Большую частку года школьнікі, навучэнцы і студэнты наведваюць свае навучальныя ўстановы — гэта абавязкова. А вось канікуламі маюць права распараджацца па-свойму. Апошнім часам маладыя людзі, якія яшчэ атрымоўваюць адукацыю, не праводзяць летнія месяцы дарма — імкнуцца зарабіць сваю «капейку».
Ужо традыцыйна ў раёне працуюць так званыя студэнцкія атрады, што арганізуе БРСМ. Напрыклад, у маі-жніўні бягучага года 323 прадстаўнікі моладзі Асіповіччыны — 34 атрады — атрымалі працоўныя месцы менавіта з яго дапамогай. Было створана 6 будаўнічых, 18 сельскагаспадарчых, экалагічны і 9 сэрвісных атрадаў. Вучняў школ горада і раёна, гімназіі і навучэнцаў каледжа прымалі райспажыўтаварыства, Жорнаўская эксперыментальная лясная база, заводы аўтаагрэгатаў і кансервавы, ААТ «Гандаль», АДУКВП «Райсэрвіс», ААТ «Асіповічыаграпрамтэхзабеспячэнне» і ўсе калгасы. Узрост маладых працаўнікоў — у асноўным ад 15 да 18 гадоў, але былі і старэйшыя. Лепшыя ж атрады ўшаноўвалі падчас святкавання «Дажынак».
Прапаноўваў занятасць і аддзел адукацыі, спорту і турызму райвыканкама. Па-першае, былі створаны спецыяльныя лагеры працы і адпачынку: у 11 установах адукацыі — з дзённым знаходжаннем, а яшчэ 2 — на базе летніка «Крыніца» — з кругласутачным. Дарэчы, у лагерах з дзённым знаходжаннем адпрацавала каля сотні школьнікаў ва ўзросце ад 14 гадоў. Напрыклад, вучні Осаўскай школы працавалі ў ААТ «Асіповічыаграпрамтэхзабеспячэнне», Жорнаўскай — ААТ «ЖорнаўкаАГРА», СШ № 4 — АДУКВП «Райсэрвіс», СШ № 3 — лясгасе. У філіяле «Белшына-агра» ААТ «Белшына», СВК «Калгас «Карытнае», ААТ «Заходні-Агра» і інш. моладзь была задзейнічана ў паляводчых работах, на зернесушыльных комплексах, а таксама ў якасці пастухоў і памочнікаў камбайнёраў. Дапамагалі вучні і на прышкольных тэрыторыях.
Таксама РААСіТ быў заключаны дагавор на 148 мільёнаў рублёў з упраўленнем па працы, занятасцi i сацыяльнай абароне райвыканкама. Сфарміравалі 14 брыгад — 126 маладых людзей. У асноўным яны займаліся пашывам пасцельнай бялізны і штор, а таксама рамонтам вучнёўскай мэблі.
Асобна разглядалася і індывідуальная занятасць падлеткаў і моладзі. Напрыклад, некаторыя працавалі падсобнымі рабочымі ў будаўніцтве, у прадпрымальнікаў, на фабрыцы «Сонца», у краме на станцыі Талька, санаторыі «Свіслач» і нават у аднаго з сотавых аператараў у Мінску. Як кажуць, было б жаданне.
«Летняя занятасць сёння — сацыяльныя гарантыі моладзі», — адзначыла галоўны спецыяліст аддзела адукацыі, спорту і турызму райвыканкама Алена Хаецкая. Дарэчы, маладыя людзі звычайна з задавальненнем накіроўваюцца на працу. І не дзіўна: грошы не лішнія, усё не ў бацькоў прасіць. Сума заробку залежала ад цяжкасці і працягласці працы: ад 100-400 тысяч да 2-3 мільёнаў.
Як бачыце, прапановы існуюць. Попыт — таксама. Усё яшчэ ёсць сумненні: паспрабаваць зарабіць грошы самастойна ці не? Адкіньце іх убок! І рыхтуйцеся да наступнага — працоўнага — лета.
ЭТО ТОЖЕ ИНТЕРЕСНО!
- 01.06.2015 Актуально в Осиповичах: где заработать подросткам и молодежи летом?
- 30.01.2015 Осиповичи: когда семья спортивная
- 31.12.2014 Осиповичские снегурочки не носят мини
- 28.04.2015 «Маладзёжны агітцягнік «Кветкі Вялікай Перамогі» ў Асіповічах
-
24.12.2015 Лепшы штаб БРСМ — у Асіповічах
-
31.03.2014 Абітурыенты, звярніце ўвагу!
Загрузка ...
