Наш адрес: г. Осиповичи, ул. Сумченко, 55.

У асіповіцкім музеі — ручнікі

Опубликовано: Редактор

Четверг, 7.06.2012 17:30. Рубрика: Культура    

У раённым гісторыка-краязнаўчым музеі (вул.
Рабоча-Сялянская) днямі адкрылася выстаўка работ дэкаратыўна-прыкладнога
мастацтва педагога дадатковай адукацыі Цэнтра творчасці дзяцей і моладзі Надзеі
Прышчэпавай. Увазе наведвальнікаў прадстаўлены вышытыя ручнікі, сурвэткі, іншыя
прадметы, выкананыя пры дапамозе іголкі і нітак у розных тэхніках — вышыўка
«крыжыкам”, «гладдзю” і ў «набор”.

Па словах Надзеі Аляксандраўны, падобнае
мерапрыемства — хоць і не першая спроба пазнаёміць асіпаўчан са сваёй творчасцю
(іх можна было ўбачыць у «Горадзе майстроў” падчас правядзення гарадскіх свят),
але надта адказнае і хвалюючае для яе. У кожны выраб укладзена часцінка яе
душы. І ніводзін з іх не падобны адзін на аднаго. Каб атрымалася такая
незвычайная выстаўка, спа-трэбілася 7 гадоў напружанай, цікавай працы, якая і
прынесла цудоўныя вынікі. Дарэчы, многія з экспанатаў прымалі ўдзел у раённых,
абласных і рэспубліканскіх выставах і займалі прызавыя месцы. У экспазіцыі
знаходзяцца работы і яе выхаванцаў, якія дасягнулі пэўных поспехаў, займаючыся
ў гуртку, у тым ліку — і работы з бісера Таццяны Гізбрэхт з Лапіч.

Уважлівыя гледачы звернуць увагу і на той факт,
што ў работах прысутнічаюць не толькі беларускія матывы, але і ўкраін-скія,
таму што рукадзельніца менавіта родам з Украіны. Гэтая дэталь надае вырабам
яшчэ большы каларыт і разнастайнасць. Наогул ад эксклюзіўных, зробленых уручную
рэчаў атрымліваеш масу станоўчых эмоцый. Узнікае жаданне паспрабаваць зрабіць
нешта падобнае. Значыць, мэта выстаўкі дасягнута!

Твитнуть 0

ЭТО ТОЖЕ ИНТЕРЕСНО!

Добавить комментарий

« Прафсаюзнае жыццё Асіповіччыны: калі сэрцы б’юцца ва ўнісон
"Семья-Единение-Отечество" »