7.8 C
Осиповичи
Среда, 8 апреля, 2020
Еще

    Салдат Перамогі

    Популярное

    В Осиповичском районе выявлены случаи коронавирусной инфекции

    По сообщению Осиповичского районного центра гигиены и эпидемиологии, в Осиповичском районе зарегистрированы случаи коронавирусной инфекции.

    К педиатрам — в стоматологическую поликлинику!

    Педиатрическое отделение райполиклиники сменило место размещения

    Город Осиповичи преображается

    Вясна — пара аднаўлення. Як у прыродзе, так і ў населеных пунктах. Сёлета на вуліцах райцэнтра асабліва актыўна пачаліся рамонтныя работы, вядзе іх УКП ЖКГ

    Осиповичский РОВД информирует

    На территории района в текущем году зарегистрировано 25 краж, совершенных с проникновением в жилище

    Усё менш застаецца сярод нас удзельнікаў Вялікай Айчыннай. I тым больш каштоўныя ўспаміны тых, хто пра вайну ведае не з кніжных старонак, а з уласнага жыцця.

    Дзмітрый Андрэевіч СIкIлIнда распачаў адлік дзясятаму дзесяцігоддзю, нягледзячы на што, выглядае бадзёра і малажава. А яго памяць захоўвае столькі падзей, што ў адным томе — калі б гэты чалавек надумаўся пісаць кнігу жыцця — не змясціліся б.

    Дарэчы, да друкаванага слова ў нашага героя вельмі паважлівыя і нават трапяткія адносіны. I цяпер уваходзіць у склад Клуба аматараў кнігі, дзе выпісвае шмат рознай дакументальнай і даведачнай літаратуры. Асабліва яго цікавіць тэма вайны. I гэта нездарма.

    22 чэрвеня 1941 года запомнілася назаўсёды бамбёжкай, якая знянацку парушыла мірнае жыццё жыхароў Асіповіч, дзе сям’я Сікіліндаў з Чарнігаўшчыны пражывала ўжо 7 гадоў.

    А потым пачаліся новаўвядзенні чужынцаў, якія загаспадарылі ў горадзе. Моладзь пагналі на прымусовыя работы.

    Дзмітрый разам з іншымі разбіраў завалы разбураных будынкаў, разгружаў вагоны. Працаваў на нямецкіх могілках.

    Самым яркім момантам у жыцці падлеткаў стала дыверсія, якую ўчыніў просты хлопец, які стаў пазней легендарным падпольшчыкам, Фёдар Крыловіч.

    Пасля вызвалення горада юнакі, якім споўнілася па 18 гадоў, былі пры-званы ў войска. Пайшоў на вайну і Дзмітрый. Прычым літаральна: сваёй хадою. Навабранцы хуценька атрымалі баявую падрыхтоўку, а потым былі размеркаваны па часцях.

    Наш герой трапіў у палявы пральны атрад. Стаў сувязным. Хлопец дастаўляў у падраздзяленне загады, карэспандэнцыю. I ўсё больш пехатою.

    З часцю дайшоў да Берліна. Але службу працягваў яшчэ 2 гады пасля Перамогі.

    А потым была вучоба. Цяга да ведаў і да зямлі аб’ядналіся, і юнак паступіў спачатку ў Мар’інагорскі саўгас-тэхнікум, а пасля — Горацкую акадэмію. У абедзвюх навучальных установах атрымаў чырвоныя дыпломы.

    Прапаноўвалі работу ў міністэрстве, толькі моцна клікалі родныя мясціны, таму папрасіўся ў свой раён. Там і вырошчваў хлеб, бульбу ды лён на зямлі, што нядаўна вызвалілася ад гільз ды калючага дроту. Працаваў галоўным аграномам Ліпенскай МТС, затым — калгаса «Чырвоны Сцяг». Паўтара дзясяткі гадоў узначальваў гаспадарку, потым быў намеснікам дырэктара «Сельгастэхнікі». Уводзіў севазварот, укараняў новыя агратэхнічныя метады. Працаваў з душой, без чаго не было б добрых вынікаў…

    З цікаўнасцю слухалі Дзмітрыя Андрэевіча ветэраны і члены БРСМ, якія наведалі гэтага заслужанага чалавека ў рамках праекта «Залаты ўзрост», што рэалізуецца «пярвічкай» ЦРБ пры фінансавай падтрымцы германскага фонду «Памяць, адказнасць і будучыня». Хлопчыкаў і дзяўчынак здзівіла, што і праз тры чвэрці стагоддзя ўспаміны могуць быць такімі яскравымі і жывымі, нібы ўчора тое было. Жвавасць розуму стымулюе разгадванне красвордаў, чытанне энцыклапедый і даведнікаў, а таксама тое, што ветэран трымае руку на пульсе часу: у курсе навін раёна і краіны.

    Моладзь, якая сёлета толькі пачала вывучаць гісторыю Беларусі, атрымала дастойны прыклад прыстойнага жыцця годнага прадстаўніка яе народа.

    Iна ЗАСКЕВIЧ. Фота Ніны Царык.

    Реклама

    Последнее

    Ситуация с коронавирусной инфекцией на Могилевщине стабильная

    На сегодняшнее утром количество подтвержденных случаев в области достигло 30.

    Осиповчане, вы видели суперлуну?

    Корреспондент "АК" сфотографировал луну над Осиповичами.

    К педиатрам — в стоматологическую поликлинику!

    Педиатрическое отделение райполиклиники сменило место размещения

    Осиповичский РОВД информирует

    На территории района в текущем году зарегистрировано 25 краж, совершенных с проникновением в жилище

    Разыскивается место захоронения

    На сайт "Электронная книга "Память. Осиповичский район (pamyat.osipovichi@gmail.com) поступило несколько писем с просьбой помочь в установлении мест захоронения родственников, погибших во время Великой Отечественной...