Як і ва ўсёй рэспубліцы, пазаўчора на Асіповіччыне прайшла Усебеларуская патрыятычная акцыя “Мы — грамадзяне Беларусі”, прымеркаваная да Дня Канстытуцыі. Адметна, што ўрачыстасць аб’яднала прадстаўнікоў як маладога, так і сталага пакаленняў. Сёлета непасрэдна ў дзяржаўнае свята пашпарты і падарункі ад Прэзідэнта краіны — кнігі “Я — грамадзянін Рэспублікі Беларусь” — атрымалі больш за два дзясяткі вучняў з розных школ горада і раёна. Галоўны ў жыцці кожнага чалавека дакумент, безумоўна, не толькі дае пэўныя правы, але і накладвае дадатковыя абавязкі. Гэта вялікі гонар і адказнасць як перад грамадствам, так і перад самім сабою — быць грамадзянінам Рэспублікі Беларусь.
Старшыня райвыканкама Пётр Шукаловіч, вітаючы моладзь, падкрэсліў, што на сённяшняе юнацтва ўскладаюцца вялікія надзеі, і маладыя асіпаўчане, верыцца, праславяць родны горад, зробяць яго яшчэ больш прыгожым і дабрабытным. Будучыня краіны ў надзейных руках! Разам з атрыманнем пашпарта распачынаецца новы этап у жыцці юнакоў і дзяўчат. Трэба смела рушыць да высокіх мэт і весці за сабою іншых.
Ад прысутнай моладзі слова ўзяў вучань СШ № 4 Дзмітрый Грышановіч. Ён падзякаваў за ўрачыстасць і праяўленую ўвагу, заверыў, што з боку юнага пакалення будуць прыкладзены ўсе намаганні, каб стаць дастойнай зменай, сапраўднымі грамадзянамі.
У гэты дзень пашырыў свае рады і маладзёжны саюз: членскія білеты і значкі з рук першага сакратара райкама ГА “БРСМ” Алены Надзеявец атрымалі тры дзясяткі старшакласнікаў. Наперадзе іх чакае нямала цікавых і карысных спраў.
Віншаваў усіх прысутных на ўрачыстасці з Днём Канстытуцыі, а моладзь яшчэ і з важнай падзеяй у іх грамадскім жыцці старшыня раённага Савета дэпутатаў Аляксандр Пузік. Як кіраўнік асіповіцкай ячэйкі Камуністычнай партыі Беларусі, ён уручыў партыйны білет падпалкоўніку міліцыі ў адстаўцы Міхаілу Лагуціну.
Завяршылася мерапрыемства змястоўнай лекцыяй асістэнта кафедры тэорыі і гісторыі права БДЭУ, магістра юрыдычных навук Iгара Скарахода “Асноўны закон Рэспублікі Беларусь: гісторыя і сучаснасць”. Экскурс 600-гадовай глыбіні — менавіта з тых часоў і бярэ пачатак наша канстытуцыйнае права — дазволіў дарослым аднавіць, а школьнікам папоўніць свае веды па гісторыі краіны, зрабіў сустрэчу яшчэ больш інфармацыйна насычанай.
Валянціна КОРБАЛЬ. Фота Ніны ЦАРЫК.
ЭТО ТОЖЕ ИНТЕРЕСНО!
- 17.03.2015 У Асіповіцкім райвыканкаме прайшла акцыя “Мы — грамадзяне Рэспублікі Беларусь”
- 26.06.2017 Конкурс «Властелин села-2017» прошёл в Осиповичском районе
-
17.03.2017 Аддзел ідэалагічнай работы, культуры і па справах моладзі Асіповіцкага райвыканкама заняў другое месца
- 31.10.2014 Кадры — это наши люди, или Резерв кадров Осиповичского района
- 09.06.2017 «АвтоЛеди» выбирали в Осиповичах
- 22.04.2017 Республиканский субботник в Осиповичах. Молодёжь
