19.9 C
Осиповичи
Понедельник, 14 июня, 2021
Еще

    Рэйд Начная варта

    Популярное

    Ноччу вартаўнік на жывёлагадоўчай ферме, як кажуць, цар, бог і воінскі начальнік.
    Зразумела, пры патрэбе ён заўсёды можа звярнуцца за дапамогай у міліцыю — фермы ў раёне даўно забяспечаны сістэмамі экстраннай сувязі, а расслабляцца варце не даюць рэгулярныя рэйды, праводзімыя аддзелам аховы правапарадку і прафілактыкі РАУС. Адзін з якіх і адбыўся 26 студзеня. Правяралася арганізацыя варты на вытворчых аб’ектах СВК «Калгас «Ясень”.
    Выезд з райаддзела адбыўся ў 22.00, вяртанне ж планавалася недзе каля трох гадзін ночы. Каб наведаць пяць ферм нават у адной гаспадарцы, трэба праехаць каля 100 кіламетраў, ды і на знаёмства з сітуацыяй на кожным аб’екце па-трабуецца не адна хвіліна…
    Каля фермы ў вёсцы Грынёўка давялося памерз-нуць недзе з паўгадзіны. Вартаўнік яўна знаходзіўся ў памяшканні — уваход быў зачынены знутры, але на настойлівы грукат у дзверы ды вокны не рэагаваў. Такую «глухую абарону” ўвогуле можна лічыць парушэннем, але не ўсё ў гэтай сітуацыі адназначна. Працуе тут чалавек, у якога праблемы са слыхам, таму цалкам магчыма, што якраз у гэты час ён абыходзіў вя-лікае памяшканне кароўніка і быў далёка ад уваходных дзвярэй.
    Чаму на пасаду вартаўніка ўзяты селянін з пэўнымі фізічнымі абмежаваннямі? У Грынёўцы, на жаль, адчуваецца востры дэфіцыт працаздольнага насельніцтва, і кіраўніцтва СВК, па-сутнасці, сёння не мае іншай альтэрнатывы.
    А вось на жывёлагадоўчых комплексах у Ясені з кадрамі вартаўнікоў усё ў парадку. За фермай, дзе ў двух хлявах стаяць 170 дойных кароў і 150 цялушак, назіраў зухаваты дзед, гэткі «каўбой у адстаўцы” — Мікалай Крупяневіч. Ён даўно на заслужаным адпачынку, але рэгулярна падмяняе штатнага ахоўніка — уласную жонку.
    — Працаваць ноччу жанчыне цяжка, — разважліва тлумачыць Мікалай Фёдаравіч. — Вось раз у тыдзень і даю жонцы выспацца.
    Да справы Крупяневіч адносіцца грунтоўна і меры па ахове жывёлы прымае радыкальныя. Так, напрыклад, каня — а іх апошнім часам крадуць на Магілёўшчыне даволі часта — ён «пасадзіў” на трывалы цэп.
    А вось у комплексе па адкорме цялят, дзе за статкам у 174 галавы назірае Маарыф Губадаў, пэўныя недахопы ёсць. Па словах вартаўніка, тэлефонная сувязь тут працуе з перабоямі, таму спадзявацца даводзіцца больш на ўласны мабільнік. Ды і з дакументамі, якія павінны знаходзіц-ца ў вартавым памяшканні, парадку няма: кнігу ўліку праверак вартавай аховы ўдзельнікам рэйдавай групы знайсці так і не ўдалося. Дзе яна знаходзілася, вартаўнік не ведаў, і ўвогуле яму тое ведаць неабавязкова — гэта кампетэнцыя загадчыка фермы…
    У вёсках Татаркавічы і Заельнік за жывёлай наглядалі маладыя хлопцы — Аляксей Несцераў і Віктар Корсакаў. Усё ў іх як мае быць, хаця ў плане агульнай надзейнасці аховы пэўныя перавагі мае ферма ў Заельніку. Пад’езд да службовай тэрыторыі тут пера-крыты металічнай брамай, пераадолець якую на машыне, не атрымаўшы дазвол вартаўніка, немагчы-ма.
    Ферма ў вёсцы Матавіла ў рэйтынгу абароненасці гаспадарчых аб’ектаў «Ясеня” займае, бадай, самае нізкае месца. Пацвярджае такую ацэнку выпадак, які адбыўся 2 студзеня. У тую ноч невядомыя злачынцы ўлезлі ў зацягнутае поліэтыленам акно, адчынілі дзверы і без пера-шкод вывелі жывёліну коштам каля 1,5 мільёна рублёў.
    Характэрна, што вартаўнік, падчас змены якога адбыўся нахабны налёт, ніякіх падазроных гукаў не пачуў. Хаця знаходзіўся ў гэты час зусім побач — ва ўласнай дзяжурцы…

    Летась з мэтай кантролю захавання матэрыяльных каштоўнасцей на аб’-ектах аграпрамысловага комплексу было праведзена 125 праверак, падчас якіх выяўлена 70 парушэнняў. За студзень у 15 рэйдах праверана 60 аб’-ектаў і выяўлена 45 парушэнняў.
    Асаблівую трывогу аддзела аховы правапарадку і прафілактыкі РАУС выклікае арганізацыя нагляду за маёмасцю ў СВК «Калгас «Ясень”.
    Рэйдавая брыгада:
    Дзмітрый Стрынатка, участковы інспектар міліцыі;
    Сяргей Кучаравы, намеснік галоўнага ўрача ВСУ «Асіповіцкая раённая ветэрынарная станцыя”;
    Дзмітрый Саўрыцкі, карэспандэнт «АК”.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку