3.6 C
Осиповичи
Четверг, 2 декабря, 2021
Еще

    Мікратапаніміка Асіповіччыны. Далучайцеся да добрай справы!

    Популярное

    У спадчыну ад
    мінулых пакаленняў нам дасталася вялізарная колькасць назваў населеных пунктаў,
    рэк, азёраў, палёў, сенажацяў, урочышчаў і іншых геаграфічных аб’ектаў. Бадай,
    не знойдзеш аніводнай народнай назвы, якая б узнікла выпадкова. У кожнага
    наймення свая гісторыя ўзнікнення, даведаўшыся пра якую, пачынаеш лепш разумець
    мінулае, асаблівасці жыцця продкаў, іх звычкі і норавы. Большасць з назваў, на
    жаль, адыходзяць у нябыт. І калі не паспяшацца іх сабраць у адзінае цэлае, то
    знікне той каштоўны гістарычны пласт, без якога цяжка будзе ўявіць
    тагачаснасць.

    Гэта добра
    разумеюць краязнаўцы, сярод якіх многа людзей розных прафесій, у тым ліку і
    моваведаў, географаў, гісторыкаў. Неабыякавымі натурамі багата што зроблена ў
    плане адраджэння нацыянальных традыцый, забытых славутых імёнаў. І добра, што
    даследчыкі мінулага прыцягваюць да карпатлівай работы і малодшае пакаленне —
    студэнтаў, вучняў. Напрыклад, амаль у кожнай школе сабраны багаты матэрыял і па
    геаграфічных назвах, распаўсюджаных на тэрыторыі канкрэтнага сельсавета.

    Сённяшні нумар
    «Скарбніцы” знаёміць са «Слоўнікам мікратапанімічных назваў Дараганаўскага
    сельсавета”. Падрыхтаваны ён вучнямі мясцовай школы разам з былой настаўніцай
    геаграфіі Ганнай Сцяпанаўнай Бародзіч, якія абапіраліся пры даследаванні на
    звесткі, атрыманыя ад доўгажыхароў свайго краю.

    Ад рэдакцыі.
    Кожны з краязнаўцаў, хто ўжо назапасіў такі важкі моўны скарб, можа падзяліцца
    ім з чытачамі «раёнкі”. Дзякуючы гэтаму будзе складзены раённы слоўнік
    мікратапаніміі, які і пакінем у спадчыну нашчадкам.

     

    СЛОЎНІК

    — А —

    1. Абалонне
    (Балоння) — Облонне, заліўны луг каля в. Халькі, в. Радуцічы, в. Сялец

    2. Алейчыкаў —
    Алейчиков, х., па дарозе на в. Камарына, не існуе. 3араз Алея кахання — Аллея
    любви, былы сад в. Каўгары

    3. Аліхаўка —
    Алиховка, зямля в. Краі

    4. Амбар —
    Амбар, мкр-н, в. Птушычы

    5. Амялянаўка —
    Емельяновка, вул. у в. Сялец

    6. Апельня
    (Вапельня) — рускага варыянту няма, зараз на картах абазначаецца як ур. Чырвоны
    вапняк; месца, дзе здабывалі даламіт і вапну

    7. Асавец —
    Осовец, ур. , с.г. угоддзі, в. Птушычы

    8. Асавецкая
    града — Осовецкая гряда, в. Птушычы

    9. Астаўская
    канава — Остовская канава, упадае ў раку Пціч за канюшняй в. Радуцічы

    10. Астравок —
    Островок, у рэчышчы р. Пціч, в. Радуцічы, за новым мастом

    11. Астроўкі —
    Островки, луг справа ад дарогі на ўр. Мяжное на выездзе з в. Слопішчы

    — Б —

    13. Бабровыя
    ямы — Бобровые ямы, месца на р. Пціч у в. Радуцічы на лев. б. р. пасля канюшні

    14. Бабруйская
    — Бобруйская, вул. у в. Дараганава

    15. Базар —
    Базар, мкр-н у в. Дараганава, дзе гандлявалі, недалёка ад спіртбазы

    16. Балота —
    Болото, ур., в. Мязовічы на пн ад дарогі на г.Асіповічы, асушаныя тарфянікі

    17. Барання
    Галава — Баранья Голова, града, зараз ур. Курані

    18. Баранова
    Палянка — Баранова Полянка, каля в. Сялец, поле

    19. Барок —
    Борок, лес, сасн., каля в. Сялец на пр. б. р. Пціч

    20. Берабалах —
    Беробалах, ур. , с.г. угоддзі, справа ад дарогі на в. Мяжное за в. Слопішча

    21. Бернатаў
    мост — Бернатов мост, мост праз канаву Ручэй у в. Лука

    22. Бернатава
    поле — Бернатово поле, поле каля в. Лука

    23. Блізніцы —
    Близницы, рэчышчы р. Пціч у даліне за в. Радуцічы

    24. Бойня —
    Бойня, месца за пякарняй у лесе за в. Дараганава, дзе забівалі БРЖ

    25. Бом — Бом,
    пераход па бярвеннях праз р. Пціч у в. Дараганава, зараз не існуе

    26. Бортнае —
    Бортное, ур., былая в. Бортнае, у студзені 1943 года была знішчана разам з 86
    жых., бр. м., зараз не існуе, на пду ад в. Мяжное

    27. Брадок —
    Бродок, поле злева ад дарогі на в. Камарына з в. Птушычы

    28. Брадок —
    Бродок, недалёка ад в. Радуцічы, дзе калісьці было балота — брод, балота
    знікла, а назва засталася

    29. Брады —
    Броды, лес уздоўж дарогі на в. Краі з в. Востраў

    30. Бурачыхін
    бераг — Бурачихин берег, высокі лев. бераг р. Пціч у в. Дараганава каля былой
    вадакачкі, па прозвішчу жыхаркі, якая жыла побач з ракой

    31. Буслоўка —
    Бусловка, поле каля дарогі на в. Камарына з в. Птушычы, злева

    32. Буцін —
    Бутин, ур. , заб. месца, сенакос, які разме-шчаны паміж в. Дараганава і в.
    Каўгары

    33. Бярозава
    грэбля — Берёзовая гать, месца паміж Асаўцом і Асавецкай градой у в. Птушычы

    34. Бярэзнік —
    Березняк, месца каля в. Краі, дзе шмат бяроз

    — В —

    35. Вадакачка —
    Водокачка, месца на лев. б. р. Пціч у в. Дараганава, дзе раней качалі ваду з
    ракі для запраўкі паравозаў

    36. Валокі —
    Волоки, зямля ў в. Радуцічы паміж вул. Прычапілаўка і калгасным садам

    37. Валугі —
    Валуги, ур. на у ад в. Востраў, там жыў калісьці дзед Валуга. Дзеда даўно няма,
    а назва засталася

    38. Ванючая
    вада — Вонючая вода, ля бяроз, в. Каўгары каля Сядовых

    39. Ваўкаўня —
    Волковня, ур., с.г.угоддз., злева ад дарогі на ўр. Каменка з в. Радуцічы

    40. Ваўчкова
    поле — Волчково поле, былы хутар на пдз ад в. Лука

    41.
    Ветлячэбніца — Ветлечебница, на вул. Бабруйскай у в. Дараганава, зараз не існуе

    42. Ветка —
    Ветка, тупік чыгункі ў в. Дараганава, дзе стаяць эшалоны з абсталяваннем у
    вагонах

    43. Вобестка —
    Вобестка, л.м. на пр. баку дарогі насупраць л.м. Дрывасекі па дарозе на в.
    Камарына

    44. Восець —
    Восеть, месца каля амбара ў в. Птушычы, дзе раней сушылі і церабілі лён

    45. Востраў —
    Остров, в. Дараганаўскага с\с, дв. — 3, жых. — 3

    46. Востраў —
    Остров, ур. , палі, луг, хмызняк, на пнз ад в. Дараганава ў 5-6 км

    47. Востраўка —
    Островка, поле в. Краі

    48. Воўчы Рог —
    Волчий Рог, лес паміж в. Сялец і в. Краі з у

    49. Выган —
    Выгон, луг за в. Слопішча на пд, дзе пасвілі жывёлу

    50. Выган —
    Выгон, месца паміж дарогай на в. Камарына і агародамі в. Птушычы

    51. Вязок —
    Вязок, сенакос у пойме р. Пціч у в. Радуцічы

    52. Вялікі
    Асіннік — Великий Осинник, ур. , луг, лясок на лев. б. р. Пціч насупраць дарогі
    на в. Лука, што блізка прымыкае да яе

     

    — Г —

    53. Галае поле
    — Голое поле, ур. на з у 2 км ад в. Каўгары да в. Краі, поле, акружанае лесам,
    а на самім полі аніводнага дрэўца, за што і назвалі яго голым

    54. Галасніўка
    — Голоснивка, сенакос на пр. б. р. Пціч каля в. Сялец

    55. Галынск —
    Голынск, ур., сасн. лес каля ўр. Востраў недалёка ад в. Дараганава

    56.
    Ганчароўшчына — Гончаровщина, ур. на пдз ад в. Лука

    57. Глінішча —
    Глинивье, месца, дзе капалі гліну ў в. Сялец, в. Радуцічы

    58. Гнілы мост
    — Гнилой мост, назва пайшла з-за моста, які згніў у в. Радуцічы насупраць жыв.
    дв. Тое месца і называюць Гнілы мост

    59. Гніляк (
    Гнілек) — Гниляк, балоцістае месца ўздоўж пр. і лев. б. р. Пціч паміж в.
    Камарына, Сялец, Краі

    60. Голень —
    Голень, ур., с. г. угоддзі з прав. боку дарогі на в. Мязовічы насупраць в.
    Крынка

    61. Гумно —
    Гумно, месца ў в. Птушычы ў мкр-не Амбара

    62. Гуртавае
    балота — Гуртовое болото, каля ўр. Мачынск

    63. Горкі —
    Горки, поле за дарогай ад в. Птушычы на могілкі

    64. Грабнік —
    Грабник, месца ў пойме р. Пціч ля в. Сялец, дзе нарыхтоўвалі колле

    65. Градкі —
    Грядки, сенакос у пойме р. Пціч в. Птушычы

    66. Грады —
    Гряды, добрыя землі ў в. Сялец, якія дзялілі на грады

    67.
    Гудвіловічаў — Гудвиловичев, х., каля в. Востраў, зараз не існуе

    68. Гуменцы —
    Гуменцы, зямля каля в. Радуцічы злева ад пачатку дарогі на в. Лука

    69. Гуцікава —
    Гутиково, сенакос у пойме р. Пціч на пдз ад в. Слопішча

    — Д —

    70. Даліна —
    Долина, ур. в. Краі

    71. ”Даліна
    кахання” — «Долина любви», месца на р. Пціч у в. Дараганава паміж
    старым насыпам і чыг. мостам у 70-80 гг.

    72. Данілаў Рог
    — Данилов Рог, сенакос каля р. Пціч у в. Халькі

    73. Дараганава
    — Дараганово, в., былое мястэчка да пачатку ВАВ, цэнтр с/с, 199 дв. , 382 ж.,
    чыг. ст., п/а, б-ца, апт., б-ка, лясн., СШ, дз/с, маг. — 2, 3 бр. м.

    74. Длінныя —
    Длинные, уч-к поля ў в. Каўгары да ўр. Галае, поле даўжынёй больш за 1 км

    75. Дубовы
    лясок — Дубовый лесок, каля в. Краі

    76. Дубы —
    Дубы, лев. б.р. Пціч насупраць былой школы — інтэрната, з. а. у в. Дараганава

    77. Дрындзікаў
    — Дрындиков, х., каля в. Лука, зараз не існуе

    — Дз —

    78. Дзікае
    балота — Дикое болото, за Прыбарам у в. Раду-цічы, не зарастае

    79. Дземенка —
    Деменка, былы Кулевічаў х., у р-не ўпадзення р. Ржаўка ў р. Пціч

    80. Дземенскі
    мост — Деменский мост, былы Кулевічаў мост праз р. Пціч на дарозе на ўр. Мяжное
    з в. Слопішча

    81. Дзербінкі —
    Дербинки, ур. паміж садам в. Радуцічы і ўр. Крапчын

    82. Дзетдом —
    Детдом, мкр-н в. Дараганава, былая шк.-інт., зараз б-ца і корпус Дараганаўскай
    СШ

    83.
    Дзетдомаўскі бераг — Детдомовский берег, лев. б. р. Пціч насупраць былога
    дзіцячага дома ў в. Дараганава, з.а.

    84.Дзядзебля —
    Дедебля, канава ў в. Птушычы каля р. Пціч

    — Ж —

    85. Жоўты брод
    — Желтый брод, месца ў нізіне па дарозе з в. Краі да в. Майсеевічы, дзе бралі
    жоўты пясок

    86. Жытнікава —
    Житниково, узв. асушаная частка ўр. Мачынск

    — З —

    87. Забалацце —
    Заболотье, нізкае месца паміж в. Каўгары, в. Халькі і в. Ульянаўка, каля канавы

    88. Заброддзе —
    Забродье, месца каля в. Птушычы

    89. Завалле —
    Завалье, лес, каля в. Краі

    90. Завойня —
    Завойня, выгіб р. Пціч у в. Дараганава каля дома А.Мальца

    91. Завулак —
    Заулок, вул. у в. Халькі

    92. Загар —
    Загар, поле ў в. Каўгары ад Міхадзюка Г.

    93. Заградка —
    Заградка, землі, якія размешчаны паміж дзвюма дарогамі на в. Слопішча з в.
    Радуцічы

    94. Загарадком
    — Загарадком, с.г. угоддзі за ф. у в. Радуцічы

    95. За дарогай
    — За дорогой, ур., с.г.угоддзі за дарогай Дараганава-Крынка насупраць в.
    Камарына

    96. Зайцава
    паляна — Зайцева поляна, палянка паміж балацянкамі ў в. Птушычы

    97. За каналам
    — За каналом, л.м. балоцісты, на пну ад в. Камарына

    98. Залессе —
    Залесье, в. Краі

    99. За лугам —
    За лугом, поле ў в. Краі

    100. Залужжа —
    Залужье, в. Краі

    101. Замасточча
    — Замосточье, ур. на у ад в. Мязовічы

    102. Замена —
    Замена, частка ўр. Сялец, што на дарозе з в. Слопішча на в. Лука

    103. За мхом —
    За мхом, частка ўр. Славішчы, што справа па дарозе ад в. Слопішчы на Луку

    104. За новай
    дарогай — За новой дорогой, землі да моста і дома Цішкевіч у в. Каўгары

    105. Зарэчча —
    Заречье, поле паміж в. Дараганава і в. Радуцічы

    106. За садамі
    — За садами, л.м.на з ад в. Камарына

    107. Заўманаў —
    Залманов, х. за Лашыцкім х. у Дараганаве, зараз не існуе

    108. Земшчына —
    Земщина, ур. на лев. б. р. Пціч перад упадзеннем р. Ржаўкі ў р. Пціч, калісьці
    там жыў служылы пана Дарагана — Земскі, ад таго і пайшла назва — Земшчына

    109. Зімнік —
    Зимник, месца каля в. Востраў па дарозе з в. Краі

    — I —

    110. Іванішын
    гай — Иванишина роща, Краяўскі лес

    111. Іардань —
    Иордань, руч. каля р. Пціч у былым санаторыі каля былой часоўні, «прорубь” (в
    русском — иордань)

    112. Іжары
    (Выжары) — Ижоры, ур., с.г. угоддзі на у ад в. Камарына

    (Працяг будзе)

    Спіс
    скарачэнняў, умоўных абазначэнняў, сімвалаў: апт. — аптэка; б — бераг; бал. —
    балота; б-ка — бібліятэка; бр.м. — брацкая магіла; БРЖ — буйная рагатая жывёла;
    б-ца — бальніца; в — вёска; ВАВ — Вялікая Айчынная вайна; вул. — вуліца; г —
    год; гг — гады; д — дом; дар. — дарога; дв. — двор; дз/с — дзіцячы садок; ж —
    жыхары; з — захад; з.а. — зона адпачынку; км — кіламетр; к-с — калгас; лев. б.
    — левы бераг; л.м. — лясны масіў; лясн. — лясніцтва; маг. — магазін; мкр-н. —
    мікрараён; п/а — паштовае аддзяленне; пас. — пасёлак; пд — поўдзень; пдз —
    паўднёвы захад; пду — паўднёвы ўсход; пн — поўнач; пнз — паўночны захад; пну —
    паўночны ўсход; пр. — правы; р. — рака; р-н — раён; руч. — ручай; сасн. —
    сасновы; с.г. — сельскагаспадарчы; с/с — сельскі савет; ст. — стагоддзе; СШ —
    сярэдняя школа; ур. — урочышча; уч. — участак; ф — ферма; х — хутар; чыг. —
    чыгунка; чыг. ст. — чыгуначная станцыя

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Сергеенко: работа над проектом обновленной Конституции практически подошла к финалу

    Работа над проектом обновленной Конституции практически подошла к финалу, заявил в эфире телеканала "Беларусь 1" глава Администрации Президента Игорь Сергеенко, сообщает БЕЛТА.

    Осиповичской «Люлечке» — 30 лет

    Што такое 30 гадоў для чалавека? Па сутнасці, самы росквіт сіл і магчымасцей. Для творчага калектыву тры дзесяцігоддзі — гэта велізарны адрэзак часу, які складаецца з унушальнага рэпертуару, шырокай гастрольнай геаграфіі і непазбежных пературбацый у калектыве.

    Экспресс-тест на ВИЧ. Где купить в Осиповичах, сколько стоит и прочие актуальные вопросы

    В аптеках представлен широкий ассортимент тестов на разные случаи жизни: на беременность и овуляцию, наличие наркотических средств, глюкозу в крови и даже на коронавирус. Наш сегодняшний герой — экспресс-тест на ВИЧ.

    В прошлом году на ОЗАА стартовал проект «Образ жизни только здоровый»

    Здароўе — гэта тое, пра што часцей успамінаюць, губляючы. І калі яшчэ найлепшы час пра яго падумаць, як не ва ўмовах пандэміі? Прааналізаваць стан здароўя жыхароў Асіповіччыны ў цэлым цяжка: для гэтага трэба сабраць вельмі шмат матэрыялу з розных крыніц.

    ФК “Осиповичи” стал четвертым во второй лиге

    ФК “Осиповичи” стал четвертым во второй лиге, тем самым чуть улучшив прошлогодний результат — пятое место в итоговой таблице. Торжественная церемония награждения футболистов, достигших такого успеха, прошла в ГЦК "Ровесник"