Асіповічы: коратка аб розным

0
1
kar

Аднаразовую матэрыяльную дапамогу на 994 навучэнцаў з 530 сем’яў, якія выхоўваюць 3 і больш непаўналетніх дзяцей, плануе аказаць Асіповіцкі раённы цэнтр сацыяльнага абслугоўвання насельніцтва на падрыхтоўку да школы. Памер выплаты на кожнага вучня складзе 52 руб. 60 кап. (да дэнамінацыі 526.000 руб.).

Вяззеўскім сельсаветам за першую палову года праведзена 711 адміністрацыйных працэдур, у тым ліку адбылося 2 устанаўленні бацькоўства, зарэгістравана 6 нованароджаных, 13 зваротаў грамадзян (з іх 7 у пісьмовай форме, 6 – у вуснай), 4 шлюбы (адзін выязны), складзена 18 актаў аб смерці. Праведзена 14 пасяджэнняў выканкама, 5 сесій сельскага савета. Што тычыцца добраўпарадкавання, то зараз праводзіцца пакос пустазелля. Грамадзянам пад будаўніцтва прадастаўлена 8 участкаў плошчай 1,3 га, з продажу якіх у бюджэт сельсавета паступіла больш за 14 тыс. рублёў.

Аператыўны адказ на пытанні аб падатках можна атрымаць з дапамогай тэлефоннай даведачнай сістэмы падатковых органаў па кароткім нумары 189. Разгляду падлягаюць пытанні фізічных асоб аб падаходным і зямельным падатках, падатку на нерухомасць, падатковых выліках, а таксама аб відах дзейнасці без рэгістрацыі ў якасці IП, аграэкатурызме і г.д. Iндывідуальныя прадпрымальнікі могуць звярнуцца з пытаннямі аб агульнаўсталяванай і спрошчанай сістэмах падаткаабкладання, адзіным падатку і інш. Даведачная сістэма падатковых органаў функцыянуе ў працоўныя дні з 9.00 да 18.00 з перапынкам з 13.00 да 14.00.

ААТ «ПМК № 95 «Вадбуд» за першае паўгоддзе ачышчана ад хмызняку 11,91 км, праведзена ачыстка каналаў ад заілення плошчай 38,82 км, абкошана 194,91 км каналаў. Праведзены капітальны рамонт адкрытай сеткі меліярацыйнай сістэмы і ў ААТ «ЖорнаўкаАГРА».

У Лапіцкай участковай бальніцы працуе 10 ложкаў сястрынскага догляду і 15 – кругласутачнага знаходжання. За мінулы месяц кваліфікаваную медыцынскую дапамогу атрымала 737 чалавек.