14.5 C
Осиповичи
Четверг, 5 августа, 2021
Еще

    У Асіповічах з’явіўся «Трон»

    Популярное

    Iнтэрв’ю з нагоды

    tron

    Прыемна адзначаць пазітыўныя змяненні, якія адбываюцца ў жыцці горада і землякоў. І адкрыццё ў дзень вясновага жаночага свята на першым паверсе ўсім вядомай “Пралескі” більярд-бара “Трон” таксама можна аднесці да такіх падзей. Новы бар — гэта не толькі 11 дадатковых працоўных месцаў, але і новае слова ў сістэме грамадскага харчавання Асіповічаў.

    трон8

    Ва ўтульнай зале наведвальнікаў сустракаюць два сталы для гульні ў більярд. Месца адпачынку прызначаецца для пэўнага кола візіцёраў, таму няма патрэбы адводзіць плошчу пад танцпол — дыскатэкі тут не будзе. А вось ненавязлівая музыка — калі ласка. Пасадачных месцаў 30. Можна заказаць столік на дваіх, а можна і з кампаніяй размясціцца за вялікім сталом у асобнай кабінцы. Мэбля — толькі натуральная, зробленая з сасны, так бы мовіць, у вясковым стылі, дзе пэўная брутальнасць гарманічна спалучаецца з грунтоўнасцю і своеасаблівай прыгажосцю. На кожным століку — керамічныя наборы для спецый, зробленыя пад заказ у “Белмастацтвакераміцы”, побач — металічныя званочкі, якія паклічуць за вас афіцыянта. Два вялікія тэлевізары надаюць кафэ дадатковую функцыянальнасць: зручна прыйсці, напрыклад, футбольным фанатам ці паглядзець з сябрамі матчы чэмпіянату свету па хакеі, які пройдзе ўжо зусім хутка ў краіне. Дарэчы, скарыстацца інтэрнэтам тут таксама ёсць магчымасць.

    трон3трон

    Асобныя дэталі ўдакладніла гаспадыня бара Наталля Пахоменка:

    — Чаму “Трон”? Гэта сугучна з назваю ўзначальваемага прыватнага прадпрыемства “ТронГрад”. Ну і, згадзіцеся, трон — месца, якое дастаўляе чалавеку пэўную асалоду. Чаму б і не? Ну а калі сур’ёзна, то кропка грамадскага харчавання патрабавала нямала намаганняў і выдаткаў, таму чакаем, што яна апраўдае мэты, дзеля якіх і была створана. Па-першае, нам хацелася, каб гэта было месцам параўнальна ціхім і ўтульным, для пэўнай катэгорыі людзей, якія ведаюць толк у адпачынку — інтэр’ер садзейнічае задушэўным размовам і цёплым сустрэчам. Па-другое, маем мэту накарміць смачнай карыснай ежай і землякоў, і гасцей горада. Упор у меню робіцца на нацыянальную кухню. Пералік страў не надта шырокі — каля паўсотні найменняў, аднак гарантуем, што ўсё заяўленае заўсёды будзе ў наяўнасці. Ёсць і свае “фішкі”: напрыклад, калі вы заказваеце комплексны абед альбо проста боршч з пампушкамі, то ў якасці бонуса вам пададуць асарці са шпіку.

    трон4 трон5

    — А як наконт фірменных страў?

    — Абавязкова! Гэта салата “Трон” з курыцай, сухарыкамі, а астатнія інгрэдыенты — сакрэт, прыходзьце і спрабуйце. Маем і свой рэцэпт лёгкага, адцененага міндалём соусу. Дарэчы, і соус, і спецыі заўсёды будуць на стале. Наогул, стараемся задаволіць густ любога наведвальніка. Напрыклад, тыя ж варэнікі могуць быць не толькі з самым разнастайным начыннем, але і па-рознаму прыгатаваныя: паравыя, смажаныя, вараныя — як душа пажадае. Хочаце кваску альбо кампоту? Таксама калі ласка. А ў халодную пару года будзем варыць глінтвейн.

    трон1

    — Зразумела, што кухня адметная. Што гэтаму садзейнічае?

    — Закуплена новае французскае, італьянскае абсталяванне, і гэта дазваляе не толькі без праблем захоўваць санітарныя нормы, але і рыхтаваць, напрыклад, піцу. Немалое значэнне, мяркую, мае прафесіяналізм каманды. Шэф-повара, напрыклад, запрасілі са сталіцы. Ён, дарэчы, удзельнік Першай кулінарнай школы “Oede”. Спадзяюся, што сакрэтамі майстэрства, якіх у яго нямала, падзеліцца і з другімі “тронаўцамі”.

    трон6

    — Які рэжым работы мае ўстанова?

    — Працуем штодня з 12 да 24 гадзін, а ў пятніцу, суботу і нядзелю — да трох ночы. Перапынку на абед няма. “Трон” ніколі не будзе зачыняцца на спецабслугоўванне: калі чалавек вырашыў паабедаць у нас, у яго гэтая магчымасць абавязкова павінна быць.

    трон2

    — Месцазнаходжанне більярд-бара вельмі зручнае…

    — І гэтым абавязкова скарыстаемся. Паставім на цёплы сезон вынасныя столікі, каб тыя ж матулі, якія гуляюць з дзецьмі побач у парку, маглі прыйсці сюды са сваімі сынамі-дачушкамі і заказаць марожанае, малочны кактэйль альбо ліманад з пірожным, зрабіць прыемны перапынак, адпачываючы ад спёкі. Папрацуем і над дызайнам тэрыторыі.

    трон7

    — А якія яшчэ ёсць планы ў прадпрыемства “ТронГрад”?

    — Марым змяніць “Пралеску” карэнным чынам. Напрыклад, на другім паверсе зрабіць боўлінг, на трэцім — гасцініцу больш як на 30 нумароў. Для гэтага трэба правесці адпаведную экспертызу. Хацелася б, каб “Пралеска” стала своеасаблівым цэнтрам, дзе можна і спыніцца, і цікава правесці час. Словам, каб наш горад стаў яшчэ больш гасцінным і прывабным.

    Гутарыла Валянціна КОРБАЛЬ.

    5 КОММЕНТАРИИ

    1. Знакомые собирались там юбилей праздновать, говорили, что оччень дорого, но раз в жизни можно себе позволить

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Ирина Курочкина вышла в финал Олимпиады в турнире по женской борьбе

    Белоруска с самого начала захватила инициативу и перевала соперницу в партер. Заработав за это действие два балла, она продолжила беспокоить соперницу. После перерыва рисунок поединка...

    Роман Головченко побывал в Осиповичском районе

    Сёння Прэм’ер-міністр Рэспублікі Беларусь Раман Галоўчанка з рабочай паездкай пабываў у Магілёўскай вобласці. Пасля візіту на бабруйскае ААТ “Белшына”, дзе адбылося знаёмства з вытворчасцю, перспектывамі развіцця прадпрыемства і ходам рэалізацыі буйных інвестыцыйных праектаў,  кіраўнік урада наведаў Асіповіччыну.

    В Осиповичах прошло заседание районного родительского актива

    30  июля 2021года  на базе отдела по образованию Осиповичского райисполкома состоялось заседание районного родительского актива. Основной целью данного мероприятия было доведение до родительской общественности обстановки в части гибели и травматизма детей от внешних причин, повышение уровня грамотности родителей в вопросах безопасной жизнедеятельности, профилактики противоправного поведения детей и подростков.

    Белоруска Ирина Курочкина вышла в полуфинал Олимпиады

    В четвертьфинале спортсменка из Бобруйска, выступающая в весовой категории 57 кг, победила россиянку Валерию Коблову. Схватка проходила с переменным успехом. Обоюдные шансы на успех были как у одной, так и другой спортсменки, однако более рачительно ими распорядилась белоруска - 6:3.

    Поездка без прав теперь может обернуться уголовной ответственностью

    С 19 июня 2021 года в силу вступили изменения в Уголовный кодекс Республики Беларусь. Среди прочих изменений есть и те, которые касаются водителей. В частности, в кодексе для бесправников-рецидивистов появилась новая статья 317-2 «Управление транспортным средством лицом, не имеющим права управления». До недавнего времени за это деяние была предусмотрена только административная ответственность.