17 C
Осиповичи
Среда, 12 мая, 2021
Еще

    Маладзёжны футбол у Асіповічах: перспектывы на будучае

    Популярное

    У
    спецыялізаваным футбольным класе, што дзейнічае на базе СШ № 2, вельмі шчыльны
    рэжым дня. З 7.00 да 18.00 гадзін юнакі спасцігаюць не толькі розныя школьныя
    дысцыпліны, але і становяцца сапраўднымі прафесійнымі ігракамі. На футбольным
    полі праяўляюцца іх характары, фізічная загартоўка, а таксама ўменне быць
    часткай каманды. У Асіповічах рабят, апантаных футболам, вельмі шмат, але не
    так многа тых, хто мае сапраўдны талент, добрае здароўе і жаданне звязаць з
    гэтым відам спорту далейшы лёс. Вопытны трэнер Асіповіцкай ДзЮСШ Аляксандр
    Елізаранка вылучыў такіх хлапчукоў чатыры гады таму. I, як паказаў час, не
    памыліўся — зараз яго выхаванцы паказваюць прыгожы і рэзультатыўны футбол. А
    поспехі каманды — гэта выдатны стымул для юных ігракоў імкнуцца да новых
    вышынь.

    Напачатку
    восені Магілёўская федэрацыя футбола дала старт абласной дзіцячай лізе футбола.
    У сустрэчах прымаюць удзел трынаццаць каманд, размеркаваных на дзве пад-групы,
    якія праводзяць матчы ў два круга. Асіпо-віцкая каманда адразу настроілася на
    рашучую і моцную гульню: у першым этапе яна заявіла аб сабе, як аб сур’ёзным
    саперніку. Не змаглі супрацьстаяць нашым юнакам ні Бабруйск, ні Быхаў, ні
    Круглае, ні Бялынічы, ні Шклоў. I толькі ў другім крузе было зафіксавана дзве
    «нічыі” з Быхавам і Круглым. Такім чынам, Асіпо-вічы занялі лідзіруючае месца ў
    сваёй падгрупе. Аляксандр Мікалаевіч адзначае:

    — Наперадзе ў
    нас стыкавыя гульні з камандай «Тарпеда” (Магілёў), дзе мы будзем змагацца за выхад
    у фінал. Утрымаюся ад прагнозаў, скажу толькі, што мы ўзмоцена рыхтуемся.
    Хлопцы трэні-руюцца штодня, гэтаму спрыяюць надвор’е, настрой і адпаведная
    матывацыя. Няма ніякіх прэтэнзій да Магілёўскай ФФ і кіраўніцтва ДзЮСШ —
    заўсёды прадастаўляецца харчаванне, транспарт, а таксама ў хуткім часе нам
    абяцалі абнавіць спартыўную экіпіроўку.

    Задаволены
    трэнер і сваімі выхаванцамі, асабліва парадавалі яго ў гэтым сезоне Алег
    Гараўскі, Аляксей Сысоеў, Уладзі-слаў Лаціннік, Iлля Старавойтаў, Сяргей
    Барысенка.

    Асіповіцкая
    каманда зараз трэніруецца на стадыёне ФК «Лакаматыў”, аднак у марах рабят —
    пагуляць на прафесійным полі, напрыклад, на «Юнацтве”.

    Адзначу, што
    90% удзельнікаў дзіцячай лігі — выхаванцы спецыялізаваных спартыўных класаў.
    Для падапечных Елізаранкі галоўнае зараз — спалучэнне фізічнай загартоўкі і
    штодзённая шліфоўка сваіх навыкаў. А поспех не прымусіць сябе чакаць. Жадаем
    перамогі нашым рабятам!

    Капітан
    дзіцячай футбольнай каманды, апорны

    паўабаронца
    Сяргей Кіжапкін: «Жыву футболам!”

    — Мой бацька
    заўсёды марыў стаць футбалістам, аднак жыццёвыя абставіны не дазволілі. Гэта ён
    прывёў мяне ў спорт з на-дзеяй, што я змагу ажыццявіць тое, што калісьці не
    атрымалася ў яго, — кажа Сяргей. Хлопцу пятнаццаць, але пасля некалькіх хвілін
    размовы з ім разумееш, чаму менавіта гэты юнак прызначаны капітанам каманды.
    Упэўнены, мэтанакіраваны, сур’ёзны, цалкам захоплены тым, што займае амаль
    увесь яго час — футболам.

    — Калі ёсць у
    камандзе адзінства, яе не так проста перамагчы, — агучвае капітан крэда гарадской
    юнацкай зборнай ДЮСШ. — Мы разам гуляем не першы год, даўно ведаем адзін
    аднаго, сябруем, падтрымліваем, дапамагаем, заўсёды абмяркоўваем разам з
    трэнерам свае памылкі і робім высновы…

    Юны футбаліст
    лічыць, што яны ня-дрэнна пачалі свой чарговы сезон і маюць выдатную магчымасць
    пазмагацца за абсалютную перамогу. Для гэтага па-трэбна шмат працаваць і
    выкладвацца, але цяжкасцей Сяргей і яго сябры не баяцца. Юнакі цвёрда намераны
    дасягнуць сваёй мэты, яны не толькі трэніруюцца тэхнічна, але і спасцігаюць азы
    футбольнай тактыкі. Лічыцца, што граматна спланаваная гульня — 80% поспеху на
    полі.

    — Мы імкнёмся
    гуляць у свой футбол, гнуць сваю лінію і не падстройвацца пад іншых, —
    ад-значае капітан. — У нас існуе ўзаемаразуменне з трэнерам. Аляксандр
    Мікалаевіч заўсёды падтрымлівае, дае парады, дзеліцца вопытам, звяртае ўвагу на
    кожную памылку, аналізуе кожную гульню…

    Сяргей —
    балельшчык іспанскай футбольнай каманды «Барселона”. Паўабаронца «Барсы” —
    Iн’еста Андрэс — для яго эталон і прыклад для пераймання.

    Галоўнае
    жаданне юнака — стаць прафесіяналам і прысвяціць свой далейшы лёс футболу. Для
    гэтага ён прыкладае шмат намаганняў і сіл, але самае галоўнае: у ім адчуваецца
    ўпэўненасць і шчырае жаданне дасягнуць сваёй мары. У яго няма магчымасці
    траціць свой час на камп’ютар альбо бадзянне па гарадскіх вуліцах. Ён ідзе і не
    зварочвае з абранага ім шляху, а гэта сведчыць аб фарміраванні моцнага і
    трывалага характару. I толькі такая спартыўная самадысцыпліна дапамагае нашым
    дзецям станавіцца сапраўднымі пераможцамі.

    Нэлі АСТРЭЙКА.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Лукашенко: пока наше поколение живо, Беларусь всегда будет стоять намертво

    Белорусы никогда не позволят смотреть на свою землю с презрением. Об этом Президент Беларуси Александр Лукашенко заявил сегодня на церемонии возложения венков к монументу Победы по случаю 76-й годовщины Великой Победы.

    Праздник, соединивший скорбь и радость

    Каждый год вместе с нежной листвой и цветением садов на белорусскую землю приходит один из самых важных и масштабных праздников — День Великой Победы. В этом году наша страна встречает 76 мирную весну.

    Гуляюць хлопчыкі ў вайну

    Усё далей ад нас вогненныя саракавыя гады. Ужо не адно пакаленне стаіць паміж тагачаснымі абаронцамі краіны і сённяшнімі школьнікамі. Не расказваюць рабятам дзядулі і бабулі пра вайну, бо самі ведаюць пра яе толькі ад уласных бабуль. А таму не так блізка і востра адчуваюць ужо цяперашнія дзеці боль і горыч страт, цяжар жыцця ў акупацыі, складаныя ўмовы франтавых будняў.

    Моя встреча с Великой Отечественной

    Мне не суждено было пережить годы военного лихолетья: я родился, когда страна занималась мирным строительством, осваивала целину, разведывала недра земли, рвалась в космос. О войне напоминали лишь детские игры да звон боевых наград во время многочисленного шествия воинов-фронтовиков в День Победы.

    К сведению пассажиров

    РАСПИСАНИЕ движения автобусов