12.8 C
Осиповичи
Пятница, 16 апреля, 2021
Еще

    3 снежня — Міжнародны дзень інвалідаў Адзінае на Магілёўшчыне

    Популярное

    Людзям, якія маюць пэўныя абмежаванні па стану здароўя, вельмі
    цяжка знайсці работу, таму добра, што ў горадзе створана УВП «Тэхпрам»
    Магілёўскай абласной арганізацыі грамадскага аб’яднання інвалідаў. Функцыянуе прадпрыемства
    з 1996 года, займаецца пашывам спецыяльнага адзення, форменнага адзення пад заказ,
    турыстычнага рыштунку.

    …На ўчастку дзелавіта стракочуць швейныя машынкі. Працаўніцы
    напрактыкаванымі рухамі падганяюць дэталі, замацоўваюць злучэнне швом. Працуюць
    з жартамі і смехам. Дарэчы, шыюць не толькі жанчыны. Заўважаю прадстаўніка моцнага
    полу, які раскладае дэталі крою на стале. Рэйс Ямалдзінаў — былы экскаватаршчык,
    сам адрэгуляваў машынку для ўласнай зручнасці і выдатна спраўляецца з «жаночай»
    работай.

    Наогул на прадпрыемстве працуюць 47 чалавек, з іх 11 — мужчыны.
    Большая частка рабочых мае групу інваліднасці, для іх падбіраецца пасільная нагрузка.
    Каля 90 працэнтаў робіць на пашыве, ёсць участкі вырабу рытуальнай прадукцыі і нават
    па нарыхтоўцы венікаў.

    Асіповіцкія швачкі «апранаюць» амаль усю краіну. Заказваюць
    форменнае адзенне тут Міністэрства па надзвычайных сітуацыях, інспекцыя прыродных
    рэсурсаў і аховы навакольнага асяроддзя, завод «Атлант». Мясцовых працаўнікоў
    забяспечваюць спецадзеннем у поўным аб’ёме. У складзе гатовай прадукцыі можна заўважыць
    курткі з надпісам «Райсервис», «Стеклозавод «Елизово»,
    «ДРСУ № 199», «Сонца»…

    Тэхнолаг-закройшчык Жанна Ніамедзі дэманструе адзенне, тлумачыць,
    што дызайн распрацоўваецца сумесна з кіраўніцтвам заказчыкаў. Клапоцяцца, каб формы
    розніліся, мелі адметны знешні выгляд. Адзенне шыецца на ўсе поры года: і лёгкае
    летняе, і што сагравае ў суровы зімовы дзень. Улічваюцца асаблівасці работы прадпрыемстваў.
    Так, дарожнікі, камунальнікі, леснікі павінны мець больш цёплую вопратку, чым тыя,
    каму даводзіцца выконваць свае службовыя абавязкі ў памяшканні, якое ацяпляецца.

    Зараз тут самы прадукцыйны час: з верасня па снежань колькасць
    заказаў заўсёды ўзрастае, таму ўсе працуюць напружана. Абсталяванне зручнае, пастаянна
    набываецца штосьці новае. Акрамя швейных, ёсць спецыяльныя машынкі, якія прызначаны
    для выканання пэўнай аперацыі, напрыклад, пяцельныя — для абмёткі пецель.

    З рэалізацыяй рытуальнай прадукцыі крыху цяжэй: у раёне сур’ёзная
    канкурэнцыя. Але кіраўніцтва знаходзіць іншыя рынкі збыту: заключае дагаворы з гандлярамі
    Валожына, Клічава, Чэрвеня, іншых райцэнтраў.

    За студзень-верасень тут рэалізавалі прадукцыі на 890 мільёнаў
    рублёў. Працуе «Тэхпрам» з прыбыткам, зарплаты для рэгіёна някепскія.
    Старанная швачка, да прыкладу, атрымлівае больш за 3 мільёны ў месяц. Часта на работу
    прыходзяць людзі, якія не маюць патрэбных навыкаў, — яны на месцы праходзяць навучанне.
    Цякучкі ў калектыве няма, у чым не апошнюю ролю іграе той факт, што адчуваюць сябе
    людзі кам-фортна. Клапоцяцца на прадпрыемстве аб іх здароўі, калі трэба каму на
    кансультацыю да ўрача — і машыну дадуць, і дапамогу акажуць.

     Але не работай адной
    жывуць гэтыя людзі. Стварылі свой танцавальны калектыў пад кіраўніцтвам Таццяны
    Зінавенка і ўмацоў-ваюць здароўе з дапамогай рытмічных рухаў. З яркімі музычнымі
    нумарамі выступалі не толькі ў родным горадзе, але і за яго межамі. Аб удалым удзеле
    ў фестывалі «Славянскі базар» нагадвае фотаздымак, на якім занатаваны
    момант атрымання Дыплома I ступені з рук народнага артыста Беларусі Iгара Лучанка.
    Цікава, што ансамбль носіць назву «Какетка», якая не толькі характарызуе
    артыстак, але і адлюстроўвае род іх дзейнасці: какетка — дэталь крою.

    Калі дырэктар Iван Цімчанка расказвае аб калектыве, то адзначае,
    што цудоўна працуюць усе: «Асабліва шчыруюць Ала Юрачкіна, Людвіга Крукоўская,
    Валянціна Кірэйчанка. А без галоўнага бухгалтара Алены Шарамет і намесніка дырэктара
    па вытворчасці Алены Цімчанка наогул як без рук. Вельмі творчы ў нас і вопытны тэхнолаг-закройшчык
    Жанна Ніамедзі».

    Да слова, падобнае прадпрыемства — адзінае ў вобласці. I яно
    і работнікам неабходнае, і спажыўцамі запатрабаванае.

    Iна ЗаскевIч.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Коротко о разном. Осиповичи

    Нацыянальны конкурс “Прадпрымальнік года” стартаваў 1 красавіка. Па выніках конкурсу ў кожнай вобласці і ў горадзе Мінску спецыяльна створаныя аргкамітэты (журы), у склад якіх увойдуць вядомыя прадпрымальнікі і прадстаўнікі органаў дзяржкіравання, вызначаць лепшых бізнесменаў у намінацыях “Паспяховы старт”, “Стабільны поспех” (дапускаецца ўдзел буйных прадпрыемстваў),

    РГОО «Белорусское общество охотников и рыболовов» с 16 по 24 апреля проводит акцию «Чистый водоем»

    Мероприятие проходит с 2014 года и направлено на экологическое воспитание всех слоев населения, привлечение внимания к проблеме загрязнения водоемов, а также на приведение в порядок прибрежной зоны водоемов и водотоков накануне открытия сезона массового активного отдыха на природе.

    Новая веха в жизни Осиповичского района

    На днях районный исполнительный комитет, районное объединение организаций профсоюзов и объединение промышленников и предпринимателей, руководствуясь интересами населения и в целях создания на основе принципов социального партнерства необходимых условий для достойного труда, гармоничного развития видов экономической деятельности, на основании Трудового кодекса Республики Беларусь, Указа Президента Республики Беларусь от 15 июля 1995 г. № 278 "О развитии социального партнерства в Республике Беларусь",

    Завтра — республиканский субботник

    Середина апреля на дворе, а значит, самое время повсеместно навести порядок. Приложить руки каждому есть к чему и где. А еще лучше — дружно и вместе, ведь в стране идет Год народного единства. В 2020-м, несмотря на все его сложности,  родной город значительно преобразился и похорошел. Хотелось бы, чтобы благоустройство активно продолжалось и в текущем году — у нас для этого есть немало причин. Ждут обновления и сельские населенные пункты.

    Рассказываем о работе осиповичского ЗЖБК

    Змена майстра ўчастка зборных бетонных вырабаў Андрэя Балоцькі і аператара пульта кіравання Ігара Дзямко вымяраецца не толькі гадзінамі, але і кіламетрамі