25.8 C
Осиповичи
Пятница, 7 августа, 2020
Еще

    Железнодорожный узел Осиповичи к зиме готов!

    Популярное

    В Осиповичах установили новый арт-объект

    Перасякаючы перакрыжаванне вуліц Сумчанкі і Юбілейнай, пешаходы зараз трапляюць пад арку, якая ўмоўна аддзяляе цэнтральную частку горада ад аўтазаводскага мікрараёна.
    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Пакуль стаяць цёплыя восеньскія дні, але не за гарамі маразы. Ці гатовы да іх наш галоўны транспарт, пацікавіліся ў кіраўнікоў прадпрыемстваў чыгуначнага вузла Асіповічы.

    Начальнік вагоннага дэпо Віктар Слабышаў:

    — Тэхнічныя пашпарты гатоўнасці крыніц цяпла і цепласпажыўцоў да асенне-зімовага перыяду атрыманы. Яшчэ ў красавіку-маі мы правялі камісійны агляд будынкаў і цэхаў, у ходзе якога высветлілі “вузкія месцы” і недахопы, з іх і пачалі падрыхтоўчыя работы.

    Многа было зроблена майстрам па рамонце электраабсталявання Паўлам Шыла, а таксама начальнікамі пунктаў тэхнічнага абслугоўвання вагонаў.

    Для ацяплення і гарачага водазабеспячэння нарыхтавалі 180 кубаметраў дроў. Набылі спецадзенне і абутак на 31 тысячу рублёў. Правялі тэхабслугоўванне кампрэсарнай устаноўкі (замена паветраных фільтраў, асушальнікаў паветра і масла).

    Усе ПТА маюць незніжальны тэхналагічны запас дэталей і запчастак, неабходных для рамонту (цялежкі ў зборы, калёсныя пары грузавых і пасажырскіх вагонаў, паглынаючыя апараты, трыангелі, тармазныя кампазіцыйныя калодкі на грузавыя вагоны, аўтарэгулятары).

    На Гомельскім электратэхнічным заводзе адрамантавалі дамкраты для пад’ёму вагонаў. Правялі выпрабаванні грузападымальных кранаў і абсталявання, якое працуе пад высокім ціскам. Праверылі ацяпляльныя сеткі, водаправодную сістэму. Правялі гідраўлічныя выпрабаванні, рэвізію і прамыўку ўнутраных сетак, рамонт цеплавой ізаляцыі трубаправодаў пары, сеткавай вады. У мэтах эканоміі былі набыты прыборы ўліку цеплаэнергіі і вады. Правялі рэвізію арматуры і воданагравальных катлоў.

    — А пра эканомію энергарэсурсаў не забываецеся?

    — Наш дэвіз: “Эканомім у вялікім і малым”. Ім і кіруемся. Даведзены мэтавы паказчык па эканоміі цеплаэнергетычных рэсурсаў выконваем. Зніжэнне спажывання энергіі склала 10 працэнтаў у адносінах да аналагічнага перыяду мінулага года.

    — А як справы з аховай працы і тэхнікай бяспекі?

    — Усе рабочыя месцы ўкамплектаваны сродкамі пажаратушэння. Адрамантаваны прытокавая і выцяжная вентыляцыі цэхаў. Праведзена рэвізія агульнага і мясцовага асвятлення.

    Нядаўна прынялі на работу 6 маладых работнікаў. Яны замацаваны за вопытнымі працаўнікамі, праведзены адпаведныя інструктажы і навучанне рабоце ў зімовых умовах.

    Размову падтрымаў і начальнік лакаматыўнага дэпо Валерый Лайшаў:

    — Правялі прафілактычны агляд і рамонт інжынерных камунікацый. А пачалі з кацельні, якая выпрацоўвае цеплавую энергію на ўласныя вытворчыя патрэбы і ацяпляе вакзал, станцыю, памяшканне Следчага камітэта, аднаўленчы цягнік і жыллёвы фонд.

    Работнікі прадпрыемства прамылі сістэму ацяплення і гарачага водазабеспячэння. Правялі рэвізію і падрыхтоўку да работы ў зімовых умовах цеплавых вузлоў, водаправоднай запорнай арматуры, вентыляў, цеплаізаляцыйных труб, прыбораў уліку і рэгулявання цяпла і вады, тэрмометраў і манометраў, чыстку адстойнікаў каналізацыйных люкаў і прамыўку трубаправодаў прамысловай каналізацыі.

    Укамплектавалі пажарныя шчыты сродкамі пажаратушэння. Падрыхтавалі склад паліва для атрымання і выдачы ГЗМ. Забяспечылі неабходнай колькасцю пяску, падрыхтавалі да работы сушыльную печ, а таксама адчыненыя назіральныя канавы. Адрамантавалі вароты і ўцяплілі іх. Падрыхтавалі вентыляцыйную сістэму, замянілі стальныя трубы ў сістэмах ацяплення будынкаў. Уцяплілі цеплаабменнікі на цеплапунктах. Адрамантавалі зімовыя насосы ў кацельні лакаматыўнага дэпо.

    На выпадак галалёду нарыхтаваны запас пяску і солі. Назапасілі паліва і змазачныя матэрыялы. Зімой будзе забяспечана запраўка маторна-восевых падшыпнікаў гарачай змазкай і зліў кандэнсата.

    Наша дэпо эксплуатацыйнае, таму галоўную ўвагу надаём цеплавозам. Правялі спецыяльную падрыхтоўку лакаматываў да зімовага перыяду, а брыгады прайшлі інструктаж па эксплуатацыі аўтатармазоў у зімовы час. Машыністы-інструктары правялі практычныя заняткі з брыгадамі, якія ўпершыню будуць працаваць зімой.

    Начальнік дыстанцыі сігналізацыі і сувязі Сяргей Анціпаў канстатуе, што прадпрыемства, якое ён узначальвае, да зімы таксама гатова.

    — Радуе тое, што ўсё намечанае выканалі ў тэрмін, прычым з высокай якасцю, — падкрэслівае Сяргей Генадзьевіч. — Дзейнасць дыстанцыі накіравана на будаўніцтва і якаснае ўтрыманне тэхнічных сродкаў аўтаматызацыі, тэлемеханікі і сувязі, якія гарантуюць бяспеку руху цягнікоў. Бо шляхам укаранення сучасных сродкаў аўтаматызацыі павялічваецца прапускная і праязная здольнасць, паляпшаюцца ўмовы працы работнікаў.

    Капітальна адрамантавалі 2,8 кіламетра кабеляў, 20 электрапрыводаў, замянілі 80 камплектаў элементаў стрэлкавых гарнітур. Уцяплілі 50 рэлейных і батарэйных шаф, замянілі 39 пуцявых і 75 сігнальных трансфарматараў, адрэгулявалі работу сродкаў аўтаматыкі на пераездах. Замянілі 370 акумулятараў, 50 стрэлкавых электрапрыводаў і святлафораў. Прывялі ў належны стан прылады абагрэву і схемы пнеўмаачысткі.

    Адным словам, усё абсталяванне падрыхтавана да работы ў зімовы час. Таксама запасліся палівам і змазачнымі матэрыяламі ў такой колькасці, каб нават на самую суровую зіму хапіла.

    Да наступлення халадоў спецыялісты прадпрыемства правялі камісійны тэхагляд маторна-рэйкавага транспарту, а таксама ахоўна-пажарнай сігналізацыі ў вытворчых і адміністрацыйнах памяшканнях на 45 аб’ектах.

    Але самае галоўнае — гэта людзі. Штат цалкам укамплектаваны, прайшоў інструктаж і гатовы да работы пры любых капрызах надвор’я.

    Яшчэ адно буйное прадпрыемства чыгуначнага вузла — дыстанцыя пуці — таксама не баіцца маразоў і завеі, таму што ведае, як ім процістаяць.

    Як расказаў начальнік Сяргей Несцярэнка, рыхтаваліся да зімы, дэталёва прааналізаваўшы работу ў мінулы сезон, каб ведаць, на што ў першую чаргу накіраваць увагу.

    — Перагледзелі расстаноўку снегаўборачнай і снегаачышчальнай тэхнікі па  ўчастках абслугоўвання, — паведаміў Сяргей Пятровіч. — Пры неабходнасці рабіць пераразмеркаванне рашылі замацоўваць яе за ўчасткамі і станцыямі, якія найбольш заносіць снегам. У дэпо адрамантавалі 2 снегаачышчальнікі.

    Стварылі незніжальны запас паліва, матэрыялаў, абсталявання і запчастак для забеспячэння ўстойлівай работы дыстанцыі і правядзення аварыйна-ўзнаўленчых работ.

    Брыгады гатовы да работы на машынах нават у кругласутачным рэжыме. На ўсіх станцыях, якія абсталяваны прыладамі пнеўматычнай ачысткі ці абагрэвам стрэлак, правялі агляд і неабходны рамонт, пнеўматычныя выпрабаванні, рэгуліроўку прылад кампрэсарнага абсталявання і паветразборнікаў. Сфарміравалі спецыяльныя брыгады другой чаргі з работнікаў гаспадарчых службаў вузла і давялі гэта да ведама кіраўнікоў станцый.

    Ацяпляльнае і пячное абсталяванне падрыхтавалі да маразоў. Пачысцілі катлы. Прывялі ў тэхнічна спраўны стан цеплавыя вузлы і сеткі, правялі цеплаізаляцыю труб, праверку прыбораў уліку цяпла. Нарыхтавалі 93 тоны ўмоўнага паліва і 26 тон шпал, а таксама неабходную колькасць уборачнага інвентару і пясчана-солевай сумесі.

    Прывялі ў рабочы стан магістральны паветравод для абдуўкі стрэлкавых пераводаў.

    Працягваецца восеньскі агляд пуці, штучных збудаванняў, землянога палатна і г.д.

    Немалаважнае значэнне надаём і падрыхтоўцы службовых і бытавых памяшканняў, пунктаў абагрэву і прыняцця ежы, жылых дамоў і іншых пабудоў у адпаведнасці з існуючымі нормамі.

    Правялі навучанне і праверку ведаў персаналу кацельняў, цеплавузлоў, а таксама асоб, якія адказваюць за іх бяспечную эксплуатацыю. Акалоткі кадрамі забяспечаны. “Першазімнікі” прайшлі адпаведную падрыхтоўку.

    Замянілі непрынадныя шпалы і рэйкі, стрэлкавыя пераводы і іншыя элементы чыгуначнага палатна.

    Адным словам, зіму нашы чыгуначнікі сустрэнуць у поўным узбраенні.

    Георгій АЛЕЙНIКАЎ.

    Реклама

    Последнее

    Вчера в филиале «Белшина-Агро» ОАО «Белшина» сдана в эксплуатацию новая молочнотоварная ферма в деревне Вязычин

    Белшынаўцам не прывыкаць да інавацыйных тэхналогій: больш за дзесяць гадоў тут функцыянуе робатызаваная малочнатаварная ферма. Тады новаўведзенаму комплексу не было аналагаў ва ўсёй Еўропе. Зараз дойны статак гаспадаркі налічвае 2 727 галоў. Сярэднясутачны надой малака ад адной рагулі — 18,9 літра, гэта больш за 51 тону ў суткі.

    «Почему я иду на выборы?». Мнением делятся осиповчане

    Наведванне выбарчага ўчастка асабіста для мяне з’яўляецца прынцыповым. Лічу, што кожны грамадзянін адпаведнага ўз-росту абавязаны паўдзельнічаць у гэтай важнай па-дзеі, выказаць сваё меркаванне, каб потым не наракаць на некага. Сёлета таксама прыму ўдзел у выбарчай кампаніі, прагаласую датэрмінова, бо ў выхадныя дні буду працаваць. Безумоўна, чакаю, што пройдуць выбары спакойна, дастойна і краіна бу-дзе надалей развівацца, каб кожны чалавек меў магчымасць жыць і працаваць у прыстойных умовах.

    Явка избирателей за три дня досрочного голосования составила 22,47%

    За три дня досрочного голосования явка избирателей на выборах Президента Беларуси составила 22,47%. Такая информация размещена на сайте ЦИК, сообщает БЕЛТА.

    Осиповичи. Раньше и сейчас

    На мяжы гарадской тэрыторыі праходзіць магістраль Мінск-Гомель, а праз яе — таксама важная траса Р91 Асіповічы-Баранавічы. Яшчэ ёсць “драбяза” накшталт дарог Р72 Асіповічы-Свіслач і Р34 Асіповічы-Глуск.