12.8 C
Осиповичи
Пятница, 16 апреля, 2021
Еще

    Жыхар Асіповіцкага раёна Ігар Макейчык — стралок ваенізаванай аховы

    Популярное

    Ад дому да месца службы стралку ваенізаванай аховы аб’екта “Чыгуначны мост на станцыі Ялізава” Ігару Макейчыку ісці недзе паўтара кіламетра. Па сёлетняй сухой і ціхай восені атрымліваецца цудоўная прагулка, падчас якой прыемна “паразмаўляць за жыццё”.

    — Наш мост адзіны ў раёне, які мае ўласных “сек’юрыці”. Раней з яго аховай было зусім строга — пра тое нагадваюць палявыя ўмацаванні паабапал насыпу. Сёння акопы ды доты хутчэй маюць мемарыяльны сэнс, утвараючы разам з помнікам загінуўшым пры вызваленні Ялізава танкістам мініяцюрную “Лінію Сталіна”. Ды і зямля вакол моста засыпана жалезам ваеннага часу. Пераважна — гільзы, але не толькі. Нядаўна, падчас рамонтных работ, у насыпе знайшлі баявую гранату…

    Вартаўнікі на мосце будуць запатрабаваныя заўсёды: без іх бяспеку руху ў гэтым месцы чыгункі Асіповічы-Магілёў забяспечыць немагчыма. Прычын таму нямала, але адна ў поўным сэнсе мясцова-спецыфічная. З клічаўскага боку Бярэзіны лясы некранутыя, грыбоў ды ягад мноства, таму спакуса для ялізаўчан патрапіць туды вялікая. Усе ведаюць, што праход па мосце забаронены, аднак раз-пораз хтосьці спрабуе дамовіцца з вартавымі. Натуральна, безвынікова: прапускны рэжым жорсткі і выключэнняў не прадугледжвае. Звычайна адмоўны адказ успрымаецца з разуменнем, але ж чалавек — істота непрадказальная. Неяк пасля адмоўнага адказу асабліва ўпарты грыбнік выкраў лодку. Калі яго затрымала міліцыя, растлумачыў учынак “арыгінальна”: яго, маўляў, вымусілі пайсці на крайнія меры ўпартыя ахоўнікі…

    Хаця такія паўанекдатычныя выпадкі — з’ява вельмі рэдкая. Дзяжурства праходзіць руцінна: калі ідзе цягнік, трэба прасачыць, каб з яго нічога не падала і каб не парушаліся дапушчальныя геаметрычныя памеры вагонаў. Дзеля гэтага ставяцца кантрольныя планкі: калі штосьці выступае за дазволены габарыт, яны падаюць. Пра выяўленыя дэфекты трэба тэрмінова паведамляць зацікаўленым службам, але паступаюць такія сігналы зусім рэдка — раз ці два ў год. Як правіла, планку ніжняга габарыту збівае незамацаваны пнеўмашланг тармазной сістэмы.

    Ну а ўвесь астатні час дзяжурства неабходна пільна сачыць за ахоўнай зонай — прылягаючымі да моста ўчасткамі берага і рачной акваторыяй. Для гэтай справы, між іншым, восень — самы спрыяльны час. Улетку і вясной на ўзбярэжжы многа людзей і лодак, камары камфорту не спрыяюць. А зімой ускладняе дзяжурства кароткі светлавы дзень. Стаяць на пасту аднаму ў цемры, шчыра кажучы, псіхалагічна цяжкавата. Ды і табельная зброя дадае нагрузкі на  нервы: вартавы павінен быць гатовы ўжыць яе па прызначэнні, як толькі ўзнікне прадугледжаны правіламі службы форс-мажор.

    Невыпадкова пры адборы ў ахоўнікі ды і падчас службы вельмі ўважліва кантралююцца іх стрэсаўстойлівасць і здольнасць працаваць у камандзе. І гэта не жартачкі! Хто не памятае выпадак, калі вартавы на мосце ў Бабруйску забіў увесь каравул ды застрэліўся сам? А было так. Там надта часта мяняўся персанал, а жыхары вялікіх гарадоў, як вядома, трымаюцца больш паасобку і рэдка добра ведаюць адзін аднаго. Вось і сабраліся ўзброеныя людзі з несумяшчальнымі характарамі…

    У ялізаўскай варце такі жах немагчымы: хлопцы служаць надзейныя. Працуем разам даўно, амаль усе жывем у Ялізаве, таму ведаем, што таварышам можна давяраць ва ўсім.

    Як успрымаюць вартавых-чыгуначнікаў суседзі-пасялкоўцы? Можна сказаць — нейтральна. Наш аб’ект стаіць на водшыбе, нічога цікавага для мясцовых жыхароў на ім не адбываецца. Ды і цякучкі кадраў няма, так што стралковая каманда як месца працаўладкавання інтарэсу амаль не ўяўляе.

    Але такая абыякавасць хутчэй плюс, бо аб дэталях сваёй справы стралкам распавядаць староннім асобам непажадана. У ахове ялізаўскага моста ёсць як мінімум пяць службовых таямніц, таму чым менш спакусы выпадкова сказаць штосьці лішняе, тым лепш.

    …Ну вось і прыйшлі. У вас дазвол на ўваход у   ахоўваемую зону ёсць? Няма… Ну, тады да пабачэння!

    Запісаў Дзмітрый САЎРЫЦКІ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Топ-15 вопросов о вакцинации от коронавируса

    В январе в районе началась бесплатная вакцинация от COVID-19. Ответы на часто задаваемые вопросы о вакцинации дает врач-инфекционист ЦРБ Инесса Сладикова

    Коротко о разном. Осиповичи

    Нацыянальны конкурс “Прадпрымальнік года” стартаваў 1 красавіка. Па выніках конкурсу ў кожнай вобласці і ў горадзе Мінску спецыяльна створаныя аргкамітэты (журы), у склад якіх увойдуць вядомыя прадпрымальнікі і прадстаўнікі органаў дзяржкіравання, вызначаць лепшых бізнесменаў у намінацыях “Паспяховы старт”, “Стабільны поспех” (дапускаецца ўдзел буйных прадпрыемстваў),

    РГОО «Белорусское общество охотников и рыболовов» с 16 по 24 апреля проводит акцию «Чистый водоем»

    Мероприятие проходит с 2014 года и направлено на экологическое воспитание всех слоев населения, привлечение внимания к проблеме загрязнения водоемов, а также на приведение в порядок прибрежной зоны водоемов и водотоков накануне открытия сезона массового активного отдыха на природе.

    Новая веха в жизни Осиповичского района

    На днях районный исполнительный комитет, районное объединение организаций профсоюзов и объединение промышленников и предпринимателей, руководствуясь интересами населения и в целях создания на основе принципов социального партнерства необходимых условий для достойного труда, гармоничного развития видов экономической деятельности, на основании Трудового кодекса Республики Беларусь, Указа Президента Республики Беларусь от 15 июля 1995 г. № 278 "О развитии социального партнерства в Республике Беларусь",

    Завтра — республиканский субботник

    Середина апреля на дворе, а значит, самое время повсеместно навести порядок. Приложить руки каждому есть к чему и где. А еще лучше — дружно и вместе, ведь в стране идет Год народного единства. В 2020-м, несмотря на все его сложности,  родной город значительно преобразился и похорошел. Хотелось бы, чтобы благоустройство активно продолжалось и в текущем году — у нас для этого есть немало причин. Ждут обновления и сельские населенные пункты.