0.7 C
Осиповичи
Пятница, 5 марта, 2021
Еще

    7 ліпеня — Дзень кааперацыі Асіповіцкай кааперацыі — жыць!

    Популярное

    Предвыборная программа кандидата в депутаты Натальи Книги

    Предвыборная программа кандидата в депутаты Палаты представителей Национального собрания Республики Беларусь седьмого созыва по Осиповичскому избирательному округу № 89 Книги Натальи Ивановны Работая вместе, сделаем...

    В Осиповичах прошел клуб педагогических встреч

    3 марта в МПЦ «Ровесник» прошел клуб педагогических встреч. Первый заместитель председателя райисполкома Сергей Ананич поздравил женщин-педагогов с наступающим праздником и вручил почетные грамоты и благодарственные письма Осиповичского райисполкома.

    4 марта Осиповичский район посетил помощник Президента — инспектор по Могилевской области Леонид Мартынюк

     Асноўнай мэтай візіту высокай пасадавай асобы была сустрэча з працоўным калектывам  ААТ “Гродзенскі шклозавод” філіяла “Ялізава” . Леанід Аляксеевіч расказаў працаўнікам прадпрыемства аб асноўных пытаннях, якія абмяркоўваліся на шостым Усебеларускім народным сходзе.

    Спажывецкая кааперацыя — вялікае
    структурнае падраздзяленне, на якое ўскладзены няпростыя сацыяльныя задачы:
    забяспечыць гандлёвае абслугоўванне сельскіх жыхароў. За час існавання — а
    мясцовыя кааператары ў верасні-2011 адзначылі 95 гадоў з дня нараджэння —
    арганізацыя перажывала розныя часы, але заўсёды заставалася вернай спажыўцам.
    Тыя на працягу дзесяцігоддзяў аддаюць перавагу гандлёвым кропкам райста, а гэта
    дарагога каштуе: сёння хапае канкурэнтаў, якія ў любы момант гатовы прапанаваць
    свае паслугі. Каб гэтага не здарылася, трэба пастаянна паказваць прыклад
    эфектыўнай работы. Пра гэта і размова са старшынёй праўлення
    райспажыўтаварыства Аляксандрам Ковачам.

    — Асіповіцкая спажывецкая кааперацыя
    стараецца змагацца за кожнага пакупніка, — гаворыць Аляксандр Васільевіч. —
    Нягледзячы на складанасці, у тым ліку павышаны попыт на некаторыя прадукты
    харчавання і тавары крытычнага імпарту, гандаль вырашаў пастаўленыя задачы па
    задавальненні пакупніцкага попыту вяскоўцаў у неабходных таварах і паслугах. У
    цэлым правалаў і дысбалансаванасці не дапушчана, асартымент прадукцыі
    падтрымліваўся. Больш таго: па выніках гаспадарча-фінансавай дзейнасці за
    мінулы год наша райста заняло трэцяе месца сярод падобных арганізацый
    рэспублікі. Ну, а быць у тройцы лепшых хаця пачэсна, але і адказна…

    — Якія крокі прадугледжваюцца, каб
    сістэма працавала рэнтабельна?

    — Трэба павялічваць аб’ёмы дзейнасці
    ўсіх галін. Адзін са шляхоў — ад-крыццё новых прадпрыемстваў. На жаль, апошнім
    часам у нас нічога не з’явілася, аднак узнавілі работу непрацуючых магазінаў у
    вёсках Галынка, Чучча, Смык. У планах — будаўніцтва крамы гандлёвай плошчай у
    100 квадратных метраў па вуліцы Рабінавай, што знаходзіцца ў так званым
    аўтазаводскім мікрараёне. Натуральна, з сучасным тэхналагічным абсталяваннем і
    сістэмай самаабслугоўвання.

    — Ці выконваюцца прагнозныя
    паказчыкі?

    — Па выніках работы за студзень-май
    пакуль што не ўдаецца дасягнуць запаветнай мяжы па рознічнаму тавараабароту
    гандлю і грамадскага харчавання, аб’ёму вытворчасці прамысловых тавараў і
    экспарту прадукцыі. Знізілася ўдзельная вага рэалізацыі нехарчовых тавараў, у
    тым ліку халадзільнікаў, пральных машын, тэлевізараў. Амаль удвая паменшыўся
    продаж будаўнічых матэрыялаў, ювелірных вырабаў.

    — У чым прычыны?

    — Недапрацоўваюць, з-за недахопу
    кадраў, магазіны, размешчаныя ў горадзе. Прафесія прадаўца ў Асіповічах
    запатрабаваная, і нашы патэнцыяльныя прадаўцы спакушаюцца на прапановы другіх
    работадаўцаў. Толькі сёлета адкрыта 4 магазіны «Дабраном”, 2 — Пухавіцкага
    мясакамбіната, куды ўладкаваліся не толькі ўчарашнія выпускніцы каледжаў, але і
    вопытныя прадаўцы, у тым ліку і з нашай сістэмы. Працуе «Еўраопт” з месячным
    абаротам больш за 4 мільярды рублёў, у які прыязджае закупляцца і сельскае
    насельніцтва…

    — Адзін з відаў дзейнасці райста —
    нарыхтоўкі. Як развіваецца гэты накірунак?

    — Нарыхтоўчая дзейнасць прызвана ў
    першую чаргу забраць лішкі сельгаспрадукцыі ў вясковых жыхароў. Наш абавязак —
    своечасова разлічыцца за яе, забяспечыць першасную перапрацоўку, накіраваць
    атрыманае ў кааператыўны гандаль і на экспарт. За 5 месяцаў тэмп росту
    нарыхтоўчага абароту ад насельніцтва склаў 131,4%, яго удзельная вага
    павялічылася на 5,2%. Аднак неабходна аптымізаваць структуру галіны, больш поўна
    асвойваць таварныя рэсурсы, забяспечыць захаванасць прадукцыі і да мінімуму
    звесці страты. Недастаткова нашых тавараў на рынку і непасрэдна ў магазінах.
    Плюс, трэба пастаянна працаваць над нарошчваннем аб’ёмаў экспарту, тым больш,
    што зараз якраз самая спрыяльная пара — поўным ходам ідзе нарыхтоўка грыбоў і
    чарніц. Апошніх прынята ў насельніцтва больш за 50 тон. Штосьці марозім у сябе,
    часткова возім у Бабруйск і Глуск на хладакамбінат. Пачыналі прымаць ягады па
    20 тысяч за кіла-грам, паступова цана зніжалася, у тым ліку і з-за насычанасці
    рынку. Калі летась экспарцёры плацілі за кілаграм 3,5 еўра, то цяпер — амаль
    удвая менш. Адсюль — незадаволенасць насельніцтва, і гэта зразумела: сабіраць
    чарніцы падчас спякоты і назойлівасці розных «пякучых” насякомых складана. Хачу
    выказаць падзяку ўсім, хто, набраўшы свае каштоўныя «літры”, нясе іх менавіта
    нашым нарыхтоўшчыкам.

    — Якая ўвага надаецца мадэрнізацыі і
    аднаўленню матэрыяльна-тэх-нічнай базы?

    — Гандлёвыя кропкі, размешчаныя ў
    аграгарадках, выглядаюць сёння ў асноўным прэзентабельна. У аграгарадку Краснае
    пашыраем гандлёвую пло-шчу, дабудоўваючы яшчэ адзін модуль. Пераабсталюем
    магазін «Кааператар” пад аб’ект грамадскага харчавання, на што плануем
    патраціць каля 200 мільёнаў рублёў. Кафэ «Траўна” здаём у арэнду, і гэта
    таксама прыносіць свае бонусы. Плануем перааснасціць гароднінасховішча. Аднак
    ёсць яшчэ праблемы з магазінамі, дзе ўжо даўно не было капітальнага рамонту.
    Напрыклад, у Градзянцы, Пагарэлым і другіх месцах.

    — Напярэдадні прафесіянальнага свята
    назавеце лепшых?

    — Словы вялікай удзячнасці за
    добрасумленную, плённую працу, якая дапамагае захоўваць лепшыя традыцыі
    спажыўкааперацыі, выказваю загадчыкам магазінаў вёсак Дрычын, Дараганава,
    Каўгары, Пагарэлае Галіне Дубіна, Валянціне Выдровай, Людміле Брыль, Iрыне
    Дарафейчык, крам «Беразі-на” ў Асіповічах і вай-сковай часці Лапічы Святлане
    Хрушчынскай і Ліліі Дударонак, поварам Таццяне Бярозка і Але Цвірко,
    інжынеру-радыёлагу Наталлі Узваравай, прадаўцу аўтамагазіна Валянціне Бізунок,
    начальнікам рознічных гандлёвых участ-каў Валянціне Тагановіч, Вользе Селіванавай
    і другім, ад прафесіяналізму і прадпрымальнасці якіх залежыць ажыццяўленне
    запланаванага. Усім работнікам кааперацыі — здароўя, шчасця, дабрабыту,
    актыўнай дзейнасці, кааператыўнай супольнасці і выдатнага настрою.

    Гутарыла Ніна ВIКТОРЧЫК.

    Реклама

    Последнее

    Учитель изобразительного искусства филиала художественного направления ДШИ № 1 Назар Егоров знает, как стать художником

    Прежде всего, считает педагог, нужно иметь особый взгляд на мир. И это качество, если нет предрасположенности, приобрести не так-то просто. Его отсутствие или, наоборот, наличие у ребенка чувствуется сразу. Один определит узоры, нарисованные на окне морозом, как "стекло стало белым", а другой найдет в рисунке и волшебные цветы, и заметенные снегом леса, и таинственную дорогу.

    С красной повязкой на руке

    Якія абавязкі выконвае дружыннік, Надзея Карнеенка дакладна не ведала, пакуль не сутыкнулася са справай аховы правапарадку

    Лапичский сельсовет. Числа и люди

    Лапичский сельсовет объединяет 28 населенных пунктов, 14 из которых малонаселенные, где проживает менее 10 человек. По состоянию на начало минувшего года численность населения составляет 3 063: 517 детей, 787 пенсионеров и 1 759 граждан трудоспособного возраста; здесь живет 38 многодетных семей и 203, воспитывающих детей до 18 лет.

    Белое золото «Березины-Агро-Люкс»

    Такія сур’ёзныя паказчыкі не з’яўляюцца самі па сабе, а значыць, ёсць прычына. У снежні 2019 года сельгаспрадпрыемства ўзначаліў Рыгор Арцёмаў. Пад пільны позірк новага кіраўніка трапіў увесь калектыў комплексу. Не абышлося і без кадравых перамен. Як вынік — добрыя надоі і рэалізацыя.