14.5 C
Осиповичи
Четверг, 5 августа, 2021
Еще

    Падмурак для жыцця надзейны

    Популярное

    У Каўгарах
    зараз пражывае 338 чалавек. Многа гэта ці мала? Залежыць, з якога ракурсу
    глядзець. Калі ўзяць у разлік, што, напрыклад, у 1897 годзе ў мясцовым
    фальварку налічвалася толькі 17 жыхароў, а ў 1909 — 28, то, несумненна, шмат. А
    калі параўнаць з не такім далёкім 2001 годам, калі ў спісе значылася 448
    дарослых і дзяцей, то зніжэнне колькасці насельніцтва праследжваецца выразна.

    Тым не менш,
    Каўгары, як і іншыя аграгарадкі, маюць права на перспектывы. Яны ў пэўнай
    ступені залежаць ад мясцовага сельгаспрадпрыемства, якое тут «цэнтр сусвету”.
    Зараз у СВК «Калгас «Каўгарскі” працуе амаль паўтары сотні чалавек. Яшчэ адно
    вытворчае прадпрыемства, якое дазваляе двум дзясяткам мясцовых жыхароў мець
    стабільны заробак — ТАА «Брасвіл”, дзе выпускаюцца аўтакасметыка і тэхнічныя
    вадкасці для абслугоўвання аўтамабіляў.

    Сям’я Дубовік
    з шэрагу тых, што даюць надзею на паспяховую будучыню вёскі. Як з’явіліся ў іх
    мясцовыя карані? Некалі пасля заканчэння сельгасакадэміі ў Радуцічы накіравалі
    эканаміста Наталлю. Малады спецыяліст уладкавалася на работу ў калгас імя
    Ульянава, жыла на кватэры, а насупраць была дачная сядзіба жыхароў райцэнтра.
    Лёс распарадзіўся, каб Наталля і суседскі хлопец Уладзімір пазнаёміліся…

    Чым могуць
    ганарыцца Каўгары, дык гэта калгаснымі домікамі, якіх тут паўтара дзясятка. У
    адным зараз і жывуць Дубовікі. Мама працуе галоўным эканамістам у калгасе, тата
    выконвае абавязкі начальніка пажарнага паста ў Каўгарах, а дачушка Настасся
    пакуль наведвае дзіцячы сад і актыўна рыхтуецца стаць у будучым годзе
    першакласніцай.

    У доме
    Дубовікаў утульна, ён мала чым адрозніваецца ад гарадской кватэры. Хіба што
    відам з акна, за якім прагледжваецца далёкі прастор. Агарод не сказаць, каб
    вялікі, але для рэалізацыі ўласных аграрных планаў месца хапае. Дарэчы, зямля
    для Наталлі мае важнае значэнне. Гаспадыня любіць завіхацца на градах,
    вырошчвае свае памідоры, клубніцы. Сёлета парадавалі кавуны, насенне якіх
    заказвалі па пошце. У якасці эксперыменту ў гэтым годзе пасадзілі персікі —
    ёсць гатункі, якія і ў нашых кліматычных умовах могуць выспяваць. Гэта ж
    сапраўднае задавальненне — бачыць, як пасаджанае табой насенне набірае рост і
    сілу, цвіце і дае плады. Без-умоўна, тонка адчуваць такую стваральную радасць
    дадзена не кожнаму. Наталля з катэгорыі людзей, у якіх трывалая ўзаемасувязь з
    зямлёю.

    Ці не бывае
    сумна ў вёсцы доўгімі восеньскімі і зімовымі вечарамі? Па-першае, жанчыне, якая
    цэлы дзень на рабоце і мае сям’ю, няма калі сумаваць, каб нават і хацела:
    чакаюць хатнія клопаты, трэба з дамашнімі пагутарыць, спланаваць-падрыхтавацца
    да заўтрашняга дня. Заўсёды знойдзе сабе занятак і гаспадар, які ўважліва
    ставіцца і да сям’і, і да сядзібы. А Уладзімір якраз так і характарызуецца.

    Што можа
    выступаць у якасці плюсаў пры выбары для жыцця такой вёскі, як Каўгары?
    Аргументаў знойдзецца нямала. Праўда, справядлівасці дзеля трэба адзначыць, што
    многія з іх існуюць толькі ў цеснай звязцы з суседнім Дараганавым: чыгунка,
    бальніца, аптэка, комплексна-прыёмны пункт КБА, вучэбна-педагагічны комплекс…
    Сюды арганізаваны падвоз да-школьнікаў і вучняў на аўтобусе, таму можна быць
    спакойным, што дзіця забяруць і даставяць дадому.

    Каўгарцы маюць
    падставы хваліцца і сваім клубам, які арганізуе розныя мерапрыемствы, у тым
    ліку і такія маштабныя, як «Свята вёскі”, «Масленіца”. У аматараў мастацкай
    сама-дзейнасці ёсць магчымасць наведваць народны ансамбль народнай песні
    «Вяселле”. Запатрабаваная ў вяскоўцаў і бібліятэка. Напрыклад, Наталля часта
    бярэ кнігі не толькі для сябе, але і дзіцячыя часопісы, літаратуру — дачушка Настасся
    любіць, калі ёй чытаюць. Ды і тата не супраць паглыбіцца ў які-небудзь дэтэктыўны
    сюжэт.

    Мінусы? Без
    іх, на жаль, таксама не абыходзіцца: не вельмі добрыя, асабліва ў слотнае
    надвор’е, дарогі, бо заасфальтаваны не ўсе вуліцы, адсутнічае цэнтральны
    газаправод. У цэлым жа жывецца каўгарцам не горш, чым у іншых населеных
    пунктах.

    Дубовікі не
    лічаць, што ім не пашанцавала з Каўгарамі — тут ёсць аснова, каб трывала
    будаваць сваё жыццё. Ну а яго камфорт і ўтульнасць — справа рук кожнай асобнай
    сям’і.

    Валянціна
    КОРБАЛЬ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Ирина Курочкина вышла в финал Олимпиады в турнире по женской борьбе

    Белоруска с самого начала захватила инициативу и перевала соперницу в партер. Заработав за это действие два балла, она продолжила беспокоить соперницу. После перерыва рисунок поединка...

    Роман Головченко побывал в Осиповичском районе

    Сёння Прэм’ер-міністр Рэспублікі Беларусь Раман Галоўчанка з рабочай паездкай пабываў у Магілёўскай вобласці. Пасля візіту на бабруйскае ААТ “Белшына”, дзе адбылося знаёмства з вытворчасцю, перспектывамі развіцця прадпрыемства і ходам рэалізацыі буйных інвестыцыйных праектаў,  кіраўнік урада наведаў Асіповіччыну.

    В Осиповичах прошло заседание районного родительского актива

    30  июля 2021года  на базе отдела по образованию Осиповичского райисполкома состоялось заседание районного родительского актива. Основной целью данного мероприятия было доведение до родительской общественности обстановки в части гибели и травматизма детей от внешних причин, повышение уровня грамотности родителей в вопросах безопасной жизнедеятельности, профилактики противоправного поведения детей и подростков.

    Белоруска Ирина Курочкина вышла в полуфинал Олимпиады

    В четвертьфинале спортсменка из Бобруйска, выступающая в весовой категории 57 кг, победила россиянку Валерию Коблову. Схватка проходила с переменным успехом. Обоюдные шансы на успех были как у одной, так и другой спортсменки, однако более рачительно ими распорядилась белоруска - 6:3.

    Поездка без прав теперь может обернуться уголовной ответственностью

    С 19 июня 2021 года в силу вступили изменения в Уголовный кодекс Республики Беларусь. Среди прочих изменений есть и те, которые касаются водителей. В частности, в кодексе для бесправников-рецидивистов появилась новая статья 317-2 «Управление транспортным средством лицом, не имеющим права управления». До недавнего времени за это деяние была предусмотрена только административная ответственность.