9.4 C
Осиповичи
Суббота, 15 мая, 2021
Еще

    «Дзівакам» — 20 гадоў

    Популярное

    Пачалося ўсё ў далёкім 1994 годзе па ініцыятыве цяперашняй бізнес-вумен Кацярыны Лапацінай, якая працавала тады дырэктарам Дома культуры на кардонна-руберойдавым заводзе.

    — Як і на ўсякім вялікім прадпрыемстве, у нас кожны цэх меў сваю фальклорную групу, — успамінае Кацярына Канстанцінаўна. — Асабліва радавалі майстэрствам самадзейныя артысты будаўнічага, якія часта станавіліся пераможцамі завадскіх аглядаў-конкурсаў. З прыходам на работу ў клуб маладога мастацкага кіраўніка Алы Пінчук, якая проста гарэла жаданнем прыўнесці ў наша культурнае жыццё штосьці незвычайнае, было канчаткова прынята рашэнне: арганізаваць адну творчую суполку. Ёй актыўна дапамагала Людміла Грынько, побач з намі быў таксама цудоўны музыкант Юрый Камісараў. Кіраўніцтва КРЗ падтрымала ідэю, а пазней дапамагло з набыццём сцэнічных касцюмаў — іх шылі ў сталічным тэатры оперы і балета.

    divaki-osipovichi01

    Першы канцэрт адбыўся на сваёй сцэне. У рэпертуар уключылі добра знаёмыя ўсім беларускія песні, зрабілі выдатныя аранжыроўкі. Безумоўна, артысты хваляваліся, але гледачы сустрэлі іх цёпла, бо кожная песня кранала за душу.

    У калектыў сталі прыходзіць прафесіянальныя спевакі — людзі, якія былі звязаны па роду заняткаў з музыкай. Пачалася актыўная гастрольная дзейнасць. Выязджалі ў калгасы, сяльчане заўсёды былі рады нашым канцэртам.

    Сталі думаць над назвай. Аб’явілі нават конкурс. Перабралі з дзясятак самабытных каларытных найменняў і спыніліся на «Дзіваках». Чаму? Прыгожае беларускае слоўца. Роднасныя яму — дзіва, дзіўны. Менавіта такія людзі і падабраліся ў калектыў — непадобныя да іншых, умеючыя здзівіць сваім талентам: рухамі, голасам, музыкай. Яны здольныя на неардынарныя ўчынкі. Пра кожнага з артыстаў можна сказаць: «Вось дзівак!». Аб’яднаная такім драйвам кампанія і ёсць «Дзі-ва-кі».

    Дом культуры КРЗ закрылі, на жаль, гадоў 9 таму, але калектыў жыве і сёння, радуе аматараў народнага мастацтва творчасцю. Ганаруся, што яго ўдзельнікі аказаліся цвёрдыя духам і настолькі згуртаваныя, што ніякія жыццёвыя віхуры не збілі іх з аднойчы абранага шляху. Яны для мяне як родныя дзеці. Сачу за выступленнямі, радуюся поспехам і спадзяюся, што і далей яны будуць прыносіць радасць людзям, дорачы ім дзівосныя песні і танцы.

    Сёння ансамбль «Дзівакі» раённага Цэнтра культуры і адпачынку — гэта 20 чалавек, аб’яднаных любоўю да песеннай спадчыны нашага народа, сапраўдныя прафесіяналы сваёй справы. З 2003 года ўзначальвае калектыў Ала Пінчук.

    — За гады сумеснай працы сталі адзін для аднаго не толькі калегамі, але і сябрамі, — гаворыць Ала Яўгеньеўна. — Большасць з нас мае свае творчыя калектывы, але не мяняе «прапіскі» і ў нашым ансамблі, які стаў родным і блізкім. Ля вытокаў стаялі Людміла Грынько, Таццяна Салімон, Валянціна Якаўлева, Аксана Мысюціна, Алена Здоранка, Таццяна Мікульчык, Ганна Арашкова. Акрамя Юрыя Камісарава, сваю лепту ў развіццё ўнёс музыкант Сцяпан Саханчук. Праз некаторы час далучыўся баяніст і спявак Аляксандр Яршоў.

    divaki-osipovichi02

    Прыемна, што папаўняемся маладымі галасамі — да нас прыйшлі Аня Яблонская, Аня Дудко, Лена Грышановіч, Алег Матусевіч. Прычым, прырастаем дынастыямі: Таццяна Мікуліч прывяла дачку Аню, Ганна Арашкова — мужа Алега. Не адзін год з намі Аляксандр Яўсейчык і Анатолій Яцэвіч. З нядаўняга часу — Дзмітрый Новікаў і Сяргей Аляксееў. Сярэдні ўзрост калектыву — 35 гадоў.

    Маладосць і сталасць якраз тыя жыццёвыя велічыні, якія пры спалучэнні даюць магутны штуршок для руху наперад, больш поўнага раскрыцця творчага патэнцыялу кожнага артыста ансамбля. У нашай песеннай скарбонцы шматлікія выступленні на разнастайных святах і мерапрыемствах раёна, удзел у абласных, рэспубліканскіх і міжнародных конкурсах. Мы — пастаянныя лаўрэаты «Веснавых колераў». І кожная сустрэча з гледачамі — сапраўднае свята, падчас якога адбываецца абмен энергетыкай, яднанне душ. Гэта як эліксір жыцця, вечнай маладосці. І калі здараюцца перапынкі ў канцэртнай дзейнасці, марым хутчэй сабрацца, абмеркаваць навіны і заняцца любімай справай…

    Запытайцеся ў любога асіпаўчаніна, які хоць колькі цікавіцца творчасцю народных калектываў Асіповіччыны, што вядома пра «Дзівакоў» — і ў адказ пачуеце: «Гэта адзін з брэндаў у сферы культуры нашага краю!»

    Ніна ВІКТОРЧЫК.

    Предыдущая статьяОсиповчане, это ваш шанс!
    Следующая статьяОвцу не обидит

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    22 мая в историко-краеведческом музее пройдет мероприятие «Осиповичи: ХХ век начинается»

    22 мая в историко-краеведческом музее пройдет мероприятие «Осиповичи: ХХ век начинается». В программе работа нескольких экспозиционных площадок на прилегающей территории и внутри здания музея: «станция Осиповичи», «имение Дараганов», «имение Завишей», «бакалейный магазин купца Рывкина», «амбулатория», «железнодорожная школа», «трактир», «ремесленная окраина», «выставка фотографий жителей города нач. ХХ в.».

    22 мая пройдет прямая телефонная линия

    22 мая, в субботу, начальник Могилевского областного управления Департамента охраны МВД Республики Беларусь полковник милиции Игорь Иванович Драчёв проведет прямую телефонную линию.

    В рамках республиканской акции «Не оставляйте детей одних!» спасатели предлагают всем желающим проверить свои знания

    Ответы на вопросы  каждого из трех опубликованных блоков необходимо прислать на электронную почту igra_rochs@list.ru. Участники, правильно ответившие на все вопросы, получат подарки от РОЧС.

    Около 60 осиповчан на днях сменят «гражданку» на военную форму и присягнут на верность Родине

    Вчера на базе районного историко-краеведческого музея состоялся день призывника. Старший научный сотрудник учреждения культуры Мария Саканцева познакомила будущих солдат с экспозицией, посвященной Великой Отечественной войне, а также с выставкой коллекции Валерия Дещени.