7.9 C
Осиповичи
Вторник, 28 сентября, 2021
Еще

    Асіпаўчаніну Дзмітрыю Фёдараву дапамагае вопыт

    Популярное

    Асіпаўчанін Дзмітрый Фёдараў працуе майстрам участка палівападачы Асіповіцкай міні-ЦЭЦ Бабруйскіх цеплавых сетак унітарнага прадпрыемства электраэнергетыкі “Магілёўэнерга”. У яго падпарадкаванні каманда з 10 рабочых, для якіх служыць прыкладам ва ўсім: прафесіянал сваёй справы і добры таварыш. Але на плячах гэтага чалавека ляжыць і яшчэ адзін абавязак — дэпутацкі. I як дэпутат райсавета ў адказе за лёсы яшчэ тысячы чалавек, якія прагаласавалі за яго падчас апошніх выбараў.

    — Асабіста для мяне гэта дэпутацкае скліканне не першае, — гаворыць Дзмітрый Канстанцінавіч. — Гадоў 20 быў народным выбраннікам у савецкі час. Атрыманыя тады ўрокі якраз дарэчы. Прайсці праз некалькі выбарчых кампаній, удзельнічаць у рабоце райсавета, несці адказнасць перад землякамі за свае дзеянні і ўчынкі — дарагога каштуе. Безумоўна, калі калектыў прапанаваў на сходзе па вылучэнні кандыдатаў у дэпутаты маю кандыдатуру, прыйшлося падумаць,  узважыць усе “за” і “супраць”, каб пасля не было сорамна, што не апраўдаў іх надзей. Балаціраваўся па Фрунзенскай акрузе № 13, якая ўключае ў сябе мікрараён “Чаромушкі”, частку вуліцы Дзяржынскага.

    — З якімі пытаннямі звяртаюцца выбаршчыкі?

    — У асноўным праблемы тычацца добраўпарадкавання вуліц, дарог. Жыхароў Чаромушак ужо не адзін год хвалюе пытанне водаадвядзення. У некага не ладзіцца з суседзямі, мужам ці жонкай, дзецьмі. Камусьці трэба растлумачыць прававыя моманты. Прыём наведвальнікаў вяду 2 разы ў месяц у інтэрнаце “Райсэрвіса”. Але часцей за ўсё бывае, што людзі звяртаюцца проста на вуліцы. Iншы раз дастаткова чалавека выслухаць, даць дзельную параду, кансультацыю — і праблема знікае. Такія паўсядзённыя зносіны не дазваляюць дэпутату трымацца ўбаку ад жыцця людзей з яго радасцямі і бядой, са штодзённымі клопатамі. Калі ўсё ведаеш знутры, хутчэй знойдзеш адказ на ўзнікшае пытанне.

    — Што дае народнаму выбранніку ўдзел у грамадскай рабоце?

    — Збліжае з людзьмі. Мяняюцца адносіны да тых ці іншых праблем, якія пачынаеш успрымаць не так, як раней, калі быў проста абывацелем, інакш асэнсоўваеш тое, што адбываецца вакол. Становішся больш адказным і ініцыятыўным.

    — Як ацэньваеце работу дэпутацкага корпуса раёна?

    — Гэта дзеяздольная каманда. Ёй па плячы вырашэнне многіх злабадзённых праблем. Менавіта дэпутаты даносяць да выканаўчай улады найбольш важныя пытанні, якія вылучаюцца выбраннікамі. Кожная праблемная сітуацыя бярэцца пад кантроль, у выніку па многіх пытаннях прымаюцца станоўчыя рашэнні. Сесіі праводзяца рэгулярна. Дэпутацкі корпус максімальна прымае ўдзел у прыняцці важных для горада і раёна рашэнняў. Кожны ж з нас адказвае за работу канкрэтнай камісіі. Мне, напрыклад, даверылі адказваць за пытанні сацыяльна-культурнай сферы і сацыяльнай абароны насельніцтва.

    — Што, на Вашу думку, галоўнае ў дзейнасці дэпутата?

    — Немалаважнае ўменне — арганізаваць людзей, растлумачыць ім абавязкі, бо, на жаль, многія прывыклі да ўтрыманства і лічаць, што мясцовая ўлада павінна вырашаць іх бытавыя пытанні. Дэпутат павінен умець слухаць, пераконваць выбаршчыкаў. Гэта дазволіць своечасова рэагаваць і вырашаць вострыя пытанні, а галоўнае — пазітыўна адаб’ецца на ўзроўні і якасці жыцця людзей, якое пастаянна ўносіць свае карэктывы. I тое, што яшчэ ўчора было першачарговым, сёння патрабуе вызначэння новых падыходаў. Але ў рабоце з насельніцтвам нельга выпрацаваць адзіны сцэнарый для вырашэння праблем, бо кожны чалавек індывідуальны і патрабуе асаблівага падыходу, і гэта трэба разумець і ўлічваць у працы.

    Гутарыла Ніна ВIКТОРЧЫК.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    На территории Осиповичского района пройдет оперативно-профилактическое мероприятие «Арсенал»

    Захоўванне любой незарэгістраванай зброі з’яўляецца незаконным і ў залежнасці ад катэгорыі зброі падлягае адміністрацыйнай або крымінальнай адказнасці: за захоўванне незарэгістраванай агнястрэльнай гладкаствольнай паляўнічай зброі або боепрыпасаў да яе прадугледжана адміністрацыйная адказнасць у выглядзе штрафу да 30 базавых велічынь; баявой або паляўнічай зброі з наразным ствалом альбо боепрыпасаў да яе, а таксама выбуховых прылад і рэчываў, у тым ліку пораху, — крымінальная адказнасць у выглядзе пазбаўлення волі тэрмінам да 7 гадоў.

    Африканская чума свиней. Меры профилактики

    Данное заболевание не перестает быть актуальным: вспышки АЧС продолжают регистрировать в непосредственной близости от границ РБ в России, Польше, Литве и Латвии. Поэтому ветслужба района информирует население о необходимости соблюдения мер по предотвращению заноса инфекции в свои подсобные хозяйства:

    Ряды работников ОАО «ОЗАА» в этом году пополнились 28 молодыми специалистами, из них 11 — с высшим образованием

    Вчерашние студенты приехали на предприятие из разных городов и учебных заведений. Многие из них уже сейчас решили, что после отработки точно не покинут завод.

    Имидж ОЗАА

    У ліпені Еўрасаюз увёў санкцыі ў адносінах васьмі беларускіх прадпрыемстваў, сярод якіх быў ААТ “Мінскі аўтазавод”. Аднак адгукнуліся гэтыя сродкі эканамічнага ціску ўсім 11 заводам вытворчага аб’яднання “БелАўтаМаз”, чыёй галаўной кампаніяй з’яўляецца флагман айчыннага машынабудавання — МАЗ. Наш АЗАА выключэннем таксама не стаў.

    Пандемия коронавируса породила новые схемы выманивания денежных средств у граждан в Сети

    Для различного рода мошенников, желающих заработать, любая беда — благодатная почва. Наживаются они и на пандемии COVID-19, объявленной Всемирной организацией здравоохранения в марте 2020 года, придумывая и реализуя новые способы обмана пользователей интернета.