-6.9 C
Осиповичи
Пятница, 2 декабря, 2022
Еще

    Банк у Асіповічах: дзе і раней, толькі лепш

    Популярное

    Мария ТАЛЕЙКОhttp://gzt-akray.by
    С 2009 по 2014 гг. училась на отделении журналистики МГУ им. Кулешова. В 2014 г. получила диплом о высшем образовании по специальности "Печатные СМИ". С 1 октября 2013 года - журналист районной газеты "Асіповіцкі край".

    Бела-зялёныя паветраныя шары, прыемная музыка, прыгожа апранутыя супрацоўнікі і гледачы-кліенты — у сераду зноў гасцінна расчыніў свае дзверы цэнтр банкаўскіх паслуг № 722 філіяла № 703 ААТ “ААБ Беларусбанк”.банк01

    банк02 банк03Рамонт у галоўным офісе “Беларусбанка” ў Асіповічах пачаўся ў лістападзе мінулага года. Мясцовыя жыхары адразу адчулі, як не хапае банка “пад бокам”, але цярпліва чакалі завяршэння. А часам маглі нават і назіраць за ходам аднаўленчых работ: знешні выгляд будынка паступова змяняўся. I вось надышоў дзень, калі ўрачыста разрэзалі чырвоную стужку і запрасілі ўсіх зазірнуць у адноўленыя памяшканні банка.

    банк04 банк05 банк11 банк06

    А дызайн і планіроўка сапраўды змяніліся. Адметна, што ўжо ўвесь першы паверх адвялі для работы з фізічнымі асобамі. Многія памятаюць, што раней у ЦБП існавала электронная чарга. Пакуль што гэтага часова няма, але да канца года ў холе паміж заламі ўжо зноў з’явіцца спецыяльны тэрмінал.

    банк17 банк08

    У левай зале арганізаваны адкрытыя працоўныя месцы. Пакуль што ў кожнага супрацоўніка асобная сфера дзейнасці — афармленне плацёжных картак або крэдытаў, але плануецца, што да канца бягучага года яны стануць універсаламі. Таксама ў гэтым памяшканні створана спецыяльная зона з інфакіёскам і камп’ютарам, які дазваляе кожнаму карыстальніку прыйсці ў банк, самастойна зазірнуць на сайт “Беларусбанка” або ў інтэрнэт-банкінг і аплаціць патрэбнае. Калі не здолееце самі — дапаможа кансультант.

    банк16 банк13

    У зале справа таксама адбыліся змены: замест 7 аперацыйна-касавых вокнаў засталося 4, але створана яшчэ 3 універсальныя адкрытыя працоўныя месцы, дзе можна аформіць дэпазіты, крэдыты, пераводы і г.д. — усе дагаворы заключаюцца тут. Гэта дазваляе камфортна, безбар’ерна працаваць з кліентамі, а галоўнае — разгрузіць касы: у апошніх выконваюцца толькі непасрэдна плацяжы, валютаабменныя і іншыя экспрэс-аперацыі.

    банк15 банк14 банк18

    Яшчэ адна навінка – сэрвіс папярэдняга запісу. Вы можаце патэлефанаваць на нумар 51-8-35 і дамовіцца, калі і ў які час вам зручна прыйсці, напрыклад, за крэдытам. Зразумела, запісвацца на аплату “камуналкі” не патрэбна — гэта адносіцца да ліку хуткіх плацяжоў.

    банк09

    Адзін з першых наведвальнікаў банка здзівіўся: засталося не так шмат акенцаў для аплаты.

    Наш банк ідзе ў нагу з часам, таму змяншэнне колькасці кас цалкам адпавядае сучасным рэаліям, — каменціруе намеснік дырэктара — начальнік цэнтра рознічнага бізнесу Вольга Карчэўская. Асноўная задача банкапрыцягненне грашовых сродкаў, а камунальныя і іншыя падобныя паслугі зараз можна лёгка аплаціць самастойна: інтэрнэт-, Мі SMS-банкінг, інфакіёскі, плацёжныя тэрміналы — усё гэта ёсць і ў нас.

    Дарэчы, зараз актыўна ўводзіцца практыка змяншэння колькасці вышэйназваных плацяжоў праз касы і наяўнымі грашыма. Напрыклад, планавалася, што з 1 жніўня за кожную наяўную аперацыю трэба будзе дадаткова заплаціць 1 рубель. Але пакуль гэта рашэнне адкладваецца да 1 кастрычніка. Банк дае кліентам магчымасць за гэты час выбраць і падключыць альтэрнатыўныя спосабы аплаты, а да 30 верасня будзе дзейнічаць спецыяльная прапанова на афармленне дыстанцыйнага банкаўскага абслугоўвання. А там паглядзім, што будзе. У любым выпадку, мы заўсёды ідзём насустрач кліентам і кожнаму, хто да нас завітае, дапаможам хутка і якасна скарыстацца банкаўскімі паслугамі.

    банк12

    Марыя ТАЛЕЙКА.

    1 КОММЕНТАРИЙ

    1. Здорово как всё сделали! ДЕйствиетльно удобнее стало. А коллектив так вообще замечательный. Хоть непосредственно в банк редко хожу, но все равно приятно

    Добавить комментарий для Алина Отменить ответ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее