13.3 C
Осиповичи
Воскресенье, 13 июня, 2021
Еще

    Асіповіцкі будаўнік Віктар Жордачкін жыве са стваральным позіркам на жыццё

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Ва ўсялякія гараскопы Віктар Жордачкін асабліва не верыць, але з некаторымі іх тлумачэннямі згодны. Напрыклад, нарадзіўся ў год Каня, а значыць, чалавек вынослівы і працавіты. І калі быць запрэжаным ён не супраць — прывык шмат чаго на сабе цягнуць, то асядлаць не дазволіць — не такая натура.

    Усё, што зараз мае гэты чалавек — вынік нялёгкай шматгадовай працы. Узгадаваны шматдзетнай    сям’ёю, з дзяцінства ведаў цану дабрабыту і засвоіў: каб штосьці мець, трэба быць актыўным. Можа, таму і сталася так, што дзе б ні працаваў, заўсёды знаходзіўся ў спісе лепшых.

    zhordochkin

    З цягам часу вырашыў паспрабаваць сябе ў самастойнай справе. Цяпер аднайменнае прыватнае прадпрыемства, створанае Жордачкіным у 2004 годзе, займае ўстойлівую пазіцыю, умацаванню якой спрыяў і мінулы год — з’явілася свая база па вуліцы Камуністычнай, а да гэтага даводзілася тэрыторыю арандаваць. Ёсць і ўся неабходная тэхніка для выканання будаўнічых работ. Хаця, калі рэч ідзе пра такое спецыфічнае прыстасаванне, як кран альбо міксер, то яго выгадней узяць у часовае карыстанне, чым набываць сваё. Усяго ў Віктара Іванавіча створана 17 стабільных працоўных месцаў, а калі прыходзіць гарачы сезон, штат павялічваецца. Нярэдка падзарабіць у час канікул выказваюць жаданне студэнты. Ну а тое, што ў пэўнай ступені дэфіцытныя будаўнікі не “ўцякаюць” з фірмы за доўгім рублём у суседнюю краіну, сведчыць пра належныя ўмовы працы і дастойны заробак.

    Дарэчы, будаўніцтва — не першая ніша бізнесу, якую ён асвоіў. Быў час, калі займаўся гандлем, але потым зразумеў, што хочацца чагосьці больш грунтоўнага, каб пакінуць пасля сябе, скажам так, матэрыяльны след. Будаўніцтва якраз і дало магчымасць гэтаму рэалізавацца. Аб’екты, якія ўзводзіла фірма Жордачкіна, ёсць па ўсёй Асіповіччыне. Гэта і шматлікія калгасныя домікі — у Вяззі, Ліпені, Забалацці, Паплавах, Ясені, Грынёўцы — больш за тры дзясяткі, ажыццяўляла брыгада рамонт Дома культуры ў Ясені, дзіцячай школы   мастацтваў у Дараганаве, працаваў у спецшколе. Новая станцыя тэхабслугоўвання па вуліцы Чапаева ў райцэнтры — таксама яго работа.

    Апошнія два гады ў раёне разгорнута маштабнае будаўніцтва ферм — і ад гэтай справы дзяржаўнай важнасці Жордачкін не застаўся ўбаку. Яго брыгада па дагавору субпадраду ўзводзіла даільна-малочныя блокі на фермах у Лучыцах, Краях, дах — у Асаўку. Наогул, прадпрыемства мае неабходныя сертыфікаты на ўсе віды агульнабудаўнічых работ, акрамя спецыялізаваных. Нямала пабудавалі і прыватнага жылля. Каб паставіць дом, напрыклад, плошчай 100-120 квадратаў, трэба каля трох месяцаў.

    Наогул жа, па меркаванні будаўніка, ідэальныя заказы — са стабільным фінансаваннем. Тады работы ўсе выконваюцца планамерна і ў тэрмін. Што тычыцца якасці, то яна, безумоўна, павінна быць на любым аб’екце і пры любых абставінах. І пачуццё, калі разам з пячаткай дзяржтэхнагляду ставіцца якасная кропка ў завяршэнні навабуда, проста незабыўнае: адчуваеш сапраўднае задавальненне ад зробленага.

    У вольны час Віктар Іванавіч звычайна завіхаецца на сваім падворку, у грыбную пару не супраць наведацца ў лес з сабакам. Непагадзь жа на вуліцы для яго сапраўднае выпрабаванне. Ну не любіць чалавек ляжаць на канапе, яму абавязкова патрэбен рух!

    А яшчэ будаўнік Жордачкін не супраць падзяліцца добрым настроем з землякамі: не раз быў у ліку спонсараў на Дзень горада, і вогненнае шоу і феерверк — дастойны падарунак асіпаўчанам. Найчасцей жа матэрыяльна падтрымлівае спартыўныя мерапрыемствы.

    Учора Віктар Іванавіч адзначыў сваё 60-годдзе. Безумоўна, пачуў віншаванні не толькі ад жонкі, дзвюх дачок, сына і чатырох унукаў, але і шматлікіх сяброў і калег. Пры гутарцы падзяліўся, што збіраецца на заслужаны адпачынак — хопіць, маўляў, напрацаваўся. Толькі чамусьці не верыцца, што гэты чалавек зможа без работы — не такая натура…

    Валянціна КОРБАЛЬ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.