12 C
Осиповичи
Понедельник, 14 июня, 2021
Еще

    Масленічныя гулянні на Асіповіччыне

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!
    “Наша Масленіца гадавая,
    Яна госцейка дарагая,
    Яна пешшу к нам не ходзіць,
    А на коніках раз’язджае…”

    Такія словы можна было пачуць у выхадныя ў розных куточках раёна. Палыхалі вогнішчы, у паветры вітаў пах свежых бліноў, раздаваліся вясёлы смех ды прыгожыя народныя песні. Народ святкаваў Масленіцу, якая служыць пераходным этапам паміж зімой і летам. Сёлета прыпала яна якраз на першыя веснавыя дні — нездарма ж сімвал гэтага свята блін, які нагадвае сонейка.

    Раённае свята прайшло ў Ялізаве. На плошчы каля Дома культуры яблыку не было дзе ўпасці: сабраліся і жыхары пасёлка, і навакольных паселішчаў, і госці з райцэнтра. Паглядзець было на што, але не толькі паглядзець жадалі ўдзельнікі. Ды і як застанешся ўбаку, калі разыгрываліся такія прызы?! Можна было папоўніць хатнюю гаспадарку якой-небудзь патрэбнай рэччу і нават закінуць ва ўласны хляўчук выйгранага парсючка ці, скажам, пеўня. Бяспройгрышная латарэя прайшла на “ўра”: больш за 60 білетаў раскупілі ў імгненне вока! А самыя моцныя ды заўзятыя дзецюкі маглі і на слуп за падарункам злазіць — на тое яно і свята!

    maslenica

    Кожны меў магчымасць падабраць занятак па душы. Шматлікія конкурсы, гульні, катанне на конях прыйшліся даспадобы дзецям і моладзі. Можна было пашпацыраваць на хадулях, пазмагацца… на падушках, прадэманстраваць уменне пілаваць дровы. Хтосьці “рабіў рэвізію” прапанаваных выязным гандлем тавараў, другія зрабілі акцэнт на канцэрце вядомых у раёне артыстаў з Вязаўніцкай і Ліпенскай устаноў культуры, народнага калектыву “Дзівакі” ды мясцовых спевакоў.

    Больш за чатыры гадзіны доўжылася вяселле, але і пасля не разышліся адразу пасялкоўцы дадому: моладзь засталася таньчыць на дыскатэцы…

    Пакінем жа яе весяліцца, а самі перанясёмся да раённай паліклінікі. Тут сабраліся прадстаўнікі ветэранскай арганізацыі ЦРБ “Серабрысты ландыш”, да якіх далучыліся “калегі” з дахавага завода і педагогі. Яны добра памятаюць, як святкавалася Масленіца ў дні іх дзяцінства, таму песні ліліся ракой, а разам з імі — гарэзлівыя прыпеўкі, загадкі, прыказкі. На тое яна і вусная народная творчасць, каб перадавацца з пакалення ў пакаленне! І, канечне ж, ярка гарэла пудзіла Масленіцы. З якім разам удзельнікі свята на кастры ў думках спалілі ўсе адмоўныя падзеі і здарэнні мінулага года, каб новы сельскагаспадарчы год, які пачынаецца вясной, прынёс з сабой толькі добрае.

    maslenica

    Парадаваліся прыходу вясны і ў спецшколе-інтэрнаце. На ганку з’явіліся вясёлыя скамарохі, а затым рахманая Масленіца — яны павіншавалі дзяцей. А потым былі вясёлыя гульні ды спаборніцтвы, падчас якіх хлопчыкі і дзяўчынкі змаглі паказаць свае ўменні і спрыт.

    Нядоўга пастаяўшы ля вогнішча, усе паспяшаліся да ганка, адкуль нёсся духмяны пах цёплых бліноў. Да гэтай неад’емнай масленічнай стравы прыступілі з вялікай ахвотай. І якія ж смачныя былі тыя бліны, па-майстэрску вырабленыя школьнымі паварамі! І пышныя з маслам, і тонкія наліснікі з мёдам — на любы густ. А яшчэ смачны гарачы чай…

    Частавалі блінамі і прыхаджан Крыжаўздзвіжанскага храма. Выхаванцы нядзельнай школы пагулялі ў народныя гульні, павадзілі карагоды, развіталіся з зімой, каб з надзеяй і верай сустрэць цудоўную веснавую пару, якая прынясе абнаўленне і радасць у жыццё.

    Падобныя святкаванні адбыліся і ў іншых месцах раёна. Бліноў наеліся ў гэтыя дні паўсюдна. Але, як сведчыць народная прыказка, “не ўсё кату масленіца, будзе і вялікі пост”. Пачаўся ён у панядзелак, а працягнецца да 19 красавіка.

    Іна ЗАСКЕВІЧ.

    * * *

    Святкаванне Масленіцы ў Цэлі ўжо стала справай традыцыйнай. Звычайна яе арганізоўваюць актывісты клуба, жаночы савет 465 ракетнай брыгады пры падтрымцы камандавання часці.

    …У прызначаны час звонкія пералівы гармоніка і баяна пачалі заклікаць жыхароў да месца гуляння — на пляцоўку перад установай культуры. Народ да палатак, побач з якімі весела дыміліся кастры, сцякаўся дружна. Вядучыя мерапрыемства Святлана Папкоўская, Наталля Дранку і Мікалай Якутовіч, распачынаючы свята, расказалі сабраўшымся аб яго паходжанні. А далей удзельнікаў чакалі шматлікія конкурсы, забавы і, канечне, прызы.

    Бліны падавалі з маслам, варэннем. А выпякалі іх прызнаныя кулінарных спраў майстры Алена Кудзінава і Ганна Касавец. Дарэчы, яны з задавальненнем падзяліліся некаторымі сакрэтамі гэтай простай і смачнай стравы: скавараду лепш браць з патоўшчаным дном, а дабаўленне алею ў цеста дазволіць не змазваць яе тлушчам; некалькі лыжак цукру, усыпаныя ў цеста, зробяць бліны залацістымі і хрусткімі.

    Адметна, што не забывалі жыхары Цэлі ў дзень Даравальнай нядзелі і прасіць прабачэння адзін у аднаго, заверыць у вернасці і сяброўстве.

    Рыгор МАРКУШЫН.

    * * *

    Шумна і весела ў першы дзень вясны прайшло ў Радуцічах свята «Шырокая Масленіца», арганізатарамі якога сумесна з Дараганаўскім сельвыканкамам выступілі работнікі сельскага клуба, бібліятэкі і вучэбна-педагагічнага комплексу.

    Гасцей чакалі некалькі гульнявых пляцовак. Дзіцячую арганізавала настаўніца пачатковых класаў Людміла Мірончык, для больш дарослых удзельнікаў — загадчыца Радуціцкага сельскага клуба Наталля Мельнік і бібліятэкар Вікторыя Паўлава. Для ўсіх наведвальнікаў землякі-вяскоўцы Галіна Усовіч, Соф’я Рэутава, Раіса Васільева напяклі блінцоў, падрыхтавалі духмяны чай.

    maslenica

    Завітаўшыя на мерапрыемства маглі палюбавацца выставай работ прыкладнога мастацтва: выклікалі сапраўднае захапленне вышытыя карціны, пляценне з бісеру, арыгамі. Парадаваў сваім яркім выступленнем і калектыў Дрычынскага сельскага клуба «Вярба».

    А потым прыйшла Вясна-красна. Падаравала прыгожую песню, прапанавала яшчэ раз развітацца з зімою і ўсім разам парадавацца надыходу светлай пары.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.