8.1 C
Осиповичи
Пятница, 17 сентября, 2021
Еще

    Праз прызму дзіцячага погляду

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Работа педагога не з лёгкіх. А працаваць з самымі маленькімі, бадай, цяжэй за ўсё: дашкалят не правядзеш, якім бы станоўчым чалавек не хацеў здавацца, дзіця бачыць яго сапраўдную сутнасць, адчувае яе на падсвядомым узроўні. І цягнецца толькі да адкрытых, пасапраўднаму шчырых і добразычлівых людзей.

    Анжэла Паркалава не адно дзесяцігоддзе працуе ў дзіцячым садзеСунічка” рабочага пасёлка Ялізава, ужо 9 гадоў узначальвае ўстанову. Разважаннямі пра сваю работу, зносіны з калектывам і бацькамі, будучыню выхаванцаў яна і падзялілася.

    Якім атрымаўся шлях у прафесію?

    Як кожная дзяўчынка, любіла лялькі, гуляла ўдочкіматулі”, “школу”. Заканамерным працягам стала паступленне на дашфак Магілёўскага педінстытута. Любоў да дзяцей пранесла праз гады. І зараз радуюся, калі бачу на вуліцы цяперашніх, былых ці будучых выхаванцаў.

    У чым спецыфіка работы загадчыка сада невялікага населенага пункта?

    Многа ўвагі даводзіцца надзяляць адміністратыўнагаспадарчай рабоце. Дзеясловы набыць, дастаць, адрамантаваць, аплаціць заўсёды круцяцца ў галаве, шукаючы выйсця. Калі наш шклозавод быў у росквіце, то лягчэй працавалася і нам. Бацькі разумеюць гэта і стараюцца дапамагчы, чым могуць: у рамонце, добраўпарадкаванні тэрыторыі.

    Сённяшняе дзіця — якое яно?

    — Больш разняволенае. Яго светапогляд фарміруецца пад моцным уздзеяннем інтэрнэту. Таму мяняюцца  любімыя цацкі, мультфільмы, літаратурныя героі дашкольнікаў. Роля педагоганадаваць развіццю дзіцяці правільны накірунак і вучыць гэтаму бацькоў.

    Немаўля з’явілася на свет. На што б нацэльвалі дарослых?

    На зносіны з дзіцём. На жаль, бацькі зараз гэтаму адводзяць катастрафічна мала часу, не разумеюць, што могуць упусціць звязваючую іх нітку. Пусташ, што ўтвараецца ў душы дзіцяці, можа запоўніцца чымсьці непатрэбным, і потым цяжка будзе ўстанавіць даверлівыя адносіны.

    Да ўсяго, што хвалюе малога, трэба адносіцца  сур’ёзна. Уважліва выслухоўваць яго наіўныя і на першы погляд нязначныя, але для дзіцяці вельмі важныя разважанні, думкі, перажыванні. Больш часу адводзіць сумесным прагулкам на прыродзе, але такім, калі дарослыя размаўляюць, гуляюць з дзецьмі, атрымоўваюць агульныя ўражанні і эмоцыі, разам займаюцца фізічнымі практыкаваннямі, назіраюць за жывёламі. Усё гэта акупіцца старыцай.

    Што прадпрымаеце, каб педагогі ўстановы эмацыянальна не выгарэлі?

    Калі ў калектыве камфортна працуецца, то пра гэта няма і гаворкі. Канечне, з гадамі педагогі ўжо не бягуць на работу з ранейшым энтузіязмам, але ідуць з упэўненасцю, што атрымаюць пазітыўныя эмоцыі. У акружэнні малых ніколі не сумуеш, не адчуваеш расчаравання. Таму выхавальнікі і адчуваюць сябе заўсёды маладымі.

    Уявіце: выміністр адукацыі. Якія б рэформы чакалі сістэму дашкольнай адукацыі ў першую чаргу?

    — Павышэнне зарплаты работнікаў. А для дзяцей — спрашчэнне праграмы. Нельга пазбаўляць хлопчыкаў і дзяўчынак дзяцінства. Навучанне грамацепрэрагатыва школы, а дзіцячы сад павінен рыхтаваць для гэтага глебу: развіваць памяць, мысленне, увагу, мову. З дапамогай бацькоў, безумоўна. Для адораныхстварыць асобную праграму, але даць дзецям нагуляцца, каб потым паспяхова вучыліся ў школе.

    Што б вы парэкамендавалі сённяшняму выпускніку, які выбраў прафесію выхавальніка?

    Вызначыцца, яго гэта работа ці не. Калі адчувае незадаволенасць, лепш  своечасова пакінуць сад і знайсці сябе ў іншай прафесіі, каб не пакутаваў і сам, і яго выхаванцы. Дзіцячы сад — не месца для выпадковых людзей.

    Выхавальнік заўтрашняга дня — гэта

    Суцэльны крэатыў. Чалавек, які ўмее знайсці адказ на любое пытанне і выйсце з любой сітуацыі. Аніматар і фокуснік, акцёр і дызайнер. А галоўнаечалавек, які вельмі любіць малых і ўмее радавацца разам з імі.

    Ваша формула поспеху

    Працавітасць, упартасць, уменне наладзіць стасункі з чалавекам любога ўзросту, павага да работы і прафесіі. Кожную сітуацыю не ўспрымаць надзвычай эмацыянальна, а ўважліва прааналізаваць і прыняць правільнае рашэнне.

    Iна ЗАСКЕВІЧ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    МЫ-едины

    Торжественное мероприятие прошло в МПЦ "Ровесник"

    Пусть народное единство станет источником величайшей духовной силы для будущих поколений

    Президент Александр Лукашенко поздравил белорусов с Днем народного единства.

    Владимир Ровбель: У нас адна нацыянальнасць,адна гісторыя

    Лічу, што ў любой арганізацыі, кожным раёне, краіне павінен быць надзейны лідар, які зможа не толькі заваяваць павагу народа, але і ўмела кіраваць

    Анна Тур о праздновании Дня народного единства

    17 верасня краіна адзначае новае, але са старымі каранямі свята. Што яно азначае для насельнікаў Асіповіччыны?

    Осиповчане отмечают День народного единства

    17 верасня кожны з нас, беларусаў, чакаў з цікавасцю і хваляваннем: якім яно будзе, новае дзяржаўнае свята?