На Беларускай чыгунцы стартаваў эксперымент па падзяленні пасажыраў па «тытунёвай» прыкмеце. Цяпер на некаторыя цягнікі можна будзе набыць білеты ў вагоны для курцоў ці тых, хто тытунь не ўжывае.
«Пытанне дыферэнцыяцыі вагонаў па такім прызнаку актуальнае, — адзначае начальнік вакзала Яўген Селівончык, — улічваючы сусветную тэндэнцыю барацьбы з курэннем. Цяпер у пасажырскіх цягніках дазволена курыць толькі ў тамбурах з процілеглага купэ правадніка боку. У рамках эксперыменту ў тамбурах для некурцоў дэманціраваны попельніцы, устаноўлены ўказальнікі, якія забараняюць «дыміць». Інфармацыя пра забарону курэння будзе перадавацца і па ўнутрыцягніковай сетцы радыёвяшчання, і ў пунктах рэалізацыі білетаў».
Эксперыментам ахоплены цягнікі № 143/144 Магілёў-Мінск, №106/105 Брэст-Мінск, у пачатку лістапада да іх далучацца цягнікі № 95/96 Гомель-Мінск і № 117/118 Віцебск-Мінск. Пры продажы білетаў будзе ўдакладняцца, які вагон пасажыр выбірае. Кошт за праезд мяняцца не будзе.
Эксперымент цягнецца да канца месяца, і па яго выніках будзе прынята рашэнне, распаўсюджваць такое падзяленне ці не.
Array
