслужачым крынічку на палігоне “Асіповіцкі”. Існуе яна ўжо дастаткова даўно, тут рэгулярна бяруць ваду для піцця, але выгляд дагэтуль мела не вельмі прыгожы. За сабраныя афіцэрамі сродкі і намаганнямі ваеннаслужачых часці ў даволі кароткі тэрмін крыніцу прывялі да ладу, усталявалі крыж, памятны камень, навес, указальнікі, арганізавалі пад’езды да месца. І ў знакавы для праваслаўных веруючых дзень Вадохрышча запрасілі сюды гасцей.
— Ваеннаслужачыя звярнуліся з пытаннем, ці мажліва гэту крыніцу асвяціць, — расказвае айцец Аляксандр. — Ніякіх перашкод не было, епіскап Бабруйскі і Быхаўскі Серафім таксама ініцыятыву падтрымаў і благаславіў. Назвалі крынічку ў гонар абаронцы ўсіх воінаў святога князя Аляксандра Неўскага.
А 13 гадзіне айцец Аляксандр пачаў службу, а пасля акрапіў усіх прысутных ужо асвечанай вадой з крыніцы. Жадаючыя маглі таксама набраць сабе вадзічкі або, прытрымліваючыся традыцый Вадохрышча, абліцца ёй — шэраг ваеннаслужачых з задавальненнем апошняй магчымасцю скарысталіся.
— Зразумела, плануем і далей развіваць крыніцу. Магчыма, атрымаецца і купальню зрабіць, — адзначае палкоўнік Ратушны. — Натуральна, у любы час кожны жадаючы на тэрыторыю палігона прыйсці не зможа, але ў значныя праваслаўныя святы будзем рабіць так званыя дні адчыненых дзвярэй. Завітвайце!
Марыя ТАЛЕЙКА. Фота аўтара.
ЭТО ТОЖЕ ИНТЕРЕСНО!
- 14.07.2015 Осиповичи: и заблестели купола…
- 16.02.2015 Бой местного значения провели в Осиповичском районе
-
10.01.2018 Подарили праздник детям
- 17.01.2017 Купание в проруби организуют в Осиповичском районе
-
03.04.2014 «Прииск» № 263 в Осиповичах
-
28.03.2014 Осиповичские автобусы идут по-новому
Загрузка ...
Да, жаль, конечно, что к источнику просто так не пройдешь… Хотя ходят же на полигон в поисках металлолома и грибов – и никакие запреты не страшны, даже риск для жизни не останавливает. Ладно, как люди законопослушные и ответственные, будем ждать праздника и дня открытых дверей. А вообще идея освятить источник – просто отличная! Спасибо!