13.3 C
Осиповичи
Воскресенье, 13 июня, 2021
Еще

    Асіповіцкі гісторыка-краязнаўчы музей ужо другі раз далучаецца да сусветнай акцыі “Ноч музеяў”

    Популярное

    Сярод наведвальнікаў суботняй праграмы “У шэсць гадзін вечара пасля вайны” было нямала гасцей дэбютнага — мінулагодняга — музейнага фэсту, і тыя, з кім давялося пагутарыць, выказваліся аднадушна: асіповіцкія музейшчыкі валодаюць майстэрствам стварэння інтрыгі і ўмеюць ствараць атмасферу пастаяннага прыемнага напружання.

    Інтрыгуючая завязка пачалася яшчэ за некалькі дзён да “Ночы музеяў”. Запрашэнні наведаць вечарыну разышліся па горадзе арыгінальным шляхам — праз стылізаваныя пад пісьмы з фронту лісты-трохвугольнікі. Вынік такой незвычайнай рэкламы аказаўся ўдалым: у музей прыйшло каля 400 чалавек — практычна максімум, які мог размясціцца на адведзенай тэрыторыі і прыняць актыўны ўдзел у правядзенні тэматычных фотасесій, аглядзе калекцый асіповіцкіх збіральнікаў, знаёмстве з ваенным рыштункам, якім карыстаецца беларуская армія, іншых забаўляльна-пазнавальных акцыях музейнай ночы.

    Найбольш запатрабаванымі сярод аматараў “здымкаў на памяць” сталі экспазіцыі, якія падрыхтавалі вядомыя аматары ваеннай гісторыі ўніфармісты Андрэй Торбін і Аляксандр Аляксеенка. Першы прадаставіў частку свайго вялікага “арсеналу” — маса-габарытных макетаў баявой зброі і рыштунку чырвонаармейцаў і салдат вермахту, другі — калекцыю прадметаў амуніцыі армій розных краін свету. Цікава, што сярод жадаючых сфатаграфавацца з амаль сапраўдным пісталетам-кулямётам МП-40 ці легендарнай “трохлінейкай” у руках былі пераважна жанчыны. А вось магчымасць прымераць экзатычную каску — японскую, напрыклад, польскую ці румынскую, альбо даведацца пра маленькія хітрыкі, якія дазвалялі зрабіць спартанскі франтавы быт хоць крыху больш камфортным, вабіла пераважна мужчын. Дзеці ж з вялікім задавальненнем гулялі з сапраўднымі палявымі тэлефонамі і рацыямі, якія разгарнула 263 база захавання, рамонту і ўтылізацыі сродкаў сувязі, ды шпацыравалі ў супрацьхімічных касцюмах-“скафандрах” пад наглядам інструктараў 336 рэактыўнай артылерыйскай брыгады.

    Паралельна з работай выстаў і фотазон ішла музычная праграма, падрыхтаваная Дзіцячай школай мастацтваў № 1, тэатральнай студыяй Цэнтра творчасці дзяцей і моладзі, раённым Цэнтрам культуры. Яна складалася з асобных тэматычных блокаў: канцэртаў “Песні ваенных гадоў”, “Хто сказаў, што трэба кінуць песні на вайне?”, паэтычнай кампазіцыі “Памяць аб вайне” і майстар-класа па вывучэнні танцаў, якія былі папулярнымі ў ваенныя гады.

    Кульмінацыя фэсту пачалася з прыбыцця калоны асіповіцкіх байкераў. Напярэдадні “Ночы музеяў” яны праехалі па мясцінах раёна, дзе падчас Вялікай Айчыннай вайны праходзілі найбольш напружаныя баі, і напоўнілі ўзятай там зямлёй снарадную гільзу. Сімвалічны артэфакт быў урачыста перада-дзены дырэктару музея Антаніне Сцяпанавай (на здымку).

    У сваю чаргу Антаніна Францаўна ад імя калектыву, які ўзначальвае, выказала словы ўдзячнаці ўсім, хто дапамагае музею ў рэалізацыі яго задумак, і ўручыла адмысловыя знакі павагі.

    Пасведчанні “Верны сябра музея” атрымалі начальнік аддзела ідэалагічнай работы, культуры і па справах моладзі райвыканкама Ірына Раманчук, настаяцель храмаў у Дараганаве і Прошчы айцец Максім, пісьменнік і выдавец Віктар Хурсік, калектыў “раёнкі”, узорны тэатральны калектыў “Школьны тэатр” (кіраўнік Ірына Церабільнік), Дзіцячая школа мастацтваў № 1 (Ларыса Баразна), Цэнтралізаваная клубная сістэма (Алена Загароўская), раённы Цэнтр народных рамёстваў (Валянціна Туркіна), дырэктар дзіцячай мастацкай школы Маргарыта Жыгалкоў-ская, краязнаўцы Юрый Абмоін, Аляксандр Аляксеенка, Іван Бараноўскі, Андрэй Торбін.

    Шэсць землякоў — настаўнікі Юрый Сцяпанаў і Неаніла Цыганок, камандзір 336 рэабр Аляксандр Цішкевіч, края-знаўца Аляксандр Дораш, мастак-аматар Васіль Шубко, калекцыянер Валерый Чупахін — за асаблівы ўклад у папаўненне экспазіцыйных фондаў атрымалі званні “Ганаровы дарыльшчык музея”.

    Прынамсі, апошні перадаў установе сваю калекцыю значкоў — больш 3000 адзінак. Валерый Уладзіміравіч рупліва і сістэматычна займаўся фалерыстыкай на працягу не аднаго дзесяцігоддзя, а матывы свайго ўчынку растлумачыў проста: “Калі збіраеш насамрэч цікавую калекцыю, рана ці позна адчуваеш патрэбу, каб яна захавалася назаўсёды і каб яе маглі бачыць іншыя людзі. А лепшага месца для гэтага, чым наш музей, няма”.

    Яго прыклад быў падтрыманы калектывам Асіповіцкага РАУС: афіцэры райаддзела сталі спонсарамі ў набыцці копіі калекцыі ўзнагародных знакаў ХІХ стагоддзя. Каштоўнае папаўненне фондаў перадаў у музей намеснік начальніка РАУС Рустам Хамдамаў.

    Прыгожым завяршэннем “Ночы музеяў” стала выступленне духавога аркестра раённага Цэнтра культуры. Асіпаўчане маюць патрэбу ў жывой музыцы, і не адзін з прысутных выказаў надзею, што духавы аркестр будзе гучаць і ў гарадскім парку. Прычым не толькі ў вялікія святы, а і ў звычайныя летнія выхадныя — для добрага настрою землякоў.

    Дзмітрый САЎРЫЦКІ. Фота Марыі ТАЛЕЙКА.

    Больш фота глядзіце на нашых старонках у сацыяльных сетках «Вконтакте» і «Одноклассники«

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.