19.9 C
Осиповичи
Понедельник, 14 июня, 2021
Еще

    Справа за выкананнем тэхналогій —

    Популярное

    такую
    выснову можна было зрабіць па заканчэнні лютаўскай сельгаснарады з
    абмеркаваннем вынікаў работы ў жывёлагадоўлі. А як інакш можна патлумачыць
    адсутнасць чакаемага «малака-мяса” пры належнай кармавой базе і ветэрынарным
    абслугоўванні?

    З
    мэтай дапамагчы разабрацца ў існуючых жывёлагадоўчых праблемах раён наведаў
    намеснік старшыні аблсельгасхарчу Алег Маслак. Ён пазнаёміў з асноўнымі
    сельскагаспадарчымі паказчыкамі вобласці, па ходу сустрэчы даў нямала дзейсных
    парад.
    Напрыклад, усім гаспадаркам трэба звярнуць большую ўвагу на
    абслугоўванне лінейных малакаправодаў. Пры выкарыстанні даільных апаратаў нават
    ад маленькай дэталі — пульсатара — у многім залежыць, як будзе раздоена карова
    пасля расцёлу. Парушэнне тэхналогіі кармлення кароў у перыяд цельнасці амаль
    заўсёды прыводзіць да цяжкіх ацёлаў і нярэдка — да далейшай страты цялят. Каб
    не псаваць здароўе кароў, важна выкарыстоўваць раскісляльнікі сіласу. Наогул, у
    рабоце з жывёлай дробязей не бывае.

    Практычная частка была праведзена на базе СВК
    «Калгас «Ясень”. «Рэйд” па фермах гаспадаркі паказаў многае, і ўражанне ад яго
    засталося неадназначнае. Сярод станоўчых момантаў — добрая ўкормленасць жывёлы.
    На малочнатаварнай ферме «Матавіла” ад каровы зараз штосуткі атрымліваюць 15
    кіла-грамаў малака, ды і яго якасць тут нядрэнная — 87% пры здачы ідзе гатункам
    «экстра”. Добра вядзецца ў Грынёўцы мясная жывёлагадоўля. Тут утрымліваецца 130
    галоў абердзін-ангусаў, цяляты знаходзяцца разам з каровамі. Адмоўнае на
    ясенскіх фермах — не ўсюды жывёла выдзелена ў групы і вытрымліваюцца
    рацыёны   кармлення, не заўсёды
    паказальна вядзецца дакументацыя, многія каровы не абязрожаны.

    Адной з праблем, узнятых на пленарным
    пасяджэнні, якое прайшло на базе Ясенскага сельскага Дома культуры, была
    захаванасць пагалоўя, невытворчае выбыццё жывёлы. Асабліва значныя прэтэнзіі ў
    гэтым кірунку маюцца да «Карытнага”: з 10 нарадзіўшыхся ў студзені цялят тут 5
    ужо страцілі. Сярэднясутачныя прывагі буйной рагатай жывёлы па раёне ў студзені
    крыху павялічыліся — 617 (+18) грамаў, затое ўсё яшчэ маюць месца нізкія
    прыбаўкі свіней — 347 грамаў (-55). Спецыялісты райсельгасхарчу лічаць, што
    адна з прычын наступная: гаспадаркамі практычна не закупляюцца спецыялізаваныя
    камбікармы для маладняку, і нават калі выкарыстоў-ваецца мука асабістай
    вы-творчасці, то без вітамінна-мінеральных дабавак. Кіраўнікі гаспадарак
    атрымалі заўвагу, што толькі на чвэрць ад патрэбных аб’ёмаў выбрана камбікармоў
    для БРЖ на Бабруйскім КХП. І гэта пры тым, што былі выдаткаваны бюджэтныя
    сродкі!

    У цэлым жа зімоўка прайшла нядрэнна. За 4 месяцы
    стойлавага перыяду да аналагічнага леташняга вытворчасць малака склала 106%,
    рэалізацыя малака — 107,8%, надой на карову — 103%. У студзені «малочная”
    сітуацыя выглядала наступным чынам: больш за іншых малака ад каровы надаілі ў
    філіяле «Белшына-агра” ААТ «Белшына” — 462 кілаграмы (+5), калгасах «Новы шлях”
    — 453 (+94) і «Бярэзіне” — 450 (+44), а самыя непрывабныя лічбы ў калгасе імя
    Чарняхоўскага — 184 (-24) кілаграмы, «Каўгарскім” — 250 (+13), «Лапічах” — 291
    (-8).

    Напрыканцы сустрэчы начальнік райсельгасхарчу
    Міхаіл Поклад паставіў перад кіраўнікамі і спецыялістамі гаспадарак шэраг
    задач. Была звернута ўвага на мэтавае выкарыстанне сродкаў, прызначаных для
    будаўніцтва новых ферм. Ды і трэба мець на ўвазе, што ўжо зусім мала часу
    засталося да яравой сяўбы.

    Валянціна КОРБАЛЬ.

    P.S. Па падведзеных Міністэрствам
    сельскай гаспадаркі і харчавання выніках, у спіс сельскагаспадарчых арганізацый
    з прадукцыйнасцю дойнага статка больш 5.000 кілаграмаў малака ад каровы ў 2011 годзе
    ў ліку 388 лепшых гаспадарак Беларусі 5 — з Асіповіцкага раёна: 169 месца — філіял
    «Белшына-агра” ААТ «Белшына” (5.841 кілаграм); 212 — СВК «Калгас «Новы шлях” —
    (5.620), 232 — ААТ «Асіповічыаграпрамтэхзабеспячэнне” — (5.534); 357 — СВК «Калгас
    «Авангард” — (5.079); 387 — ААТ «Пратасевічы” — (5.000).
    Дзве апошнія гаспадаркі далі найбольшы рост у вытворчасці малакапа 107%.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку