Такі агульны дэвіз аб’ядноўвае прызёраў дня падпісчыка з Ліпеня, да якіх накіраваліся ў апошні дзень 2015 года прадстаўнікі рэдакцыі і райвузла паштовай сувязі, каб уручыць бонусныя купоны на бясплатнае 8-радковае прывітанне-пажаданне ў раённай газеце і павіншаваць з надыходзячым святам.
На здымку: выйгрышныя купоны ўручае начальнік РВПС Валерыя Матузава.
Як высветлілася ў гутарцы з вяскоўцамі ў час сустрэчы на мясцовай пошце, самы верны, правераны дзесяцігоддзямі сябар “раёнкі” — Лізавета Трафімаўна Умінская, якая выпісвае газету з 1962 года. Асабліва падабаецца бабулі старонка “Як жывеш, ветэран?”, дзе можна даведацца пра жыццёвыя праблемы і радасці сваіх равеснікаў з розных куточкаў роднай Асіповіччыны. Хатняя гаспадыня Кацярыня Зелянкова любіць чытаць жаночую старонку, вывучаць кулінарныя рэцэпты, а супрацоўніца Дэпартамента аховы Наталля Дарафейчык не супраць заглянуць яшчэ і ў аб’явы і віншаванні. Жанчыны з ёй пагаджаюцца, што любая інфармацыя, размешчаная ў газеце, мае свайго чытача.
Дарэчы — вяртаючыся да дня падпісчыка. Якраз Ліпенскае аддзяленне сувязі, якое ўзначальвае Анжэла Сцяпанава, і прыняло самы актыўны ўдзел сярод сельскіх ПАС: тут на “АК” 19 снежня падпісалася 19 чалавек. Найлепш у горадзе спрацавала аддзяленне сувязі № 5 — на яго рахунку 44 аформленыя абанементы.
Паштавікам — дзякуй за актыўную работу і супрацоўніцтва, чытачам — што застаецеся з намі і ў 2016 годзе!
ЭТО ТОЖЕ ИНТЕРЕСНО!
- 27.01.2016 Асіповіцкія паштавікі: у планах — толькі плюсы
- 27.01.2015 Асіповічы: вынікі конкурсу «Падпіска — 2015» вызначаны
-
21.01.2014 Героі падпіскі на Асіповіччыне
- 24.01.2017 Итоги подписной кампании на I полугодие 2017 г. в Осиповичах
- 10.06.2015 Пошта на колах у Асіповіцкім раёне
- 19.12.2014 Не засталося незаўважаным чытачамі запрашэнне “раёнкі”
Загрузка ...
