12.3 C
Осиповичи
Воскресенье, 13 июня, 2021
Еще

    Ураджай-2017 у Асіповічах. Зернейка да зернейка…

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Сярод мноства характарыстык жніўню варта даць яшчэ адну — час, які яднае. Як працаўнікоў на асобна ўзятым полі, так і вытворцаў сельгаспрадукцыі і яе перапрацоўшчыкаў, звязвае агульным жаданнем быць сапраўднымі гаспадарамі, бо важна не толькі вырасціць ураджай, але і ўпарадкаваць яго.

    Аб узаемадзеянні з хлебаробамі і рабоце перапрацоўчага прадпрыемства ў агульным і гутарылі днямі з дырэктарам Асіповіцкага вытворчага ўчастка ААТ “Бабруйскі камбінат хлебапрадуктаў” Васіліем Пятроўскім.

    — Уборачная кампанія — гарачая пара не толькі на нівах, але і на нашай вытворчасці, — падзяліўся надзённым субяседнік. — Каб забяспечыць своечасовую планамерную прыёмку зерня, узмацнілі работу ўсіх падраздзяленняў, дадаткова бралі людзей. Зразумела, што ўсе намаганні накіраваны ў першую чаргу на выкананне дзяржаўнага заказу — сёлета гэта 30920 тон збожжа. У тым ліку жыта групы А — 10700 тон, пшаніцы 3 і 4 класаў — 5020, ячменю 1 класа — 6200, аўса 3 класа — 8000 тон, плюс 1000 тон грэчкі.

    У Асіповічы возяць дары ніў з сельгаспрадпрыемстваў Бабруйскага, Глускага, Клічаўскага, Кіраўскага і, безумоўна, нашага раёнаў. Акрамя таго, дзяржзаказ для нас з бліжэйляжачых гаспадарак прымаюць унітарнае прадпрыемства “Горацкі элеватар”, ААТ “Магілёўхлебпрадукт”—кіруючая кампанія холдынга “Магілёўхлебпрадукт”, “Клімавіцкі камбінат хлеба-прадуктаў”. Большая ж частка — 54% — прынята непа-срэдна нашым вытворчым участкам.

    На сёння без уліку грэчкі, чый час яшчэ не прыйшоў, выкананне дзяржзаказу складае 104%. Датычна Асіповіччыны, дзяржаўныя засекі папаўнялі ўсе сельгаспрадпрыемствы, найбольшы ж уклад зрабілі філіял “Белшына-агра” ААТ “Белшына”, акцыянерныя таварыствы “Асіповічыаграпрамтэхзабеспячэнне”, “Аванград-Ніва” і “Заходні-Агра”. Таксама ўдзельнічалі ў гэтай справе і прыватныя гаспадаркі “Сваяк”, “Гаспадар”.

    У сваю чаргу захоўваем каля 15 тысяч тон зерня для Мінскага КХП, булачна-кандытарскай кампаніі “Дамачай” і іншых партнёраў. Асаблівая ўвага надзяляецца хлебапрадуктам дзяржаўнага матэрыяльнага рэзерву, якога плануецца захоўваць у нас каля 30 тысяч тон. На працягу года ішла адгрузка і змена абавязковых запасаў, зерне адпраўлялася ў Магілёў, Александрыйскае, Скідзель, Ліду.

    — Зараз эпіцэнтр актыўнасці на элеватарах?

    — Так. Iдуць работы па прыёмцы, ачыстцы, сушцы і захаванні збожжа. З канца ліпеня і да сённяшняга дня працаўнікі элеватара прымаюць па 1800-2300 тон хлеба ў суткі. Гэта выконваецца ў некалькі этапаў: спачатку адбіраецца сыравіна для аналізу, які робіцца ў вытворча-тэхналагічнай лабараторыі, там зерне накіроўваецца на патрэбны элеватар у адпаведны сілас. Машына з дабром узважваецца і рэгіструецца. У вызначанай кропцы машыніст зерне-пагрузачных, разгрузачных машын выгружае транспарт, і багацце ніў ідзе па зададзеным маршруце. Далей апаратчыкі апрацоўкі збожжа яго даво-дзяць да патрэбных параметраў якасці згодна з тэхналагічнай схемай. Улічваючы і разуме-ючы важнасць дзяржзаказу, прымалі зерне і з павышанай вільготнасцю да 25% пры нарматыве не вышэй за 19%. Увогуле, закладка новага ўраджаю — зладжаная і карпатлівая праца ўсіх працаўнікоў элеватарна-складской гаспадаркі. Кожны праявіў сябе з лепшага боку. Так што людзям можна толькі падзякаваць за старанне.

    — Што скажаце наконт якасці сёлетняга хлеба?

    — Не расчараваны: у цэлым ураджай адпавядае існуючым нормам. Паступае большая колькасць пшаніцы 3 класа, чым чацвёртага, з больш высокім утрыманнем клейкавіны. Гэта, у сваю чаргу, сведчыць аб тым, што гаспадаркі ажыццяўлялі своечасовую і ў дастатковых аб’ёмах падкормку раслін. Добры колас можа даць толькі сістэмны догляд.

    — Прыёмка новага хлеба — важны этап у рабоце прадпрыемства, але вытворчасць прадукцыі не спыняецца круглы год. Якія паказчыкі маеце за студзень-ліпень?

    — Аб’ёмы паступова нарошчваюцца. Напрыклад, за гэты час выпушчана 21030 тон мукі — 100,5% да леташняга перыяду. Большасць складае жытнёвая — 13580 тон. Пшанічнай сышло з канвеера 7280 тон, аўсянай — 170. Вытворчасць крупаў на ўзроўні 106% — 11640: 6230 тон — аўсянка, 5410 — ячка.

    На экспарт рэалізавана 15300 тон мукамольна-крупяной прадукцыі. Накіроўвалася яна ва Украіну, Сербію, Малдову, а асноўны партнёр — Расія, удзельная вага якой у экспарце 79% ад агульнага аб’ёму продажу. Актыўная работа вядзецца па збыце прадукцыі і на ўнутраным рынку. Усяго ж рэалізацыя прадукцыі за 7 месяцаў дасягнула 30890 тон — 101%.

    — Што пазначана ў планах да канца года?

    — Выпусціць яшчэ 20900 тон мукамольна-крупяной прадукцыі, пры магчымасці пашырыць геаграфію рынкаў збыту. Важнейшы накірунак дзейнасці — імпартазамяшчэнне. У нашым выпадку гэта выпуск пшанічнай мукі. З пачатку года яе доля складае 24%, плануем павялічыць паказчык да 30%. Месца для руху наперад існуе, а значыць, і далей будзем развіваць вытворчасць і прырастаць у аб’ёмах.

    Гутарыла Валянціна КОРБАЛЬ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.