7.2 C
Осиповичи
Суббота, 10 апреля, 2021
Еще

    Прафсаюзнае жыццё ў Асіповічах

    Популярное

    Утвердили график отключения горячей воды в Осиповичах

    График отключения горячей воды в 2021 году утвердили в Могилеве, Осиповичах и Костюковичах. Такая информация размещена на сайте Могилевского облисполкома, передает БЕЛТА.

    5 апреля в деревне Моисеевичи ракетный комплекс врезался в дом 85-летней женщины

    Многие земляки, да и не только, на этой неделе активно обсуждали в интернете следующую информацию: утром 5 апреля в деревне Моисеевичи ракетный комплекс врезался в дом 85-летней женщины. Корреспондент "районки" обратился к председателю Дричинского сельисполкома Николаю Еромову, чтобы узнать подробности происшествия и то, как разрешилась ситуация:

    Осиповчанка Ева Карытка заняла 1 место в республиканском конкурсе творческих работ

    У апошні час грамадства стала актыўна вывучаць свае радаводы. Але для таго каб мець уяўленне пра сваіх продкаў, трэба добра ведаць гісторыю паходжання народа, традыцыйныя заняткі, лад жыцця і гісторыю сваёй малой радзімы.

    Другое крыло для ўпэўненага палёту

    Што можа быць больш важным і значным, чым работа педагога? Настаўнікі даюць дзецям рознабаковыя веды, вучаць любіць радзіму і верыць ва ўласныя сілы. Гэта толькі асноўныя мэты, а колькі другасных задач вырашаюць працаўнікі сістэмы адукацыі? — падзялілася разважаннямі старшыня райкама прафсаюза работнікаў адукацыі і навукі Алена Кулакоўская напачатку XV справаздачна-выбарнай канферэнцыі. На гэта важнае мерапрыемства завіталі і госці з Магілёва — загадчык арганізацыйнага аддзела абласной арганізацыі прафсаюза работнікаў адукацыі і навукі Валерый Сапоткін і прадстаўнік ветэранскага фарміравання Ларыса Сербава.

    Справаздача аб рабоце райкама ахоплівала перыяд з лістапада 2009 года. Выкананне прынятай VI з’ездам Праграмы асноўных накірункаў дзейнасці прафсаюза на 2010-2015 гады дазволіла галіноваму прафсаюзу стаць яшчэ больш з’яднаным, захаваць усё лепшае і ўпэўнена рухацца насустрач заўтрашняму дню.

    У структуры райарганізацыі 54 “пярвічкі” — гэта 2.189 чалавек ці 97,3% ад агульнай колькасці працаўнікоў. У мэтах рацыянальнага выкарыстання бюджэтных сродкаў праведзена работа па распрацоўцы і зацвярджэнні ва ўстаноўленым парадку тыпавых штатаў і нарматыўнай колькасці работнікаў устаноў адукацыі, ажыццяўляецца аптымізацыя.

    Елена КУлаковская

    Сярэднямесячная зарплата ў сістэме адукацыі краіны за студзень-жнівень — 3.797,8 тыс. руб., тэмп росту намінальнай — 110,1%, рэальнай — 95%. Iндэкс спажывецкіх цэн — 116%. Што тычыцца нашага раёна, то заробак у галіне адукацыі складае 3.654,7 тыс. руб. — 14 пазіцыя ў вобласці. Ажыццяўляюцца даплаты работнікам, у якіх зарплата ніжэй мінімальнай. Толькі ў верасні ў раёне іх атрымалі 470 чалавек, выплаты з пачатку года склалі 675,4 млн. руб. З верасня ўсім педработнікам прадугледжана дыферэнцыраванае павелічэнне надбавак за кваліфікацыйную катэгорыю, што дазволіла павысіць зарплату настаўнікаў ад 153 да 967 тысяч рублёў — ад 6 да 28%. Сёння выклікае заклапочанасць нізкі ўзровень заробку працаўнікоў дашкольных устаноў, маладых спецыялістаў, бухгалтараў. Трэба зрабіць сістэму аплаты працы гэтых катэгорый работнікаў больш гнуткай і адпавядаючай працоўным затратам.

    Зараз сацыяльнае партнёрства разглядаецца як метад цывілізаванага рашэння спрэчных пытанняў, механізм стабільнасці ва ўстановах. Заключана пагадненне паміж аддзелам адукацыі, спорту і турызму райвыканкама і райкамам прафсаюза, дзейнічаюць 54 калектыўныя дагаворы, якімі ахоплена 2.688 чалавек: 2.189 работнікаў-членаў прафсаюза, 437 непрацуючых пенсіянераў, а таксама 63 работнікі, якія не ўваходзяць у прафесійную суполку.

    Многія пытанні кіраўнікі ўзгадняюць з прафсаюзнымі камітэтамі: размеркаванне нагрузкі, зацвярджэнне графікаў, раскладу вучэбных заняткаў, адпускоў, правіл унутранага распарадку, заключэнне кантрактаў. Усё гэта спрыяе стабільнай рабоце калектываў.

    Прафсаюз надзяляе ўвагу  атэстацыі, і яго роля тут не толькі адчувальная, але і служыць гарантам недапушчэння парушэнняў атэстацыйных правілаў. Зараз 82,3% педагогаў Асіповіччыны маюць I і вышэйшую кваліфікацыйныя катэгорыі.

    Заўсёды ў полі зроку маладыя спецыялісты. Аказваецца матэрыяльная дапамога да пяці базавых велічынь пры заключэнні шлюбу, нараджэнні дзіцяці, моладзь забяспечваецца месцамі ў інтэрнаце, службовым жыллём. Прымаемыя меры далі станоўчую дынаміку: калі ў 2010 годзе іх засталося працаваць у раёне 27%, то ў 2012 — 67.

    профсоюз

    У працоўных адносінах працягвае дамініраваць кантрактная форма найму. За апошнія гады з 18 да 40,5% павялічылася колькасць кантрактаў, заключаных на 4 і 5 гадоў. Важным крокам стала ўнясенне ў раённае пагадненне і, адпаведна, ва ўсе кантракты мер стымулявання згодна з Дэкрэтам        № 29. Што гэта дало? Магчымасць дадатковых адпускоў да 4 дзён, павышэння тарыфных ставак да 50% работнікам групы цэнтралізаванага гаспадарчага абслугоўвання, вадзіцелям і інш.

    Няма ў прафсаюза больш адказнай задачы, чым ахова жыцця і здароўя працаўнікоў. Дзейнічаюць 54 грамадскія камісіі, 160 інспектараў. Галоўны ўпор пры правядзенні праверак робіцца не толькі на выяўленне парушэнняў, але і на арганізацыйную і метадычную дапамогу прафкамам і кіраўнікам. Вынікі праверак і інфармацыя прафкамаў паказалі, што ёсць недахопы ў забеспячэнні работнікаў спецадзеннем і абуткам, сродкамі індывідуальнай абароны. Лепшымі грамадскімі інспектарамі ў справаздачным перыядзе прызнаваліся Iрына Чарнышова, Валянціна Суміч, Ала Сташэўская — усе з дашкольнага цэнтра развіцця дзіцяці.

    Сёння асаблівую важнасць набірае інфармацыйная работа, якая спрыяе аўтарытэту прафсаюза. Сумесны з аддзелам адукацыі сайт дае магчымасць у самыя кароткія тэрміны давесці да актыву нарматыўна-прававыя акты, інфармацыю аб рабоце райкама, навіны. Большасць “пярвічак” маюць свае інтэрнэт-старонкі на школьных сайтах.

    Прафсаюз імкнецца быць уважлівым да лёсаў людзей і ўсяго таго, што хвалюе працаўнікоў. Акрамя агульнапрынятых палажэнняў, ва многіх установах аказваецца дапамога пры завочнай вучобе самога працаўніка і яго дзяцей, пры санаторна-курортным лячэнні і г.д. З прафсаюзных сродкаў толькі ў гэтым годзе 160 чалавек атрымалі матэрыяльную дапамогу на суму 23,6 млн. руб.

    Важная складаемая работы — стварэнне і падтрыманне ў калектывах здаровай маральна-псіхалагічнай абстаноўкі, арганізацыя вольнага часу. Значна актывізавалася спартыўна-масавая работа. У рамках раённай спартакіяды прайшлі спаборніцтвы па плаванні, шахматах, валейболе. Сёлета мужчынская і жаночая зборныя сталі лідарамі абласной спартакіяды, сумесныя намаганні дазволілі ўпершыню заняць другое агульнакаманднае месца.

    Старшыня прафкама гімназіі Святлана Дораш расказала аб ролі і месцы камітэта ў абароне сацыяльна-эканамічных праў і інтарэсаў. Выстройваць эфектыўную работу дапамагае калектыўны дагавор. Дзейнічае сістэма матэрыяльнага стымулявання. У многім дапамагае арганізаваная райкамам вучоба ў школе прафсаюзнага актыву.

    Аб сацыяльным партнёрстве разважала загадчыца дашкольнага цэнтра развіцця дзіцяці Таццяна Васянкіна. Выніковасць супрацоўніцтва адлюстроўваецца ў тым ліку і ў колькасці членаў прафсаюза: ужо шэраг гадоў гэта 100%. Сумесна з кіраўніком прафсаюз прымае ўдзел у распрацоўцы і рэа-лізацыі мерапрыемстваў па развіцці ўстановы.

    Ролю адміністрацыі ў справе сацыяльнага партнёрства раскрыў дырэктар СШ № 3 Анатоль Шчамялёў, а захаванне заканадаўства аб працы стала тэмай выступлення прафсаюзнага лідара ясляў-сада № 10 “Расінка” Таццяны Апанасевіч, вопытам арганізацыі культурна-масавай работы падзялілася старшыня “пярвічкі” цэнтра карэкцыйна-развіваючага навучання і рэабілітацыі Таццяна Вараўко.

     Начальнік аддзела адукацыі, спорту і турызму райвыканкама Наталля Шаўчэнка ў сваім выступленні падкрэсліла, што апошнім часам сумесная работа стала больш эфектыўнай і за кошт граматна і дэталёва распрацаваных калектыўных дагавораў, палажэнняў, інструкцый. Адсутнасць канфліктных сітуацый таксама сведчыць аб плённасці прафсаюзнай дзейнасці.

    Канферэнцыя — гэта магчымасць не толькі абмеркаваць праблемы, але і адзначыць людзей. Ганаровую грамату Федэрацыі прафсаюзаў Беларусі атрымала Наталля Шаўчэнка, абласнога камітэта галіновага прафсаюза — кіраўнікі ўстаноў дадатковай адукацыі Алесь Грыбко (на здымку) і Наталля Пракопчык, галоўны спецыяліст аддзела адукацыі, спорту і турызму Алена Хаецкая. Шэраг кіраўнікоў устаноў адукацыі і старшынь “пярвічак” узнагароджаны Ганаровымі граматамі прэзідыума раённага камітэта.

    Работа райкама прафсаюза прызнана здавальняючай. Адбы-ліся выбары кіруючых прафсаюзных органаў, шляхам адкрытага галасавання старшынёй райкама абрана Алена Кулакоўская — яе прафесіяналізм атрымаў высокую ацэнку, у тым ліку і на абласным узроўні. На справаздачна-выбарную канферэнцыю ў Магілёў дэлегіраваны Аляксандр Гарбачоў, Наталля Шаўчэнка, Алена Кулакоўская і Сяргей Сувееў. Алена Кулакоўская будзе прадстаўляць Асіповіччыну і на VIII з’ездзе Беларускага прафсаюза работнікаў адукацыі і навукі.

    Валянціна КОРБАЛЬ.

    Реклама

    Последнее

    Гузаль Цыганкова приехала в Беларусь в детстве

    Отца-военного по долгу службы несколько раз переводили из гарнизона в гарнизон. Поэтому уроженка солнечного Узбекистана пошла в школу в Монголии, а окончила ее уже в Беларуси.

    ГАИ призывает граждан к содействию

    В целях своевременного реагирования на изменения дорожно-транспортной обстановки необходимо незамедлительно информировать органы внутренних дел по телефонной линии «102» о нахождении на дороге уязвимых участников дорожного движения, находящихся в состоянии алкогольного опьянения, либо создающих своим поведением предпосылки к совершению ДТП, для их своевременного изъятия с проезжей части, а также лиц управляющих транспортными средствами в состоянии алкогольного опьянения и не имея права управления транспортными средствами.