3.6 C
Осиповичи
Четверг, 2 декабря, 2021
Еще

    За радком Дырэктывы АСІПОВІЦКІ ЧЫГУНАЧНЫ ВУЗЕЛ: ДА ЗIМЫ — ВА ЎСЕЎЗБРАЕННI

    Популярное

    — Добра
    разумеем, што маразы з усіх запытаюць строга, — расказвае намеснік начальніка
    дыстанцыі пуці Мікалай ПРАТАШЧЫК, — таму рыхтавацца да іспытаў надвор’ем
    распачалі загадзя. Найперш распрацавалі і за-цвердзілі адпаведныя
    мерапрыемствы. Гаспадарка ў нас вялікая і складаная, таму пачалі з праверкі і
    выпраўлення пэўных «хвастоў” на магістральным паветраводзе для абдування
    стрэлачных пераводаў. Зрабілі сярэдні рамонт пуці на ўчастках Слуцк-Калій-3 і
    Калій-3-Калій-1 — замянілі шэраг пераводаў, рэек і драўляных брусоў, уклалі 655
    новых жалезабетонных шпал, два чыгуначныя пераезныя насцілы. Капітальна
    адрамантавалі 4 пераезды і выканалі шэраг іншых працаёмкіх работ: перабралі
    1.688 ізастыкаў, наплавілі 79 крыжавін, прыварылі 3.630 злучальнікаў і г.д.

    Натуральна, не
    забываемся і пра людзей. Напрыклад, капітальна адрамантавалі гараж
    аўтапа-грузчыка, бытоўкі на гаспадарчым двары, станцыі Ялізава і прыпыначным
    пункце Юбілейны, у двух апошніх месцах — яшчэ і кладоўкі. Бягучы рамонт
    кладоўкі зроблены на станцыі Слуцк, фасада бытоўкі — на станцыі Асіповічы, тут
    жа канчаем капрамонт пункта абагрэву. Пера-клалі печы ў бытавых памяшканнях на
    станцыях Тачанка і Нясета.

    Палівам
    забяспечаны цалкам, два снегаачышчальнікі СДПМ і секцыі паўвагонаў
    снегаўборачнай машыны СМ-2 гатовы да работы хоць сёння. Аналагічна — 8 кацельняў,
    якія працуюць на адходах вытворчасці. Дровы таксама нарыхтаваны. Дарэчы,
    леташняе заданне па эканоміі цеплаэнергарэсурсаў калектывам дыстанцыі
    перавыканана — не саступаем пазіцый і сёлета. Пра мыючыя сродкі, спецадзенне і
    абутак і казаць не варта — усё ў наяўнасці. Магу дадаць яшчэ, што пяты год
    запар у нас не зафіксавана выпадкаў прафесійных захворванняў і вытворчага
    траўматызму, у чым немалая заслуга інжынераў па ахове працы Міхаіла Пазнякова і
    Ула-дзіміра Пляшкова.

    — Пашпарты
    гатоўнасці да работы зімой атрымалі яшчэ ў пачатку верасня, — канстатуе
    начальнік тэхаддзела вагоннага дэпо Аляксандр Пятроў, — бо ўсе неабходныя
    работы распачалі загадзя. Камісійна абследавалі будынкі і абсталяванне, склалі
    пералік таго, што трэба выправіць. Агледзелі і абмералі колавыя пары, ролікавыя
    буксы і цялежкі пасажырскіх вагонаў, на ўсіх ПТА стварылі патрэбны тэхналагічны
    запас дэталяў і запчастак. Памяшканне кампрэсарнай ПТА станцыі Калій-3 не
    рамантавалася практычна з 1988 года, таму немалыя сродкі былі ўкладзены ў яго
    капрамонт. Капітальна адрамантавалі тры катлы на ПТА Слуцк, касметычна — усе
    кацельні і бытоўкі аглядчыкаў-рамонтнікаў у парках ПТА станцыі Асіповічы, шмат
    увагі надзялілі і кабелям энергазабеспячэння, і многаму іншаму.

    Як і раней, не
    забываемся працаваць з кадрамі. За студзень-кастрычнік праз ПТА праследавала
    без малога 1,4 мільёна вагонаў, у цэху адчэпачнага рамонту адрамантавалі больш
    за 6,5 тысяч вагонаў беларускай прыпіскі і звыш 8,5 тысяч — па заяўках пабочных
    арганізацый, а з такімі аб’ёмамі без кваліфікаваных спецыя-лістаў справіцца
    нерэальна. Таму багата намаганняў прыклалі для камплектацыі штату аглядчыкаў
    вагонаў, слесараў па рамонту рухомага саставу і электразваршчыкаў.

    — Ужо колькі
    гадоў адпаведныя пашпарты гатоўнасці атрымоўваем своечасова, бо да работы зімой
    пачынаем рыхтавацца з лета, — адзначае галоўны інжынер дыстанцыі сігналізацыі і
    сувязі Iгар Лісічкін. — Тады ж выдаём загад, вызначаем тэрміны выканання і адказных,
    пільна кантралюем ход работ. У лю- дзей ёсць час працаваць спакойна, без
    аніякіх аўралаў і нерваў, таму і робіцца ўсё запланаванае з належнай якасцю.
    Тым больш, што працуюць у дыстанцыі высакакласныя спецыялісты, кожны з якіх
    добра ведае, што ўся дзейнасць накіравана на будаўніцтва і ўтрыманне тэхсродкаў
    аўтаматызацыі, тэлемеханікі і сувязі, якія гарантуюць бяспеку руху цягнікоў,
    пасажыраў і грузаў.

    На двары ХХI
    стагоддзе, і ў нас пастаянна ўкараняецца нешта новае. Да нармальнай жа сустрэчы
    зімы, да прыкладу, праверылі правільнасць і на-дзейнасць зазямлення пастоў ЭЦ,
    дамоў сувязі, радыё, абагрэў 39 падлогавых камер і перагаворных пастоў,
    кабельныя трасы і валаконна-аптычныя лініі сувязі і многае іншае. Правялі
    таксама шэраг рамонт-ных работ, давялі да ладу фідарныя лініі, знешнія
    перагаворныя ўстройствы, гучнагаварыцелі, выканалі мерапрыемствы па абароне ад
    пападання снегу і вільгаці 290 трансфарматарных скрынь, 730 стрэлачных
    электрапрывадаў, 1.300 кабельных муфт, 830 рэлейных і батарэйных шафаў, 200
    дросель-трансфарматараў і г.д. I, канечне, паклапаціліся аб умовах работы
    работнікаў — працаваць жа ў маразы чалавеку значна цяжэй…

    — Традыцыйна
    падрыхтоўку да зімы пачалі з кацельні, — гаворыць інжынер-тэхнолаг
    лакаматыўнага дэпо Аляксандр Iльюшчэня, — якая выпрацоўвае цеплаэнергію не
    толькі на нашы вытворчыя патрэбы, а і грэе вакзал, станцыю, жыллё і іншыя
    будынкі-аб’екты. Каб атрымаць дазвол на яе эксплуатацыю, правялі тэхнічнае
    абслугоўванне газавага абсталявання і агляд з прамыўкай і іспытамі катлоў,
    рэвізію запорнай арматуры, паверку прыбораў КІПіА ўліку цеплаэнергіі, стварылі
    неабходны запас паліва і змазачных матэрыялаў.

    Безумоўна,
    толькі кацельняй не абмежаваліся. Адрамантавана 870 «квадратаў” даху, заменены
    дзве цеплавыя сеткі — 570 пагонных метраў — на ПI-трубы, уцяплілі і правялі
    спецпадрыхтоўку цеплавозаў да маразоў, а з лакаматыўнымі брыгадамі дасканала
    разабраліся з адпаведнай інструкцыяй і дадаткова праінструктавалі кожнага
    наконт эксплуатацыі тэхнікі ў халады. Так што зіму сустрэць гатовы.

    Георгій
    АЛЕЙНIКАЎ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Сергеенко: работа над проектом обновленной Конституции практически подошла к финалу

    Работа над проектом обновленной Конституции практически подошла к финалу, заявил в эфире телеканала "Беларусь 1" глава Администрации Президента Игорь Сергеенко, сообщает БЕЛТА.

    Осиповичской «Люлечке» — 30 лет

    Што такое 30 гадоў для чалавека? Па сутнасці, самы росквіт сіл і магчымасцей. Для творчага калектыву тры дзесяцігоддзі — гэта велізарны адрэзак часу, які складаецца з унушальнага рэпертуару, шырокай гастрольнай геаграфіі і непазбежных пературбацый у калектыве.

    Экспресс-тест на ВИЧ. Где купить в Осиповичах, сколько стоит и прочие актуальные вопросы

    В аптеках представлен широкий ассортимент тестов на разные случаи жизни: на беременность и овуляцию, наличие наркотических средств, глюкозу в крови и даже на коронавирус. Наш сегодняшний герой — экспресс-тест на ВИЧ.

    В прошлом году на ОЗАА стартовал проект «Образ жизни только здоровый»

    Здароўе — гэта тое, пра што часцей успамінаюць, губляючы. І калі яшчэ найлепшы час пра яго падумаць, як не ва ўмовах пандэміі? Прааналізаваць стан здароўя жыхароў Асіповіччыны ў цэлым цяжка: для гэтага трэба сабраць вельмі шмат матэрыялу з розных крыніц.

    ФК “Осиповичи” стал четвертым во второй лиге

    ФК “Осиповичи” стал четвертым во второй лиге, тем самым чуть улучшив прошлогодний результат — пятое место в итоговой таблице. Торжественная церемония награждения футболистов, достигших такого успеха, прошла в ГЦК "Ровесник"