21.7 C
Осиповичи
Пятница, 18 июня, 2021
Еще

    На пазачарговай трыццаць другой сесіі Асіповіцкага раённага Савета дэпутатаў

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    На парадак дня пазачарговай трыццаць другой сесіі раённага Савета дэпутатаў дваццаць сёмага склікання, якая прайшла 8 жніўня пад началам старшыні райсавета Аляксандра Пузіка з удзелам старшыні Магілёўскага аблвыканкама Уладзіміра Даманеўскага і дэпутата Палаты прадстаўнікоў Нацыянальнага сходу Рэспублікі Беларусь Аляксандра Багдановіча, было вынесена адно пытанне: “Аб зацвярджэнні на пасадзе старшыні Асіповіцкага раённага выканаўчага камітэта”.

    Узяўшы слова, Уладзімір Віктаравіч напачатку ўзгадаў ужо вядомую са сродкаў масавай інфармацыі навіну аб тым, што ў панядзелак Прэзідэнт краіны разгледзеў кадравыя пытанні, адно з якіх напрамую тычылася Асіповіцкага раёна: у сувязі з выхадам у адстаўку Пётр Шукаловіч быў вызвалены ад пасады старшыні райвыканкама, а на яго месца прызначаны Павел Налівайка, які працаваў яго першым намеснікам. I гэтаму здзіўляцца, як адзначыў губернатар, не варта: жыццё — пастаянная дынаміка, і яно перыядычна патрабуе даваць шанц маладзейшым.

    Пётр Яфімавіч кіраваў раёнам з канца 2003 года, і ў наяўнасці — устойлівае развіццё прамысловай вытворчасці, знешнеэканамічнай і інвестыцыйнай дзейнасці, добрыя паказчыкі ў сацыяльнай сферы. У рэгіёне ствараліся новыя працоўныя месцы, раслі аб’ёмы выпускаемай прадукцыі, станавілася лепшай яе якасць і канкурэнтаздольнасць. З планаў сталі рэальнасцю шэраг буйных інвестыцыйных праектаў, якія не маюць аналагаў у рэспубліцы. Дынамічна развіваецца спажывецкі рынак, адкрываюцца новыя гандлёвыя аб’екты. Будуецца бальніца і фізкультурна-аздараўленчы комплекс, з’явіліся станцыі абезжалезвання вады ў Сасновым і горадзе. Шмат увагі надаецца захаванню нашай гістарычнай спадчыны, нямала важкіх дасягненняў у работнікаў адукацыі, культуры, спартсменаў і г.д.

    Словам, як падкрэсліў старшыня аблвыканкама, раён стабільна займае лідзіруючыя пазіцыі ў рэйтынгу сацыяльна-эканамічнага развіцця Магілёўскай вобласці: па выніках першага паўгоддзя, у прыватнасці, на чацвёртым месцы, так што за сваю працу на Асіповіччыне гэтаму паважанаму чалавеку сорамна быць не павінна. Хаця да канца патэнцыял рэгіёна і не вычарпаны, рэзервы для руху наперад літаральна па ўсіх напрамках і ва ўсіх галінах маюцца, і яны абавязкова павінны быць выкарыстаны.

    Рашэннем аблвыканкама за шматгадовую добрасумленную працу ў органах дзяржаўнага кіравання, значны асабісты ўклад у сацыяльна-эканамічнае развіццё Асіповіцкага раёна Пятру Яфімавічу Шукаловічу была аб’яўлена падзяка, а Аляксандр Пузік ад імя дэпутацкага корпуса, членаў выканаўчага камітэта і кіраўнікоў працоўных калектываў шчыра падзякаваў яму за плённую дзейнасць і пад воплескі залы ўручыў прыгожы букет кветак і падарунак на памяць. Лейтматыў хвалююча прагучаўшых слоў у адказ — удзячнасць за сумесную працу і пажаданне новых поспехаў ва ўсіх добрых справах.

    У адпаведнасці з артыкулам 17 Закона краіны “Аб мясцовым кіраванні і самакіраванні ў Рэспубліцы Беларусь” Саветы ў межах сваёй кампетэнцыі зацвярджаюць на пасадзе старшыню выканаўчага камітэта, і наконт дзелавых якасцей Паўла Налівайкі выказаліся галоўны энергетык ААТ “Асіповіцкі завод аўтамабільных агрэгатаў” Віталь Бродскі і начальнік станцыі Асіповічы транспартнага РУП “Магілёўскае аддзяленне Беларускай чыгункі” Віталь Канстанціновіч — дэпутаты ад выбарчых акруг Прамысловай № 22 і Бабруйскай № 11 адпаведна.

    Рашэнне сесіі аднадушнае: зацвердзіць.

    Выказаўшы словы падзякі за высокі давер, Павел Уладзіміравіч запэўніў, што прыкладзе ўсе намаганні, каб наш край толькі мацнеў і прыгажэў.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Интервью с главврачом осиповичской ЦРБ

    — Пік захворвання адзначаўся ў кастрычніку-лістападзе мінулага года, потым сітуацыя стабілізавалася. Так што чарговая хваля нас сур’ёзна не закранула. Сёння для стацыянарнага лячэння дастаткова трыццаць пяць ложкаў у “чырвонай зоне” і шэсць месцаў у рэанімацыйным аддзяленні райбальніцы.

    В ближайшие дни ожидается жаркая погода. РОЧС предупреждает

    Жара!!! В ближайшие дни ожидается жаркая погода. По прогнозам синоптиков воздух прогреется до +33°С, а на следующей неделе столбик термометра может достигнуть и 36° С! Жара...

    Сотрудники РОВД поздравили осиповичских медиков с праздником

    У рамках акцыі “Мы адзіныя” прадстаўнікі аддзела ўнутраных спраў райвыканкама наведалі Цэнтральную раённую бальніцу, каб павіншаваць яе работнікаў з прафесійным святам. Госці завіталі ў прыёмны пакой — месца, дзе, як і ў “дзяжурцы” міліцыі, работа даволі напружаная і непрадказальная — 24/7 і ў пастаянным тонусе.

    Обеспечение сохранности скота – одна из приоритетных задач аграрной отрасли

    На состоявшемся 29.04.2021 совещании Глава государства отметил неудовлетворительные результаты работы по предупреждению падежа скота в сельхозорганизациях республики и возможные в связи с этим потери производства продукции животноводства, потребовал не допустить роста падежа скота.

    Бойцы Витебской 103-й отдельной гвардейской воздушно-десантной бригады возложили цветы к месту захоронения Героя Советского Союза Сергея Каданчика

    Нямала слаўных людзей нарадзіла асіповіцкая зямля. Адзін з іх — Сяргей Каданчык. Ура-джэнец Маісеевіч з 1928 года знаходзіўся ў радах Чырвонай арміі. Удзельнічаў у вызваленчым паходзе савецкіх войск у Заходнюю Беларусію ў 1939 годзе, у савецка-фінляндскай вайне 1939-1940 гадоў. З першага дня Вялікай Айчыннай мужна змагаўся с фашыстамі. Удзельнічаў у Новарасійскай аперацыі.