27.6 C
Осиповичи
Среда, 29 июня, 2022
Еще

    Асіповіцкае “Сонца” — за сонечную чысціню

    Популярное

    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Эканоміка малога горада

    За апошнія паўгода IПВУП “Парфумерна-касметычная фабрыка “Сонца” нямала зрабіла, каб замацавацца ў шэрагах папулярных вытворцаў сінтэтычных мыючых сродкаў (CМC).

    Цалкам спраўдзіла маркеталагічныя разлікі стаўка на прасоўванне на рынак распрацаванай спецыялістамі прадпрыемства экалагічна-бяспечнай прадукцыі — безфасфатных пральных парашкоў April Evolution. Гэта апошняе слова ў развіцці тэхналогіі выпуску мыючых сродкаў: атрыманне высокіх якасных паказчыкаў у СМС без ужывання шкодных для прыроды фосфарутрымліваючых арганічных злучэнняў стала магчымым толькі ў апошнія гады.

    Таксама аптымістычна выглядаюць перспектывы запатрабаванасці лініі спецыяльных сродкаў Suprim. Пад гэтай маркай ужо выпускаюцца адбельвальнік і плямавыводнік, а ў хуткім часе з’явяцца ў продажы сродак супраць накіпу і ачышчаная па спецыяльнай тэхналогіі вада для прасаў.

    Практычна ўсё гатова і да пачатку вытворчасці шырокага спектру касметычных сродкаў: шампуняў, бальзамаў, геляў для душу, вадкага мыла і г.д. Адзінае, што стрымлівае — адсутнасць пэўных кампанентаў, якімі трэба даабсталяваць ужо працуючую лінію разліву. Фірма, якая ўзялася зрабіць для “Сонца” гэты тэхналагічны рыштунак, сутыкнулася з праблемамі пры стварэнні неабходных асіповіцкім парфумерам складаных вузлоў і дэталей.

    Аднак і наяўны “арсенал” асвоенай прадукцыі дазваляе кампаніі займаць каля трэці беларускага рынку мыючых сродкаў і ўпэўнена нарошчваць экспартны патэнцыял. Сёння вырабы пад “сонечным” гандлёвым знакам прадаюцца ў Расіі, Малдове, Літве, Туркменістане, Украіне. Заключаны дамовы аб пастаўках пральных парашкоў у Кыргызстан.

    Найбольш перспектыўным накірункам для міжнароднага гандлю маркетолагі прадпрыемства лічаць нашу паўднёвую суседку — Украіну: попыт на асіповіцкія СМС тут расце найбольш уражваючымі тэмпамі.

    Распаўсюджванне прадукцыі па самых розных рэгіёнах свету робіць актуальным пытанне: як жа падтрымліваецца ўзровень ачышчальных вартасцей мыючых сродкаў пры растварэнні іх у вадзе з розным складам натуральнага хіміка-біялагічнага “фону”?

    Па словах намесніка дырэктара па вытворчасці Сяргея Крывенкі, кожны выпускаемы прадукт разлічваецца на стабільную работу ў найбольш цяжкіх умовах — з вадой максімальна высокай жорсткасці. Таму, прынамсі, у мяккай асіповіцкай вадзе мыючыя сродкі мясцовай вытворчасці спраўляюцца са сваімі “абавязкамі” найлепшым чынам.

    Дзмітрый САЎРЫЦКI.

    ОСТАВЬТЕ ОТВЕТ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее